Aisaia 32:11 - Godigo dwagi yai po buku

¹¹ Megi da, dage wiegi yai te bidibao, tama dagego homugo dage wiegi yai te bidiba homu ebao. Tiali goli, dage noma selama, wi elama, tama duga wiegi yai ugwa dabe peda sąnama, tama hobedai ugwa dabe gudiagameo.

Aisaia 32:11 Referans Kwoze

Aisaia 3:24

Tama te sogo te Jerusalem we dabego polobadu auwali tiai me egobeo. Te augwaligo sanda wel meniama, tama augwaligo tigi kugumini dwai mu yaibao. Te augwaligo sawi yai ugwa me, ugwa name me augwaligo kukulu gudabo ugwa name menia saibao. Tama tibaso, augwali dwai ugwa dabe gudama, tama dwai bonogo augwaligo ugwa dąų walaibao, te bono te kukulu gudubo ąǫ yaibao. Te augwaligo augwa tobolu au me iligobeo. Magi baso meni. Te boi bidi dabego augwaligo tobolu nisi sese poala sąnama, tama augwaligo tobolu wane yaibao. Tama me augwaligo sawi gesabidide da, te boi bidi dabego kalabus bagego magi augwaligo gesabidide togaibao.

Jems 5:5

Tama tigidali sogo dage e tǫde bidibo sogo, dagego dwagi dwagi yai nai siyu, tama dage homu dwagi yai naga eyu bidai. Tama dage nai hauwa tuyu genuai bidi nisai, tama dage elabo bodolu te pąba pedalai dao, te nisai genuai kibu tamadi elabo bodolu pąba pedalobo tiwai dao.

Hosea 2:3

Te agai tagalisąbaso da, teda eno aga gudali ugwa tigidali peda sąnama, tama aga tigi olo gagolama, te aga ame nani sogo tiwai tigi olo bidiyu, tama aga hale dwai mu yaibao. Tama eno aga te tǫ wa pai pedalubo tiwai elama, te ni meni ebo tiwai ilaibao, tama te tuabo wę me meni yaibao, tama tebo kolesagago te eno aga dolaibao.

Jeremaia 49:3

“Dage Hesbon hanu Amon hani we bidi dabe, dagego bomonama gela wao, magi baso meni, te taun Ai dolalio. Dage Raba taun we bidi dabe, dagego gela waiyąo, dagego te hobede ebo ugwa gudama, te hobede ebo tęąbi wao. Te dage wi painogo, me badu udayu, gelama, gasa badu udayu yao. Magi baso meni, te boi bidi dabego Molek saibao, duga te tibo god, te gasa kantriba sela pelama, kalabus igi paibao, te aga pris dabe dali me, dage Amon tobolu bidi dabe me, te kalabus paibao,” te po wali.

Jeremaia 6:26

Tialima, Genuai Bidigo te po wai, “Dage eno we bidi dabe, dagego te homu dene ebo ugwa dabe gudulama, te sia kelide pila mudu bebegeliduao. Dagego genuai gela weyu, hobede ebo tęąbi wao, te aya ida wai deli naga elaluali, augwa te wai isibo sogo homu dene ebo tiwai yao. Magi baso meni, te polo mu tama te boi bidi dabe dageba pedeliyu, te dage dolaibao,” wali.

Jeremaia 4:8

Tama tialima, dage te homu dene ebo sogo gudubo ugwa dabe munama, te gela weyu, hobede ebo tęąbi po waiyąo. Magi baso meni, Genuai Bidigo dade haliga sębę umabo eyu, tama agai te haliga sębę ebo me tagalobeo.

Aisaia 33:14

Te Saionde te dwai kolesaga ebo we bidi augwali wi elama, noma sali. Tama augwaligo e tama po obao, “Genuai Bidigo sębę da, te da te bomai isi tigidali sogo dabo isi tiwai, tama tigidali nai dabe dela silibo tiwai dao. Te da tomode de mu te isi dali bidaibawe?”

Aisaia 20:4

Te Asiria tuni bidigo te Isip dali Sudan bulu siba hwįgi paibao. Tama agai te bulu sigo gesi bidi me, monu dabe me, kalabus elama, gasa buluba sela paibao. Tama augwali pabo sogo da, augwali ugwa me, sągą nadoba me, me gudasa pogobeo, mu meni yaibao. Augwali habu olo bidiyu, augwali hale mu yaibao.

Aisaia 15:3

Tama augwaligo hobede yai ugwa dabe gudama, tama te hanu sunumi dabede bilaluali. Tagala, augwali augwa be pedude bidibo me, o deliba sisinibo pesagede bidibo me. Tigidali gela genuai mu wali. Tama gela ųga hauwa mu augwaligo gedudu tulalualio.

Aisaia 2:21

Tama te sogo da, Genuai Bidigo te tǫ mali iliyu, tama tǫde wi mu yabo sę dabe yaibao. Tama te we bidi dabe me wi mu elama, te masigi ola beba me, bulu du dologode elalubo masigi dedageba dabe wi duala sigi paibao. Te augwaligo te Genuai Bidi aga ula dali, bomo dali, asobo augwaligo suidali weyu.

Aisaia 2:19

Tama te sogo Genuai Bidigo te tǫ mali iliyu, tama e tǫde nai dabe wi mu ilaibao. Tama te we bidi dabe me wi mu elama, tama masigi dudulaweba me, tǫ dudulaweba me, wi duala sigi paibao. Te augwaligo Genuai Bidi aga bomo dali, genuai ula dali, asobo augwaligo suidali weyu.

Bomai Po 28:48

tama tibaso Genuai Bidigo boi bidi dabe tagala palama, dage dali hwįagaselama, tama dage augwalide sę yaibao. Tama dage nai sili bidaibao, tama dage wę nogonego isaibao. Tama me name ugwa dabe, me ugwa meba dabe, me gasa meba nai dabe habuge yaibao. Tama te boi bidi dabego dage agalama, dage sese dola siliboba usu naibao.

Godigo Nogi Ugwaba Sabo Tęąbi Po Wabo Buku Dabe 123:4

Te sesabi elama bidibo sogo, te mone bisnis sę ebo bidigo dabolo te posobo po wali, tama te hagoma ebo bidi dabego da aiyaba elalubo dao.

Aisaia 22:12

Tama te sogo God, Tigidali Bomo Elalubo Bidigo homugo dage homu dene elama, gela omaina homu ebao. Tama dage duga tobolu nisi gudama, tama hobede ebo ugwa gudumainu homu ebao.

Aisaia 47:8

“Nage te wiegi yai sogo naga gegelama bidabo homu ebo we, te po odao. Nago homugo nage bugagia bidaiba homu eyu, te dwai sę nageba me pedalugobe da homu elama, te naga digi nago te po wali, ‘Enaduba deligo eno tigidali bomo elalubao, te ena tiwai gasa me meni,’ wali. ‘Te ena te tiwai we, te aga bidi isama, te aga wai puluba me isai, te tiwai me pedalugobeo,’ homu yalio.

Sefanaia 2:15

Te Ninive dabe augwaligo homugo augwali bomai bage dao homu elama, tama augwaligo homu augwali bidi dabego me dologobeo homu ebao. Tama tiyu, augwali wiegi yai homu pemene ebao. Tama augwaligo homugo augwaligo taun te hasia polalubo taun dao homu ebao, te tigidali kantri tomode. Tiali goli, mu menio. Te dwai nai dabe te Ninivede pedelaibao. Tama te bulu dolama, tama elaluaibao. Tama te bulu te bulu hasa dabego bulu gagawaibao. Te bidi dabe sese augwali te pąba pabo bage augwaligo posobo po weyu, eda ma kila siyu yaibao.

Ma Dobola Sali 33:4

Tama Mosesgo te we bidi augwalibolo te Genuai Bidigo te bomai po mobaso, tama augwaligo homu sęgę elama, tama augwaligo te wiegi yai au te tigide me mubeo.

Joel 1:8

Dage we bidi dabe, dage gela waiąo, te gesi wegi aga sainu yali bidi isibaso, te aga gela wabo tiwai iyąo.