Aisaia 30:16 - Godigo dwagi yai po buku

¹⁶ Tama dagego te po wali, “Tagalama, dago bomonama udabo kibu hos bidibao. Tama da te kibu hosde dualama, tama da wi paibao,” wali. Te dagego te boi bidi dabede wi paibao wabo po da, teda mu tama dao. Tiali goli, tagala, dagego kibu hos bomonama udabo da, tagalao. Te boi bidi dabego hos kibu bomonama mu dagego kibu hos nosali wali pobeasa asaibao.

Aisaia 30:16 Referans Kwoze

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo

Aisaia 31:3

Tiali goli, te Isip dabe, augwali te god menio. Augwali te olo bidi dabe dao. Me augwaligo hos dabe me te hos mu naga dao, te tigi mi dali, dili dali elalubao. Tama te Genuai Bidi agai bomo ola mabo si da, teda te bomai bulu tulaluaibao, tama me te agai tau sali da, te bulu dabe me tulaluaibao. Tama si dali si tama, mu tama dolaibao.

Habakuk 1:8

“Te Babilon bage augwaligo hos kibu dabe omagia polo udabo dao. Tama augwaligo meba tigidali bulu hasa dabe omagia udabo edelama, mu udabo dao. Tama te hos dabego dolama mu hwįyu ebo dao. Tama augwaligo hwįbo kolesagago te hulide bilibo te uni yowigo hwįbo kolesaga edelama mu ebo dao. Te hos kibu dabe augwali sasamano pelama, tama te hwįabo bidi dabe augwali te hosde dualama, tama augwali digibulu bulu mude hogodama, tama udulama, tama hwįainu pabo dao. Te bage augwali te ba kemodagego te hasa dabe ela tuainu te bogo si pobea selama, tǫba tulalubo tiwai elama omagia mu udawaibao,” wali.

Maika 1:13

Dage te Lakis taun we bidi dabe, dagego te karis dabe selama, te udabo mu koneai hos dabeba gebelama, te wi pomainao. Magi baso meni, dagego te Israel dabego dwai kolesaga ebo wali pali, tialima dagego te Jerusalem tulalumainu yali dao.

Amos 9:1

Eno suali, Genuai Bidi te aga be pąde elalubo alta pąde dolalubo suali. Te agai te tiwai po wali, “Te eno be bobobage pos dabe tobolude elao, te be mabo tigidali badu memenege yaibao. Te pos dabe gaga nigilama, te be tomode elalubo we bidi tobolu ugwadu daiba degasa dulama, te augwali ela mumainao. Te isisąwani hani bidi dabe yai baso da, teda eno te boi bidi dabe tagala palama, ela muagasomainu yaibao. Te me deli wi pelama, bugagia bidainu yabo usu me egobeo. Mu menio.

Te We Bidi Dabego Jerusalem Hagede Gela Wali 4:19

Da wi pobadi, tama te boi bidi dabego da pobeasa asalio. Awe, augwali bomonama mu, te ba kemodagego te hasa ela sainu bogo pobeasa aiyaba tulalubo tiwai yalio. Augwaligo da bulu du dabedu pobeasa bilama, tama augwali te nai meni yai wa pai bulude dualaluyu, da tonalualio. Te da asobo suainu, tama augwaligo da tola siyu, ela palio.

Jeremaia 52:7

Tama te dei wabo side Babilon augwaligo te masigigo nigai genuai obo habu me deli badu aluama, te Jerusalem tomoba pali. Tialima, te king Sedekaia dali, aga ami bidi dabe me, te Jerusalem tagalama, wi palio. Te hulide augwali pelayu, te kingo giba sabolama, tama augwa te obo ununani sunumidu taun taga soali. Te hauwa Babilon augwaligo te Jerusalem obo bagulali sę elalubadi, te Jerusalem ami bidi dabego Jerusalem tagalama, wi pelayu, te ąį Jordan odogo malu pesage buluba pabo sunumi wali pai dao.

Jeremaia 4:13

Tialima, ena Jeremaia, eno te we bidi dabeba te po wali, “Suao. Te boi bidi dabe te pǫ husugu yai tiwai mu yaibao. Te ami bidi dabego karis udada pabo te pobege ebo wali asobo tiwai yaibao, te augwaligo hos dabe te ba kemodage bola asobo tiwai asesa asaibao. Hobede mu dao. Megi da mu tama dolainu ebao waibao.

Godigo Nogi Ugwaba Sabo Tęąbi Po Wabo Buku Dabe 147:10

Genuai Bidigo te bomai hos dabede, me te bomai ami bidi dabe te wiegi yai pemene me egobeo.

Godigo Nogi Ugwaba Sabo Tęąbi Po Wabo Buku Dabe 33:17

Te hwįbo hos dabego te ami dabe tau sobaso, te hwįbo aiyaba elaluainu ebaso, usu egobeo. Tama te hosgo bomogo naga te ami te hwįbode hagabo ma sainu ebaso, usu me egobeo.

Bomai Po 28:49

Te tama tilama, Godigo bidi hani me deli digibulu mu bulu badu me odasa asaibao, te dagego augwaligo po odisąma yai bidi hani me deli. Augwali dageba te kemodage me hasa ela tuainogo polo asobo tiwai yaibao.

Bomai Po 28:25

“Tama Genuai Bidigo te boi bidi dabego dage aiyaba elalumainogo yaibao. Dage augwali dali hwįainogo deli sunumidu paibao. Tiali goli, dage augwalide wi soayu, sunumi hauwadu wi soaibao. Tama te tigidali tǫde we bidigo dagede te sę dabe pedalobo sulama, tama augwali noma dwai mu saibao.

Te Israel me Juda Hani Sigo Tuni Bidigo Po Elalubo Buku Si 25:5

Tiali goli, te Babilon ami soldia bidi dabego te king Sedekaia pobeasa pelama, tama augwaligo aga pageba sabaligi pelama, te Jeriko hanu pąde te tǫ malu pesage elalubo madigi augwaligo aga nogo tuali. Tama tibaso, te king Sedekaiago ami soldia bidi dabego aga tagalama, tama augwali wi pela silali.

Aisaia 2:7

Te Israel dabego tǫ te silva, me gol, me hos, me karis dabego mu pągąna pali. Tama bidigo nedebo usu egobeo.

Jeremaia 39:4

King Sedekaia dali te tigidali ami dabego te Babilon dabe asobo sulama, te augwali wi pai. Te hulide augwali te kingo gi badu pelama, tama augwa te moni obo si ununani te sunumidu te wi pai. Tama augwa te Jordan wę odogo pesagedu pabo sunumi wali pali.

Jeremaia 46:6

Te asesa polo mu udabo bidi, ma te hwįbo bomai bidi tagalao, augwali te boi bidi dabede wi painu ebaso, usu me egobeo. Menio. Augwali esela pabo bidi tiwai umuna palama, te wę Yufretis pąba tulalueibao, te not badu tama tiaibao,” wali.

Jopgo Po Asęani Elalubo Buku 39:11

Nago koneani, agai bomo genuai mu elalubo. Tama tibaso, nago homugo agai nage tau selama, nago genuai sę yaiba eyuwe?