Aisaia 32:14 - Godigo dwagi yai po buku

¹⁴ Magi baso meni. Te tigidali we bidi dabe augwali te hanu taga pelama, tama augwali te hanude ugwa eda iyu, augwali te hanude sę dabe me egobeo. Te tuni bidigo be, me te ami bagego bomai obo, me te ami bidi dabe bidama boi bidi dabe asobo tonalubo te bobobage sigi be dabe, sese olo elaluama, tama dolaibao. Tama te bulu yowi donki dabe tede biliyu, wiegi yai homu yaibao. Tama me, te sipsip kibu dabe aselama, teba nosai tuagasaibao.

Aisaia 32:14 Referans Kwoze

Aisaia 27:10

Te hanu da, polobadu bomai obo elaluai dao. Tama megi da, sese mu tama dolama, elalubao. Megi da, olo kala sili bulu te we bidi te bulude me bidisąwai bulu ąǫ ebao. Te bulude we bidi me bidibeo. Tama te kau kibu dabe naga te buluba sisinagaselama, tama me te dwasianu ni yabe dabe tuyu, tede bidibao. Tama augwali tede toma tuyu bidibao.

Aisaia 25:2

Nago te genuai hanu dabe te pobele bage pesage holai dao. Tama te bomai obo dabe elaluai hanu dabe sese dola silai dao. Tama te Israel hani isąwai bagego bomai hanu dabe te boi bidi dabego sese mu dola silai dao. Tama augwaligo ma hodolobo usu egobeo.

Aisaia 24:12

Genuai hanu sese mu tama dolali, tama agai genuai obo sunumi tulaluama, tama pebeda pali.

Aisaia 24:10

Te genuai hanude nai dabe sese mu dola silalio. Tama tigidali be sunumi dabe palialua pali. Te bidi me tomoba me pabo usu ebeo.

Dwagi Yai Gesi Po Lukgo Asęani 21:24

Tama te boi bidi dabego te Juda dabe me badu moni hwągo ela muaibao, me badu nogo si dųlama, kalabus ilama, odasa pelama, tama tigidali gasa tǫba mugi paibao, tede mu bidimainu yaibao. Tama te boi bidi dabe, te Juda bidi hani isąwai dabe, augwaligo te Jerusalem hanu mu dola silaibao, te aiyaba elaluaibao. Tama nosali te Juda hani isąwai dabego Juda dabe aiyaba elaluabo si silaibao,” Jisasgo te po augwalibolo wai.

Dwagi Yai Gesi Po Lukgo Asęani 21:20

Te Jisasgo te po me wai, “Te nosali dagego te ami bidi dabego Jerusalem be nani bagulibo maga dagego subaso, teda te Jerusalem hanu dolabo sogo pąba yagasali, te dagego koneaibao.

Aisaia 6:11

Tama tibaso, eno aga e tama po hanalu wali, “Genuai Bidi, eno te sę ela pelama, mena sogoba usu nigi paibawe?” Tama agai po wei ponoyu, te po wali, “Te tigidali hanu dabe, me tǫ dabe, me be dabe sese dola silama, be dabe olo elalua pabo sogode. Tama bidi dabe te bede dabe bidi me bidisąma ebo sogoba usu nigi paibao.

Aisaia 5:9

Eno odali, Genuai Bidi Tigidali Bomo Elalubo Bidigo te po wabo eno odali, “Mu tama, te genuai dwagi yai be dabe dolama, te olo elaluaibao. Awe, bidi dabe te wiegi yai be dabe me bidigobeo.

Godigo Nogi Ugwaba Sabo Tęąbi Po Wabo Buku Dabe 104:11

Bulude bidibo uni hasa dabe, augwaligo te ąį tumainogo yai, tama te uni donki dabe augwaligo me te ąį tuyu, tama augwali dogoni wa pogobeo.

Te Israel me Juda Hani Sigo Tuni Bidigo Po Elalubo Buku Si 25:9

Tama agai te Genuai Bidigo tempel be me, tama me te Juda hanigo king bidigo be me, tama me te Jerusalemde bidibo genuai bidi dabego be dabe tigidali sia tulama, tama siago dela pela silali. Te Babilon hani augwaligo mu te be me tulube.

Aisaia 7:23

Te sogo da, dagego gi dabe dola silaibao. Megi te dagego dwagi yai wain ni gi deli delide te 1,000 wain ni bono elalubo, tama te ni dude dagego masigi 1,000 kina te sabao. Tiali goli, te dwai sesane ni me, sesane bono si holama, te ni mesegelaibao, te dwagi yai gi dabe, tama bidi dabe olo bilibo wi yaibao. Ma, bidi dabe augwali teba poloba painu da, teda augwaligo enesigi me selama, hasa kegegi paibao.

Jeremaia 6:5

‘Tagalao. Augwaligo augwa digi seselalumainogo eyu, augwaligo te masigigo nigai boma pai genuai be dabe elaluali goli, dago hulide pelama, te be dabe dolinao,’ te po waibao,” wali.

Jeremaia 14:6

Te uni donki dabe te bulu dude dolalu, te augwa homu hę obaso, te bomonama mobo ma kekali, te uni yowi dabego ebo tiwai yai. Augwa te tuabo nosai meni baso, te augwali gedu kimi isalio,” Genuai Bidigo te po wali.

Jeremaia 33:4

Magi baso meni, ena Genuai Bidi, ena dage Israelgo God dao, eno te Jerusalem be dabe, me te Juda kingo be dabe me homu kone palobao. Te boi bidi dabego Jerusalem bagua sagaselama, tǫ du holali, te augwa tede dolalugulama, te taunba aiya hwįainogo tialio. Te Jerusalem dabego augwa be dabego digi aluama, te masigi me ni nami selama, taun genuai obo aluali madi mugi pali, te obo dąų waliyu tiai dao.

Jeremaia 52:27

te Hamat tǫba odasa pai. Te kingo po obaso, augwaligo te bidi dabe tede ela muai. Te Babilon dabego tama kolesaga elama, te nosali augwaligo te gasa Juda dabe selama, tama digibulu mu pelama, te Babilonba kalabus igibu sela pai dao.

Hosea 2:3

Te agai tagalisąbaso da, teda eno aga gudali ugwa tigidali peda sąnama, tama aga tigi olo gagolama, te aga ame nani sogo tiwai tigi olo bidiyu, tama aga hale dwai mu yaibao. Tama eno aga te tǫ wa pai pedalubo tiwai elama, te ni meni ebo tiwai ilaibao, tama te tuabo wę me meni yaibao, tama tebo kolesagago te eno aga dolaibao.

Sefanaia 2:7

Tama te dwasianu Juda hani augwali dolisąma yali, te bage augwaligo dagego tǫ saibao. Tama augwaligo sipsip kibu dabego tede nai tulama, tama te Juda dabe augwali te Askelon taun bede piyu yaibao. Tama God augwa Genuai Bidi, augwa Juda dabego Genuai Bidi augwali dali bidiyu, tama agai augwali augwa kantride bugagia bidimainu ilaibao.

Sefanaia 2:15

Te Ninive dabe augwaligo homugo augwali bomai bage dao homu elama, tama augwaligo homu augwali bidi dabego me dologobeo homu ebao. Tama tiyu, augwali wiegi yai homu pemene ebao. Tama augwaligo homugo augwaligo taun te hasia polalubo taun dao homu ebao, te tigidali kantri tomode. Tiali goli, mu menio. Te dwai nai dabe te Ninivede pedelaibao. Tama te bulu dolama, tama elaluaibao. Tama te bulu te bulu hasa dabego bulu gagawaibao. Te bidi dabe sese augwali te pąba pabo bage augwaligo posobo po weyu, eda ma kila siyu yaibao.

Tuni Bidi Dabego Po Elalubo Buku Si 33:14

Tama te nosali badu, Manase agai augwaligo Devitgo Taun wabo tede obo gesi me ma yali. Te obo te ugwanu mu dao. Te obo te giliga dega sabo badu odogo malu bulu badu gagalama, pelama, u badu not badu augwaligo Sųgųgo Sunumi wabo, te sunumiba usu nigi pali. Augwaligo taun Ofel wabo te taun bagua selama yali. Tama me Manasego te bomai obo elalubo taun dabe tigidali tonalua pomainogo agai ami ofisa bidi dabe sa muyu ela pali, te Juda distrikde.

Nehemia 3:26

Augwaligo te obo sę ela pelama, te Wę Sabo Sunumi pageba sabolama, te bidi dabego te Godigo tempel be tonalubo madiba pedelai. Te sunumi me taua te augwaligo nigali masigi obo elalubo badu te giliga dega sigilubo badu elaluali. Te obo dage te Ofel pąde elaluai, te Godigo be tonalubo sę bidi dabe bidibo madi te Jerusalem badu elaluai dao.

Aisaia 3:26

Tama augwaligo nago nai tigidali saibao. Nage te we me augwaligo agai ugwa dabe sese sela sąwai tiwai yaibao. Tama aga tǫde habu olo dulalubo tiwai yaibao. Tama te obo sunumi dabego te nai dabe nage tigide pedalobo sulama, tama augwali hobede elama, gela waibao.

Maika 3:12

Tialima, te tobolu bidi dabe me, pris me profet, te duga yali sęde naga te Godigo Jerusalem dolaibao wali. Te Jerusalem tigidali nai doado bage te dolama, tama te pobele bage hogomu pesage holobo tiwai yaibao wali. Tama Saion te olo tǫ pedelama, te bidi dabego tede te gi nai bulaibao wali. Tama te bulu dude te dasu nosai pedelaibao, te Godigo be elalubo madi tiaibao wai dao.