Aisaia 30:18 - Godigo dwagi yai po buku

¹⁸ Tiali goli, Genuai Bidi da, tigidali sogo doloba pai kolesaga naga ebo God dao. Tama tibaso, agai dage homu dene elama, agai hobede ebo dage ola mawainu te tonalubao. Te we bidi dabego Genuai Bidiba homu kolesaga dąų olama, tama agai augwali tau somainao olama, tonaluali we bidi dabe da, augwali wiegi yai homu pemene mu yaibao.

Aisaia 30:18 Referans Kwoze

2 Pita 3:9

Tama tede konesiąwai bidi mebago homu te Genuai Bidi agai te po dąų wali sęde te sę dua dua eyu polo egobeo. Tiali goli te menio. Agai dage bugagia tonaluyu bidibo dao. Agai homugo te we bidi me deli hagaidali te tonaluaibao. Agai homugo tigidali we bidi augwa homu begeleyu te dwai kolesaga ebo tagalamainogo, te aga tonalubo dao.

Bugagia Bidibo Kolesagade Po Asęai Buku 16:20

Te bidi dabego aga ola mabo poba olo bugagia munama te po odobaso da, teda aga bugagia bidibo kolesaga elaluaibao. Tama bidigo konealubo po Genuai Bidiba dąų obaso da, te aga wiegi yai homu pemene yaibao.

Aisaia 8:17

Megi da, eno te Genuai Bidi agai yaibao wali te sę ebo deli naga tonaluaibao. Agai Israel we bidiba polo tudi ola mawai dao. Tama agai augwaliba te begela ma tonogobeo. Tiali goli, eno agai bomo deli naga konealuaibao.

Aisaia 25:9

Te sę dabe pedalobo sogo, te we bidi dabego te e tama po waibao, “Mu tama dao, Genuai Bidi dago God dao. Dago homu agade dąų olama, tonaluai dao. Tama agai da ma oda sai dao. Aga deli naga Genuai Bidi dao. Tama agai da tau sai dao. Tama tibaso, da wiegi yai homu penene genina mu inao. Magi baso meni. Agai da polo ma oda sai dao,” te po waibao.

Godigo Nogi Ugwaba Sabo Tęąbi Po Wabo Buku Dabe 34:8

Genuai Bidigo wiegi yai kolesaga dabolo ebo dao. Duga digi te usu bugagia selama, suiąo, tama te dagego koneyu, te Genuai Bidi wiegi yai mu da waibao. Te Genuai Bidiba konealubo homu dąų mu wabo bidigo da, aga te bugai haliga mu elama bidaibao.

2 Pita 3:15

Tama Genuai Bidigo me tonaludu tama agai da dali dua ebao. Tama dagego te kolesaga ebode tama kone palao, te agai da ma sainogo ebao. Tama Godigo wiegi yai homu kolesaga te dago dwagi yai ama Polbolo menama, tama agai me te tobage po dagebolo asęna tolai dao.

Dwagi Yai Gesi Po Lukgo Asęani 15:20

“Te homu elama, te bulu taga pelama, tama pelama, aga aya pageba painu yai. Tialima, digibulu aga tomode asodubadi, aga ayago aga asobo suali. Tama ayago agabolo homu dene eyu, aya aga ogwanu pageba udulama pali, te nogogo pageali, te gesabide nono nani.

Aisaia 55:8

Genuai Bidigo te po wai, “Eno homu kolesaga te dagego homu kolesaga tiwai elalubeo. Te eno kolesaga te dagego kolesaga tiwai meni, te gasa tedali mu elalubo dao.

Godigo Nogi Ugwaba Sabo Tęąbi Po Wabo Buku Dabe 27:14

Te nago konealubo homu dąų olama, tama te Genuai Bidigo nage tau sagasobo tonaluao. Bomo elama dolaluao, nago haliga sęgę me igio. Awe, nago konealubo homu dąų olama, tama te Genuai Bidigo nage tau sabo tonaluao.

Aisaia 33:5

Genuai Bidi aga genuai nogi mu elaluyu, tama aga bulude ugwade mu bidibao. Tama agai aga doloba pai kolesaga dali, agai po tų dolo naga ebo kolesaga dali, te tigidali Jerusalem tǫde pągąna paibao.

Polgo Po Pas Rom Dabeba Asęani 9:22

Te Godigo me te tiwai yai. Agai te aga sębę homu ebo te bidi dabebolo hania hanilabo homu yali, te tigidali bidigo agai bomo me konemainogo yai. Tama te dwai sę yali dene sabo we bidi augwali dolabo sę te sisi yai elalubo, tiali goli agai augwali gogolama polo elebeo, tama bobage sogo tonaluali.

Jeremaia 17:7

“Tiali goli, bidigo konealubo bomai po Genuai Bidi, enaba elama, tama eno naga aga tau sabo te homu konebaso da, teda eno te bidiba wiegi yai sę bugagia mu yaibao.

Jems 5:11

Tama te tiwai augwaligo te sęgę polobadu bugagia tolai baso, megi dago tama po wabo dao: “Te homu kolesaga dąų olama te sęgę tolali bidi dabe, te bidi megi augwaligo homu wiegi yai eyu bidibao.” Tama gasagi yai bidi me agai nogi Jop, agai yali sę po dagego odai. Te genuai sęgę hauwa te agabolo pedalali digi te agai bomo eyu dolalu, te sęgę te aiyaba elaluai. Tama nosali Genuai Bidigo dwagi yai kolesaga aga dali yai, te me dagego koneai. Tama te bidi Jopde yali sę po odama, tama dago koneani, Genuai Bidi agai da hobede mu eyu, tama sesemane sogo agai da homu dene elama, da agai dwagi yai homu eyu, da olo mu tau sabo dao.

Aisaia 5:16

Te agai doloba pai kolesagago Genuai Bidi Tigidali Bomo Elalubo Bidigo te we bidi dabego bomo aiyaba elaluaibao. Tama aga deli naga genuai nogi saibao. Tama agai te dwagi yai doloba pai kolesaga naga ebogo agai te we bidibolo ola mawaibao, aga te tedali gasagi yai mu dao.

1 Samuel 2:3

“Da we bidigo bugagia koneao, Genuai Bidi aga God te dago ebo sę tigidali koneama, tama agai dago ebo kolesaga dagalubao. Tama tibaso, dage we bidigo duga digi duga nogi ugaba siyu, te po dagą wabo, dage pedauwali pania selama, tama te tobage po wabo tagaliąo.

Efesus 1:8

Tama tiyu, God agai te dwagi yai homu kolesaga eyu, tama agai te tigidali naide mu konea silibaso, tama agai polobadu mu yali homu aga wali peyu, agai dabolo te bidibolo polobadu ola masiąwai po ola mawai. Tama te po dabolo ola masiąbadi, God aga homu te Krais agai eno homu wali peyu, te agai te sę yaibao, Godigo polobadu mu te homu yai.

Polgo Po Pas Rom Dabeba Asęani 5:20

Te we bidi tigidali augwaligo augwa ebo dwai sę te Godigo gedude genuai mu dao konemainogo eyu, tama Godigo te bomai po dabe Mosesbolo ola mawai. Tama mayu, tama augwaligo te bomai po me bolodu mu geanio. Te bidi dabe augwaligo dwai sę umabo mu iduali, tiali goli Godigo te olo tau sabo wiegi yai kolesaga te augwalibolo me mu idu gebo dao.

Godigo Sęba Tagala Palai Bidigo Po 5:31

Tama Godigo selama, ogwaba pelama, Jisas te Godigo dolo nogo badu bidibo, moni nogi elalubaso. Tama tede bidibo, te we bidi tobolu elalubo bidi da, te tau sabo bidi da, te Israel we bidi augwaligo homu begelama, Godigo augwaligo yali dwai sę dabe sela sąmainu ebao.

Dwagi Yai Gesi Po Lukgo Asęani 2:25

Te sogo bidi me nogi Simeon Jerusalemde bidalio. Te aga doloba pai kolesaga eyu, te Godiba lotu wabo bidi bidai dao. Aga te Israel dabe tau sabo bidi asobo tonaludu gesege yai dao. Godigo Tedali Mobo Bidi aga dali bidibaso, tama Godigo Mobo Bidigo agabolo weyu, te aga polo isigobeo po wai dao.

Malakai 2:17

Dagego te haniani po hauwa obaso, tama Genuai Bidi te pode hagela yalio. Tiali goli, dagego te tiwai po hanalu wali, “Dago mena po obaso, te Genuai Bidigo dade hagela homu ebowe?” Dagego te tiwai po obao, “Genuai Bidigo homude te dwai sę ebo bidi te augwali wiegi yai bidi dabe da waibao, po meni, te agai augwali godolo eba homu yali.” Tama dagego e tiwai po weyu yali, “Augwa te po weyu, Godigo te doloba pai kolesaga ebo dao wali. Tiali goli, dago aga te dwai kolesaga ebo bagede te tama tebo subeo,” wali. Tama tibaso, agai dagego te wabo pode hagela homu mu ebo dao po walio.

Godigo Nogi Ugwaba Sabo Tęąbi Po Wabo Buku Dabe 2:12

Dage aga dologoba mu pelama, tama kidu sugunao. Meni baso da, teda agai haliga sębę polo elama, te dage isaibao. Bidigo konealubo homu Godiba dąų weyu, tama agaba mu kęa pelama ebo bidi, te aga wiegi yai homu pemene eyu bidaibao.

Ma Dobola Sali 34:6

Tama aga te Moses pąba pelama ela soali, tama i weyu, te po wai, “Ena Genuai Bidi, ena Genuai Bidi dao. Ena God, tama ena te olo tau siyu mabo wiegi yai kolesaga badi, te homu dene ebo page bidi dao. Tama eno sębę polo me egobeo. Eno tigidali we bidi godolo mu elama, tama eno ena wali po tigidali wali pabo dao.

Efesus 1:6

Tama Godigo aga ogwa Jisasde dwagi yai homu eyu, tama da aga ogwade wadolo baso, tama agai da dali wiegi yai homu ilibo sę yai dao. Tama God agai da olo mu tau siyu agai te genuai sę ebaso, te dago God aga ula yai bomo elalubo nogi ugwaba sao.

Hosea 5:15

“Te ena te ena buluba ma pelama, te ena we bidi tagaligi pelama da, tama te augwali te augwa yali dwai sęgęde te dene me sęgę sabo sogoba usu somainu yaibao. Tiali goli, nosali te augwali enaba ma asaibao. Te augwali dwai dene siyu bolo elama, te augwali enaba ma asaibao,” wai dao.

Aisaia 18:4

Magi baso meni, Genuai Bidigo enabolo e tama po walali, “Ena Genuai Bidi, ena ena bulu dagalude bidiyu, tama eno we bidi dabego ebo kolesaga subo sogo da, ena haliga nagame elama, tama eno olo tama tonaluaibao. Eno homu polo hogodama, augwali polo dolabo homu ebo menio. Meni. Eno dua tonaluyu, tama te giliga nanama, tama masigi sanede bomona nanebo tiwai elama, tama te agai posolo ugwaba dua holobo ąǫ ebo dao. Tiali goli, isi mu dadala sabe. Tama me ma, ena te hulide te nai ininama, sabo magąde te tulubo u meni yai tulubage tulubo tiwai ebo dao.”

Godigo Nogi Ugwaba Sabo Tęąbi Po Wabo Buku Dabe 99:4

Bomai king, nago te doloba pai kolesaga wei ebo dao. Nago da Israel we bidi dabeba te doloba pai me wiegi yai kolesaga menama, tama dago wali pali. Tama nago dago te gasa we bidi dabe te doloba pai kolesagade dagalumainu ilali.

Godigo Nogi Ugwaba Sabo Tęąbi Po Wabo Buku Dabe 84:12

Godigo Te Tigidali Bomo Elalubao, te nageba konealubo homu dąų wabo we bidi dabe, augwa te wiegi yai pemene sesemane emainu yagameo!

Jopgo Po Asęani Elalubo Buku 35:14

Tama Jop, eno homugo agai nago i wabo odogobeo. Magi baso meni. Nago polo wali, nago God subo menio wali. Me ma, nago e tama wali, Godigo nago po tų odobeo po wali. Tama nago bobobage sogo mu tonalubao po wali. Tiali goli, agai odobeo.

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.

Hosea 2:14

Genuai Bidigo te po begelama wabo pode te tiwai po wali, “Tialima, eno te wiegi yai po te we Israel dali olama, tama aga te masigi kemi pesageba ma kekasa paibao. Tama eno aga homu bega sabo po weyu, agabolo te tiwai po waibao, ‘Eno nage godolo mu ebao,’ waibao.

Aisaia 42:14

Genuai Bidigo te tama po wai, “Te bobobage sogode eno pedauwali pania selama, te ena dua digi bidali. Eno ena haliga sębę te palia selama, te eno magi deli me ebeo. Tiali goli, megi eno te gela bomonama weyu, te wego wai ame nainu dene ebo sogo gela wabo tiwai obao. Ena te homu hę weyu, te homu hę wabo bomo elama, kekebo dao.

Aisaia 40:31

Tiali goli, te Genuai Bidiba konealubo homu dąų olama, te agai augwali tau sabo tonalubo we bidi dabe, augwali te bomo sesemane elalu bidaibao. Tama augwali bomonama eyu, te ba kemodage bola pabo tiwai yaibao. Te augwali udalama, te augwali homu hę me egobeo, te augwali bilidu, te bomo kimi me isigobeo.

Aisaia 2:11

Te Genuai Bidi sabalobo sogode da, agai te dene mabo kolesaga elama, augwa nogi ugwa sabo bidi dabe aiyaba elaluaibao. Tama augwali hale mu yaibao. Tama te sogo Genuai Bidi deli naga genuai nogi saibao.

Aisaia 2:17

Te Genuai Bidi sabalobo sogo da, agai te dene mabo kolesaga elama, augwa nogi ugwa sabo bidi dabego nogi aiyaba elaluaibao. Tama augwali hale mu yaibao. Tama me te tibo god dabe mu sia saibao. Tama te sogo Genuai Bidi aga deli naga te sogo genuai nogi saibao.

Aisaia 28:17

Te ena te doloba pai skel te dagego kolesaga skel ebo te skel tiwai bidaibao. Tama te doloba pai kolesaga naga te eno usu ni tiwai elaluyu, tama tego eno dage usu saibao. Dagego homugo te tibao, te dagego dwai kolesaga ebo te kolesagago dage tau saibao homu te ebao. Tiali goli, eno te dwai sogo dageba pedalomainu yaibao. Tama dage te bidi dabe te genuai talua ge tulubage asiyu, ela silibo te tiwai yaibao. Tama dage pelama, duala sigi pabo pesage mu menia saibao.

Aisaia 33:2

O Genuai Bidi, dago homu kolesaga nage deliba naga elalubao. Nago da hobede elama, tama tigidali sogo da bugagia tonaluagameo. Tame te sęgę ebo sogo, nago da ma selama, tama dago augwali aiyaba elalumainu ilao.

Aisaia 42:16

Te eno ena we bidi dabe te polobadu augwali bilisąwai sunumidu odasa asaibao. Megi augwali gedu halua sai hulide bidibao, tialima te be hulia sai elalubo te eno sela sąnama, te augwaliba ula mawaibao. Tama eno te dwai pesage elaluali te dodolama, te dolo yai pesage ilama, te augwali bilabo madi tiaibao. Eno te sę dabe te mu pedalumainu yaibao, te eno te sę yaibao wali po tiwai gilama yaibao. Te eno magi nai me delide homu kone ebo me kegeda palogobeo.

Aisaia 48:9

“Eno dageba haliga sębę mu elama, eno dage silabo homu yali, tiali goli sesemane sogo eno ena genuai nogiba homu kone palama, te eno haliga sębę homu aiyaba tamugulali, te we bidi dabego eno nogi ugwaba somainu tiai dao.

Aisaia 61:8

Magi baso meni. Genuai Bidigo te po wai, “Eno te doloba pai kolesaga naga godolo ebao. Eno te bidi elama nai wi sabo kolesaga, me te gasa bageba dwai sę ebo kolesaga, te hagela mu ebao. Te eno we bidi dabe te gasa bidi dabego augwaliba mani dwai sę ebo sęgę hauwa tolali, te mu tama te megi eno augwaliba wiegi yai nai mu mawaibao. Te eno bomo yai po me deli augwali dali dąų walaibao, tama te dąų walali bomo yai po sesemane elalua paibao.

Aisaia 64:4

Polobadu te bidi mego te god me deli tobage bomai sę yali po odobeo, te we bidi tau siyu, te konealu tonaluabo sę. Ma, bidigo aga gedugo te god me deligo te tobage bomai sę ebo subeo. Menio. Genuai Bidi, nago naga te tiwai bomai sę ebo dao.

Jeremaia 42:7

Te nogo si sogo bidama, nosali Jeremaiago gedu haluasa po gagalama wali, Genuai Bidigo po agabolo mawai dao.

Daniel 12:12

“Tama te we bidi bomo elalu bidibaso, tama te God tonalu, te 1,335 bodolu sogode usu nama te siligi pabo side, augwa wiegi yai homu pemene emainao.

Hosea 1:7

Tiali goli, eno te Juda we bidi dabe godolo ebao. Tama ena God, te augwa Genuai Bidi, te eno augwali tau saibao. Tiali goli, eno te hwįbode te bainatgo me enesigi sesemonego te augwali tau selama, me hwįgobeo. Tama eno te ami dabe me hos dabe dali tagala palama, te Juda we bidi tau sagasomainu me egobeo. Menio. Eno gasa sunumi me elalubao,” wali.

Aisaia 57:16

Eno ena we bidi dabeba sesemane sogo wado eyu, haliga sębę idugobeo. Te eno tama tiyu da, eno koneani, te augwa bidibo ula dolama, te mu silaibao, te bidibo ula ena digi eno augwaliba mawai dao.