Aisaia 30:10 - Godigo dwagi yai po buku

¹⁰ Tama augwaligo Genuai Bidigo po ola mabo profet bidi dabe dali e tama po wabo dao, “Dage pedauwali pania siąo. Dagego dabolo wiegi yai doloba pai kolesaga wali pomainu da ola magimio. Te dago odainu ebo po naga pusa mao. Teda te dwai nai dabe munu me pedalogobeo.

Aisaia 30:10 Referans Kwoze

Polgo Po Pas Rom Dabeba Asęani 16:18

Magi baso meni, te tobage bidi dabe augwaligo te dago Genuai Bidi Kraisde sę me ebeo. Menio. Te augwaligo augwa tigigo digi ebo kolesaga naga wali pabo dao. Tama pusu ebo po me tama te bidi homu begasa pabo tibo pogo augwaligo te dwai sęde konesiąbo we bidi dabe homuba tibo po ola menama, tama te bidi dabe augwaligo homugo te dwai kolesaga da homu me isąwaibao.

Amos 7:13

Nago te profet po e bulu Betelde pusubo te dago hagela homu ebao. Magi baso meni, kingo te pesagede lotu wabo dao. Tama ede elalubo lotu wabo be da, te tigidali Israel hanigo be dao,” te po wali.

Jeremaia 11:21

Te Anatot bidi dabego ena ela muaiba olama, enaba te tiwai po wali, “Nago te Genuai Bidigo nogide te profet po wagio,” wali. “Nago te tobage po obaso da, te dago nage ela mueibao,” wali. Tialima, Genuai Bidigo eno gedu haluasa po wali odama, agai enabolo te tiwai po wali,

Kraisgo Geme Dualali Sę Pedelabo Po Jonbolo Ola Mani 11:7

Te bidi sigo te Godigo po pusubo silibo si, tama te dwai hudigi ebo hasa te tǫ dedage page meni yai digi bidali tagaliyu, tama aga buluba eda holaibao. Tama holama tama agai te bidi si dali hwįaibao. Agai te bidi sigo bomo aiyaba elaluyu, tama te bidi si ela mueibao.

Jeremaia 23:17

Te we bidi augwaligo eno po sela sąbaso, te profet dabego augwaliba te tiwai po waibao, ‘Te dage bugagia bidaibao.’ Te hagoma elama, augwa homu wali pabo we bidiba, te profet dabego augwaliba te tiwai po waibao, ‘Te dwai nai dageba me pedalogobeo.’”

Maika 2:11

“Te profet me deli aselama, te tiwai tibo po wagasiyu, ‘Eno te profetgo wabo po tiwai weyu, te dagego wain hauwa elalu, te bomai wę me elalueibao,’ po obaso da, te we bidi dabego te tiwai profet godolo yaibao,” Genuai Bidigo te po wai.

Maika 2:6

Te we bidi dabego enabolo wali, “Maika, nago te tobage olo po dabolo me magio,” wali. “Nago te tobage sę po me migio. Godigo da aiyaba elaluyu, te da hale me egobeo,” wali.

Te Israel me Juda Hani Sigo Tuni Bidigo Po Elalubo Buku Deli 22:27

Tama nago eno te po augwali siba mao, ‘Eno homugo dage sigo te bidi kalabusiba ma mumainu homu ebao. Te aga dwasianu tubo nai bret me wę naga mao, tama te boi hwįbo silama, ena ma asobo siba usu nao,’ te po wao,” wali.

Te Israel me Juda Hani Sigo Tuni Bidigo Po Elalubo Buku Deli 21:20

Elaijago Genuai Bidigo po odama, aga te Ahap bidibo madiba pali. Tama Ahapgo te Elaija subo sogo, aga te tama po wali, “Eno boi bidi, nage enaba ma pedaluba, agawe?” Tama Elaijago te tama po wei ponani, “Awe, eno nage suagasali, magi baso meni, nago godolo ebo homu, me te homu kolesaga tigidali bomo elama, te Genuai Bidigo gedude dwai kolesaga nago ebo dao.

Galesia 4:16

Tiali goli dage megi magi yaliwe? Megi eno mu po dage dali obaso, tama dagego ‘Woo, megi Pol agai da dali boi bidi homu ebao,’ dagego te homu enade ebawe?

Godigo Sęba Tagala Palai Bidigo Po 5:28

“Te dago dagebolo Jisasgo po pusamuo olama, habu selai. Dagego homugo te da olo nai dao. Megi dagego tigidali we bidi Jerusalemde te Jisasgo po ola mawai. Dagego homugo dago Jisas elama, isilai,” agai te po wai.

Godigo Sęba Tagala Palai Bidigo Po 4:17

Tiali goli, te po tigidali we bidi dabebolo pususu bilidali weyu, dago te bidi sibolo te po bomai mu wainao, ‘Dage sigo Jisasgo nogi munu ma pususu pigimio, we bidibolo,’ te tiwai po augwalibolo wainao,” augwaligo te po wai.

Dwagi Yai Gesi Po Jongo Asęani 8:45

Tialima, ena da mu po obaso, dagego eno po mu po dao homu esiąyu, tama dagego te pode homu mubo menio.

Dwagi Yai Gesi Po Jongo Asęani 7:7

“Tǫde we bidi augwaligo dage dali sębę elama, boi bidi me ebo menio. Tialima, augwaligo ena dali sębę elama, boi bidi mu ebo dao. Magi basowe? Eno augwaligo ebo dwai kolesaga bolo eno augwali dali po wabo dao.

Jeremaia 38:4

Te kingo ofisa dabe mebago kingba te tiwai po waligi pali, “Jeremaia isimainao,” wali, “magi baso meni, agai pogo te taunde bidalubo ami bidi dabe me, we bidi dabe dali, bomo kimi tamunai. Te bidigo augwali bugagia bidimainogo me ebeo. Menio. Agai augwali dolomainogo ebo dao,” wali.

Jeremaia 29:27

Tama tialima, magi baso nago Jeremaia te Anatot bulu bidi hage yai meniwe? Te bidi agai dage tomode te po me pusubo dao.

Jeremaia 26:11

Tialima, te pris dabego me, profet dabego me, te po te tobolu bidiba, me te we bidi dabe tigidaliba te tiwai po wali, “Te bidi isimainao, magi baso meni, agai te po wai, te taun dolaibao. Duga digi agai te profet po wali odai dao,” wali.

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Tuni Bidi Dabego Po Elalubo Buku Si 25:16

Profetgo po odubadi tama Amasiago agai po togoyu, te po wali, “Dego nage enabolo kolesaga mabo bidi nigilai dawe? Nage penane pania sao. Tiyu, eno ami bidi me delibolo nage elama isila po wai dalio,” wali. Profetgo te po odama, aga penane pania sainogo, hasia bolo agai kingbolo te po walali, “Megi da, eno koneanio, Godigo nage dolainogo yalio, magi baso meni, nago dwai kolesaga elama, tama megi nago eno po odobo hagela yalio,” wali.

Tuni Bidi Dabego Po Elalubo Buku Si 16:10

Te profet Hananigo te wali pogo king Asa sębę dwai mu ilali. Tama agai pode augwaligo Hanani kalabusiba muani, tama agai sągą ni namego dąų walali. Tama te sogo naga Asago bomonama dwai sę te Juda we bidi meba dali yali.

Polgo Si Wali Pas Timotiba Asęani - 2TI 4:3

Magi baso meni, nosali te gasa sogo pedalaibao. Tama te sogo te bidi dabego Godigo mu po ola mabo odobo hagela yaibao. Odogobeo. Menio. Te augwa digi augwa homu kolesaga naga wali peyu, tama augwaligo te po ola mabo tisa bidi hauwa saibao. Augwaligo godolo ebo po odomainogo te bage saibao. Tama te po ola mabo bidi dabe augwaligo te augwali sali we bidi dabebolo Godigo po pusugobeo. Menio. Augwaligo te we bidigo godolo ebo po naga pusaibao. Te we bidi augwaligo olo te dini ebaso, te tibo po ola mabo bidi dabego te augwaligo olo te pogo kieibao.

Polgo Si Wali Pas Timotiba Asęani - 2TI 4:4

Tama te we bidi augwaligo te mu po odobo tagaliyu, te tudiba munama, tama te haniani olo namu po waboba olo munama odaibao.

1 Samuel 9:9

Tama Solgo agabolo te po wali, “Te nago po wiegi yai mu wabo. Awe, da pinao.” Tialima, augwali si te Godigo po pusubo te bidi bidibo hanuba pali. Te augwali si te hanu elalubo madi te dwasianu bulu duba ugaba holobadi, augwali sigo te gesi ogwa we wegi mani meba te asobo augwali si gesabidiba yaga sali. Te we dabe te hanu buluba dia soali, te wę tuainu yali. Tama te bidi sigo augwaliba hanalu wali, “Te geme dulai po haninibo bidi te taun hanude bidibowe, ma meniwe?” Polobadu te Israel dabego te profet bidi nogi poali, te geme dulai po haninibo bidi wai. Tama te bidi mebago te Godiba magi nai po me deli hanalugi painu da, augwaligo te tiwai po wai, “Dago te geme dulai po haninibo bidi sugi pinao,” wali. Tama tibaso, Solgo te tiwai po weyu, te wegi dabe hanalu walio.

Aisaia 5:20

Dage dolaibao. Te dagego haniani nai hasegelama, tama te po wabo dao, “Dwai kolesaga te wiegi yai dao, te wiegi yai kolesaga te dwai dao,” wabo dao. Me, dagego te po wabo dao, “Te hulia sali te ula dao. Me, te ula ebo te ma huli sali dao,” wabo dao. Tama me dagego te po wabo dao, “Te ha ebo nai te pusu ebo, ma te pusu ebo nai te kelede ha ebo,” po wabo dao.

Aisaia 29:10

Genuai Bidigo dagego gedu sęgę ilali. Tama dage te bidi godege mu pilama, isai tiwai bidali. Tama Genuai Bidigo te profet bidi dabego augwaligo suabo nai dabe goli augwaligo susiąmainu yaibao.

Jeremaia 36:29

“Tama me, nago kingba te tiwai po asęao, ‘Ena Genuai Bidi, eno te po obao, king Jehoiakim, naga digi te buku isiba uluyu, nago te tiwai po wali, “Dego te Jeremaiabolo obaso, te Babilon king te aselama, te tǫ kantri dolama, te tigidali we bidi ela muyu, te hasa sibi me ela mueiba po asęai dawe?”

Jopgo Po Asęani Elalubo Buku 41:3

Nago homu mena tama tibowe? Ma, nago aga toubo si da, teda agai nagebolo aga hobede ya po olama, tama aga tagala palao po waibawe? Agai nagebolo po dua mu dwagi yai pogo waibawe? Tega?

Aisaia 28:15

Tama dagego e tama po wabo dao, “Dago te isibo kolesaga dali dago polo po dąų ola selama, tama dago te gų page dali dago po polo dąų ola sai dao. Tama tibaso, augwali sigo da me dologobeo. Te dwai sę da dolo pedalubadi me tagala, teda da geda muaibao. Magi baso meni. Dago te ili po olama, te hasegelu hasegelu ebogo da tau siyu, tama da bugagia bidaibao,” dagego te po wabo dao.