Aisaia 30:19 - Godigo dwagi yai po buku

¹⁹ Te Jerusalemde megi bidalubo we bidi, tega, dage hobede elama, gela me wagobeo. Megi te Genuai Bidigo dage hobede elama, dage tau sabo deli naga no munalubao. Te dagego aga i olama, gedu haluasa po wabo si da, polo tama agai dagego i wabo odama, dage olo mu tau saibao.

Aisaia 30:19 Referans Kwoze

Aisaia 60:20

Nago te giliga me polua iba dega sigi pelama, te be hulia siyu ebo me pedalugobeo, magi baso meni, ena Genuai Bidi, sesemane sogo ena te nago ula tiwai elalueibao. Tama nago sęgę dali homu dene ebo sogo me tigidali silaibao.

Aisaia 65:24

Te augwa godolo homu eyu, te sabo homu ebo nai po te enaba gedu haluasa po weyu, hanalusiąbadi, te eno augwaligo hanalubode wei ponaibao. Te augwa gedu haluasa po wabo sogo da, teda eno te nai dabe augwaliba mawaibao.

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Aisaia 58:9

Te dagego enaba gedu haluasa po weyu, i wabo sogo, te ena Genuai Bidi, eno te dagego gedu haluasa po wabo odoyu, tau saibao. Te ena dage dali bidibo, dagego koneaibao. Te dagego gasa bage dabe aiyaba elaluama, te augwaliba nogo tų eyu, po dwai wabo tagalama,

Kraisgo Geme Dualali Sę Pedelabo Po Jonbolo Ola Mani 7:17

Magi baso meni, te genuai tuni bidi duabo nai gesabide bidibo kibu sipsip wai, te aga digi agai augwali tonalubo bidi bidaibao, te kibu sipsip tonalubo bidi agai aga sipsip dabe tonalubo gilama tiwaibao. Tama agai augwali te ąį ulu pedalobo digi odasa pelama, tama augwaligo te bidabo ula yabo ąį saibao. Tama Godigo augwaligo gedude gela wali gedu ąį hola sabaso, tama augwali gela ma wagobeo,” te polalubo tobolu bidigo enabolo te po wai.

Dwagi Yai Gesi Po Lukgo Asęani 6:21

Dage megi nasi ebo bage, dage bugai homu iyąo. Dage nosali tabiaibao. Dage megi gela wabo bage, dage bugai homu iyąo. Nosali duga gisugu waibao.

Aisaia 25:8

Agai te isibo me silama, tama augwali me isibo sę me egobeo. God Genuai Bidigo augwaligo gela ųga sia sąnama, tama augwaligo gedu ąį wa sąwaibao. Te we bidigo gedu ąį menia saibao. Tama agai aga we bidi tigidali tǫde bidibo we bidigo hale me sia sąwaibao. Genuai Bidigo te sę yabo po polo wai dao.

Jeremaia 33:3

Te nago enaba i wao, tama eno nago te gedu haluasa po wabo wei ponaibao. Te geme dualalubo genuai nai dabe, te nago konesiąwani nai dabe po te nagebolo pusaibao.

Aisaia 65:9

Te eno Juda dabeba wiegi yai sę eyu, te tigidali Israel haniba me tiaibao. Eno augwali te genuai we bidi hani pedalumainu ilaibao, te augwali eno bulu du pesagede bidalumainu yaibao. Te hani we bidi dabe eno augwali sa munama, te eno sę bidi bidimainogo yai, te tǫde augwali bidimainu yai dao.

Jeremaia 31:12

Tama augwali te Saion bulu duba dolugulama, te augwali wiegi yai pemene mu elama, te i umabo mu udaibao. Te ena Genuai Bidigo augwaliba te wiegi yai nai mu mobaso, te augwali wiegi yai pemene yaibao. Te augwaligo wiegi yai pemene ebo te nai witba, me wain, me oliv wel, me te kibu sipsip dabeba, me eno mabo bulmakau dabeba te augwaligo homu pemene yaibao. Te wiegi yai mu pedalama, te gi wę usu elalubo gi tiwai dao. Te augwali dwai munu ma bidibeo.

Kraisgo Geme Dualali Sę Pedelabo Po Jonbolo Ola Mani 5:4

Tama eno suali, te buku dąų wali dagalama tomoba suabo bidi gegali te me sube. Tibaso, ena gela hauwa wali.

Efesus 3:20

Te dago Godigo nogi ugwaba mu sinao. Tama agai te wiegi yai kolesaga ebo bomogo da we bidi tomode genuai sę ebo dao. Te sę ebo bomogo te da Godibolo hanaluyu gedu haluasa po wabo me, te dago homude ebo kolesaga te tigidali agai aiyaba elaluyu, tama agai wiegi yai kolesagade sę ebo te genuai mu ebo dao.

Polgo Po Pas Rom Dabeba Asęani 11:26

Tama te kolesagago te Godigo te Israel dabe tigidali ma dobola saibao. Te agai po asęani bukude wali po tiwai gilama yaibao, “Te we bidi ma dobola sabo bidi aga te Saion buludu asaibao. Te agai te Jekopgo bidi hanigo yali Godigo po sela sąbo kolesaga te agai sela sąwaibao.

Maika 4:9

Jerusalem, magi baso nage gela genuai obawe? Magi baso nage te wego wai ame nainu tudi eliyu, tigi dene ebo tiwai ebawe? Nago king meni da, agawe? Nago kolesaga page koneai bidi dabe isila pai da, agawe?

Esekiel 36:37

“Ena God Genuai Bidi eno te po obao. Te Israel dabe augwaligo enabolo te augwa we bidi hauwa ilao po hanalubo sogo da, teda eno augwaligo te gedu haluasa po wabo me odaibao.

Jeremaia 50:28

Te Israel me Juda meba te Babilon taga soyu, te Saionba wi ma asali. Odao! Augwa e tiwai po obao, “Genuai Bidi dena God, agai be dolali hani dabeba te dwai dene wei ponama, mabo dao,” wabo.

Jeremaia 31:6

Te sogo te Efraim hanigo bulu dude bidibo tonalubo bidi dabego, augwa te tama i waibao, ‘Tegoba, da te Saion bulu duba pinao. Da Genuai Bidiba pobao, dena God dao.’”

Jeremaia 30:12

Genuai Bidigo te tiwai po wali, “Israel, te augwaligo nage dwagilama mu elama, te nago genuai keni pedela sabeo.

Aisaia 10:24

God, Genuai Bidi Tigidali Bomo Elalubo Bidigo te po wali, “Eno we bidi dage Saionde bidibo, dage te Asiria dabede wi igimio. Augwaligo dage te wąbigo elama, dage dali dwai sę ebadi me tagalao. Te Isip bagego polobadu yali tiwai ebadi goli.

Esekiel 20:40

“Magi baso meni. Te ena God Genuai Bidi, eno tama po obao. Te po tų yali tudi badu, dage eno we bidi te Israel eno tǫba ma pelama, te dage tigidaligo enaba te genuai tedali gasagi yai bulu dude digi lotu obaso, te eno dageba wiegi yai homu pemene yaibao. Te dagego enaba wiegi yai homu eyu, polasa inayai wiegi yai ofa yabo nai dabe selasa aselama, te dagego enabolo maiagameo,” te po wai dao.

Jeremaia 51:10

Genuai Bidigo te Babilon dolobaso, tama te kolesagade agai te da dali yali kolesaga te doloba pai kolesaga naga dao, te hania ola mani. Tegobao, da te Saionba pelama, te dena Genuai Bidi, Godigo yali sę tigidali hanilaibao,” augwaligo te po waibao.

Jeremaia 31:9

Te eno augwali odasa asobo sogo, augwa gela weyu, enaba gedu haluasa po weyu, tama asaibao. Te eno augwali dodolo asu, te augwali eno wiegi yai wę elalubo pesageba pedelama, te eno augwali doloba pai sunumidu odasa asu, te augwali me tula mugobeo. Eno te tama tiwai yaibao, magi baso meni, ena te Israel hani dabego Aya bidibao, tama Efraim te eno gomunai wai tiwai dao,” wali.

Aisaia 46:13

Menio. Te pąba pedelalio. Te eno munu ma tonalugobeo. Te eno dage Israel dabeba boi bidi ebo bidi dabeba dene mu menama, te dage bugagia ma bidaibao. Te Jerusalem taun me wiegi yai bugagia ma ilaibao, te eno ena genuai nogi me bomo te dage Israel dabe tomode hania pepeli diliba pedalumainu yaibao,” wai dao.

Aisaia 35:10

Te Genuai Bidigo ma dobola sali we bidi dabe, te augwali wiegi yai pemene dali te Jerusalemba ma asaibao. Te augwa genuai po dagą weyu, balia weyu, te sunumidu aselawaibao. Te augwa wiegi yai bugagia mu dugulalu, te augwa pemene umabo mu yaibao. Augwa te wiegi yai pemene ebo munu me sia sogobeo. Te dene, me haliga sęgę, te augwalide munu ma me elalugobeo.

Aisaia 65:18

Dagego te eno megi nigali gesi naiba bugai haliga eyu, wiegi yai pemene sesemane sogo yao. Magi baso meni. Te eno nigainogo ebo gesi Jerusalem te we bidi dabego godolo elama, wiegi yai pemene yabo pesage pedelaibao, te aga we bidi dabe te bugai haliga mu elama bidaibao.

Aisaia 33:2

O Genuai Bidi, dago homu kolesaga nage deliba naga elalubao. Nago da hobede elama, tama tigidali sogo da bugagia tonaluagameo. Tame te sęgę ebo sogo, nago da ma selama, tama dago augwali aiyaba elalumainu ilao.

Aisaia 41:17

“Te eno we bidi dabe te ąį mu sǫą pelama, te augwali dogoni te ąį tuabo wa pali sogo, te augwaligo ena i obaso, tialima ena, Genuai Bidi, te eno augwaligo gedu haluasa po wabo odaibao. Ena, te Israelgo God, te eno dage homu kone me gegeda palogobeo.

Aisaia 65:19

Ena digi me eno wiegi yai pemene te Jerusalemba elama, te ena we bidi dabeba bugai haliga yaibao. Te gesi nigali Jerusalemde te bidi dabe gela wabo kulukulu munu me elalugobeo, te genuai dene elalubo bidi dabego te i wabo sę me elalugobeo.

Jeremaia 31:16

Tialima, ena Genuai Bidi, eno po obao, Resel, nage gela munu ma wagio. Nago gedude gela ąį hola sąyao. Nago gela odolali me wabeo. Menio. Te nago hani wai dabe augwaligo boi bidi dabego tǫ kantri tagalama, nageba ma asaibao.