Aisaia 30:8 - Godigo dwagi yai po buku

⁸ Genuai Bidigo enabolo te we bidigo ebo kolesaga po te bukude asęao wali, me te po me te masigi togalama, asęao wali. Te da te po te tigidali sogo mu elaluama, tama te we bidigo sulama, tama augwali te po sela sąbo we bidi yabo omainu.

Aisaia 30:8 Referans Kwoze

Habakuk 2:2

Tialima, Genuai Bidigo enabolo te tama po wali, “Eno nagebolo te po mobao, te nąde wabo tiwai po mawaibao. Tama nago te po te masigi pedai me delide bugagia asęnama, tama niwai bidigo nedainogo te agai bugagia sulama, nedemainao.

Aisaia 8:1

Genuai Bidigo enabolo walali, “Te po tede asęabo genuai nai me sao, tama ugwadu nago te po asęao, ‘Polo wi sa, polo sela pa.’ Nago bugagia asęao, tama te bidi dabego bugagia nedebo usu yaibao.

Bomai Po 31:22

Te sogo tama Mosesgo te balia po asęnama, Israel dabe ola mani.

Jeremaia 51:60

Jeremaiago te dwai sę tigidali Babilonba pedelabo po asęai, te Genuai Bidigo agaba mani po dabe dao.

Jeremaia 36:2

“Te buku me deli selama, te eno nagebolo mabo po tigidali asęao, te sę dabe te Israel, me Juda, me gasa bulu tǫ kantri dabeba pedelaibao. Nago te po tigidali asęao, te hasia sogode mu gagalama, te eno nagebolo mawai, te king Josaiade gagalasa, te megi e sogoba usu nagasobao.

Bomai Po 31:19

Tama eno nagebolo balia me deli mawaibao, tama dagego asęao. Tama nago te Israel dabebolo te balia ola mao. Tama tialima, te balia pogo augwali nosali po tų ela mawaibao.

Israel Hanigo Namba 24:14

Tama Balamgo Balak dali po genina ma weyu, te po wali, “Megi ena ena we bidiba ma paibao. Tiali goli, eno nagebolo te Israel dabego nago we bidi dali nosali yabo sę po nagebolo pusaibao.”

Bomai Po 4:30

Tiali goli, dage genuai sęgę tomode bidibo sogo da, me te dwai nai dabe dageba pedalobo sogo me, teda dage homu begelama, ma geasa asama, Genuai Bidigo po wali paibao.

Jutgo Asęani Pas 1:18

Te sę pedelasiąbadi tama augwaligo dagebolo te po wai, “Te nosali te tǫ dali, dagalu dali si silibo sogo te pąba yagasobadi, tama bidi mebago Godigo da ola mabo wiegi yai doloba pai kolesagade gisugu wagasobo bidi dabe pedalaibao. Tama augwaligo Godigo po tudiba muyu, tama bomo eyu, augwa tigigo tǫde ebo dwai dwai kolesaga naga wali paibao,” te po augwaligo wai dao.

2 Pita 3:3

Hasia dagego tebolo koneiąo: tama te tǫ de dagalu si me te tigidali nai silibo sogo, te posobo po wabo bidi dabe augwali pedalama, tama augwa bomonama naga te homugo ebo dwai kolesaga naga wali paibao. Tama augwaligo posobo po e tiwai po weyu, “Aga ma asabo po wali dawe?

2 Timoti 4:1

Godigo Tedali Mobo Bidigo hanilama te po wai: nosali sogo bidi meba augwaligo te Kraisde konealubo po tagalaibao wali. Te augwaligo te tibo po wabo dwai haubo noma bidi dabego ola mabo po odama, tama augwaligo te dwai haubo noma bidigo po wali paibao.

Hosea 3:5

Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.

Esekiel 38:16

Te eno dage ena we bidi te Israel we bidi dabe dali hwįgi pomainu tagala palaibao. Tama augwaligo dagego te tǫ te pǫgo mesega sabo tiwai ebo augwaligo sueibao. King Gok, nosali sogode nago te sę dabe emainogo eno nage hodolaibao, te gasa hani dabego sulama, konemainogo, te ena tedali gasagi yai bidiyu, tama eno kolesaga te wiegi yai mu elama, tama doloba pai mu dao olama konemainu. Tama augwaligo ena bugagia mu koneaibao.

Jeremaia 48:47

“Tialima, te nosali sogode eno te Moap wiegi yai ma pedalumainu yaibao. Ena Genuai Bidi, eno te po walio.” Genuai Bidigo te Moap bage dagalabo po tigidali wali, te silali dao.

Jeremaia 23:20

“Genuai Bidigo haliga sębę elaludu, te agai homude yaibao wali tigidali sę ela siliyu, usu naibao. Te bodolu muani sogo asobo side, dage we bidigo te sę dabe page bugagia koneaibao,” wali.

Aisaia 2:2

Te me sogo nosali, te Genuai Bidigo be dolalubo te bulu du, te genuai ugwanu ma dolaluyu, tama gasa bulu du dabe aiyaba elaluai elaluaibao. Tama tigidali we bidi hani teba sisinagasaibao.

Bomai Po 31:29

Eno koneani, ena isai digi dage we bidi dwai mu pedelaibao, tama eno dagebolo mani po me wali pogobeo. Te dagego dwai kolesaga hauwa mu yaibao. Tama dagego Genuai Bidi sębę mu ilaibao, tama agai dageba dwai sę dabe mu pedalomainu yaibao,” Mosesgo te Livai pris dabebolo te po wali.

Aisaia 34:16

Te Genuai Bidigo buku tomoba sulama, nago te nai dabe elalubo po nedao. Tigidali hasa me ba dabe te bukude po wali gilama, te bulu Idomba bidagasaibao. Te me deli augwali me bidigobeo. Magi baso meni, Genuai Bidigo digi augwali asao wali. Te aga Mobo Bidigo augwali sisinama, te augwali odasa asaibao wali.

Jeremaia 30:2

“Ena Genuai Bidi, ena Israelgo God, eno te po obao, nago te buku me deli selama, te eno nagebolo mani po tigidali asęao.

Jeremaia 36:4

Tialima, Jeremaiago te Neriago ogwa, Baruk i olama, asali. Tama Jeremaiago te Genuai Bidigo agabolo mani po tigidali pusama, tama Barukgo te po buku me delide asęai dao.