Aisaia 30:1 - Godigo dwagi yai po buku

¹ Genuai Bidigo te po wali, “Te Juda hani, te da augwali eno wai bǫų hani dabe, augwali dolaibao. Magi baso meni. Augwali bidi po odisiąwai hani mu dao. Augwaligo eno homu kolesaga wali me pabeo. Menio. Augwaligo augwa homu kolesaga wali naga peyu, augwaligo gasa bulu bidi dabe dali abagi me olama, bidibao. Tama tiyu, augwaligo dwai sęgę hauwa augwa hasi tigide pesage holalio.

Aisaia 30:1 Referans Kwoze

Aisaia 65:2

Te tigidali side eno nogo dinigalubao, tama eno te eno po sela sąbo we bidi ma sainu tonalubao, te dwai kolesaga ebo sunumidu augwa homugo digi wali bilibo we bidi te ma sainu tebo dao.

Aisaia 1:2

Dagalu, olo saganama, odao. Tǫ, nago me odao. Magi baso meni, Genuai Bidigo te po wai dao, “Te wai dabe eno tonaluama, genuai yali. Eno augwali bugagia negali. Tiali goli, augwali da, augwaligo eno po sela sąbo dao.

Hosea 7:13

“Odiąo. Te augwali dolomainu yaibao. Augwaligo ena tagalama, te enaba hagoma yali. Tama tibaso, eno augwali dolaibao,” wali. “Hasia bolo eno augwali tau sainu yali, tiali goli augwaligo tibo kolesaga enaba yalio.

Polgo Po Pas Rom Dabeba Asęani 2:5

Tiali goli nago naga homu mu palia selama, tama nago homu me begelebeo. Tialima tebo kolesagago te nago te dwai dene sabo sę ebo te pesage genuai holobao, te mone ge sabobo piduai tiwai. Te nosali te bodolu mani side te Godigo doloba pai po tų ebode te agai sębę hania haninama pedalaibao, tama nage te dwai dene te sogo saibao.

Aisaia 63:10

Tialima, te augwaligo agaba hagoma eyu, te agai homu ogwa wai mobo te haliga sęgę mu ilali. Tama tibaso, aga digi augwaliba boi bidi elama, te augwaliba hwįani.

Aisaia 29:15

Te we bidi dabego augwa dwai kolesaga dabe Genuai Bidigo gedude dualainu usu sabo dao. Te augwali da, mu dolaibao. Augwaligo te kolesaga dabe augwaligo sesąwai madi, me hulia sai pesagede augwaligo te kolesaga dabe ebo dao. Tama augwaligo te po wabo dao, “Dego mu da sulama, dego mu koneaibawe?”

Polgo Si Wali Pas Timotiba Asęani - 2TI 3:13

Tiali goli te dwai bidi dabego me, te tibo po ola mabo bidi dabego me, te bidi dabe augwaligo ebo dwai sę dwasianu gagalama tama genuai pedalaibao. Tama tiyu, augwaligo te tibo po te gasa we bidibolo ola mobadi, te Satango me augwali tibo po ola maduaibao. Tama augwaligo kolesaga te dwai mu pedaluaibao.

Esekiel 3:9

Te eno nage te masigi daimon dila pai tiwai pedalomainu yaibao, te nago bomogo te augwaligo bomo aiyaba elalueibao. Te nage augwalide wi elama, didibili me igio. Menio. Augwali te po sela sąbo bidi dabe naga dao,” te po wali.

Esekiel 2:3

“Tǫde bidio, megi eno nage te Israel dabe augwaliba tagala palaibao, te augwali eno po sela sąyu, hagoma eyu, te ena tudiba mubo we bidi dabe da. Augwali te augwa wąį nǫų dabego hagoma ebo tiwai yai bidi dabe dao.

Jeremaia 5:23

Tiali goli, dage we bidi te gasagi yai mu ebao. Dagego enaba hagoma mu eyu, te duga homu kolesaga te mu tomaga sobao. Tama dagego ena tudiba munama, te tedela pabo dao.

Aisaia 30:9

Magi baso meni. Augwali te bidi po mu sela sąbo we bidi mu dao. Tigidali sogo augwaligo Genuai Bidigo po sela sąbo dao, te augwa Aya. Te tigidali sogo augwaligo ili po olama, tama augwaligo agai po oda mabo po odobo hagela ebo dao.

Godigo Nogi Ugwaba Sabo Tęąbi Po Wabo Buku Dabe 61:4

Eno homugo te godolo mu eyu, ena te nago bede bididubadi, te ena isibo sogoba usu nabo homu ebao. Tama ena nage pąde bugagia bidiyu, te kakaruk wai te aga idago bogo dologode bugagia bidibo tiwai gilama yaibao.

Bomai Po 29:19

Dage tigidaligo bugagia mu tonaluiąo, te bidi me eno megi ede pusali te bomai po odali bidigo, te bidi me deligo te po sela sąnama, tama aga bugagia bidaibao homu yaibao. Tiali te bidi mego te po sela sąyani da, teda te tialigo dage sese tama dolomainu yaibao. Te wiegi yai bidi dabe me, te dwai bidi dabe dali si tama dolaibao.

Bomai Po 9:24

Te ena dage dali sę gagalama, dage dali megi bida bida asoboba tama, dagego God dali tobolu gagea pabo dao,” wali.

Jeremaia 4:17

Dage Jerusalem dabego ena Genuai Bidide hagoma yali. Tama tibaso, boi bidi dabego te Jerusalem bagua sagaselama, te tonalubo bidi dabego te gi bagua sabo tiwai yagasaibao, te po wali.

Aisaia 32:2

Te deli deli genuai bidi dabego te we bidi dabe augwali tau somainu asali bidi dabe, augwaligo tau saibao. Augwali da, te we bidi augwali te genuai wali dali tulubage dabe ebo side, augwali te duala sabo pesage tiwai dao. Tama me, augwali te wę te hogomua pai pesageba pabo tiwai, me te moni masigigo te hogomua pai pesage te masigigo seselalubo tiwai dao. Tama te bidi dabe te tįwai madi duala selama, toma tubo tiwai dao, te boma pai giligade.

Aisaia 8:12

“Te we bidi dabego te po obaso da, ‘Bidi hani mebago Juda bulu dolaibao po mia salio,’ po obaso, nage dali, naga hani dali, dagego te po mu dao homu igimio. Tama me, te we bidi wi elama, noma sobaso da, dage augwali ebo gilama wi elama, noma selamuo.

Aisaia 4:5

Tama Genuai Bidigo bobobage yai pǫ me deli te bulu du Saionde elalumainu elama, me te we bidi lotu wabo pesageba sisinalubo madi. Te giligade Genuai Bidigo te pǫ elalumainu yaibao. Tama hulide da, agai bobobage yai hano dali, genuai isi bogoli dali elalumainu yaibao. Te pǫ me, hano me, isi me, Genuai Bidigo bogwą wali yali gilama, aga te bulu dude me aga dwagi yai nai dabede ugwadu walaluaibao.

Aisaia 1:5

Magi baso dagego Godigo po me sela sądubawe? Dage tigidali sogo dene sabo hagela meniwe? Israel, nage te bidi me bidi dabego elai bidi tiwai dao, te agai tigi sese mu dolama, bomo mu meni yai. Agai tobolu keni kenigo pągąna pai.

Hosea 13:2

Tama megi me, augwaligo te dwai sę me idubo sę ebao wali. Augwa te tibo god te silvago nigilama, augwa teba lotu wabo dao. Te bidi dabe augwa homugo digi koneama, te tibo god noma piksa dabe te augwa nogogo digi nigali. Tama augwa te po weyu ebo, “Dagego te piksa nomaba ofa yao,” wabo dao. Ae, tegoba, augwaligo te bulmakau nomaba te nono nani! Augwali te menagi yai bidi mu dawe?

Aisaia 5:18

Te dage dolaibao. Dagego te gasa bidi dabe ili po walama, sęgę te soba. Te sęgę dabe dage tigi dagana selama, tama dagego sela sąbo usu egobeo.

Aisaia 28:20

Dage te dwai dene mu saibao. Te bidi pibode te dene dene hauwa ebo tiwai dagego tigide yaibao. Magi baso meni. Te pibo sai te pęwądage mu elama, agai sągą olo pobialuali. Me, te banua pibo blanket te dwasianu mu elama, agai banua pibo usu sisąbaso, o agai tigi sese usu isąbaso.

Aisaia 28:15

Tama dagego e tama po wabo dao, “Dago te isibo kolesaga dali dago polo po dąų ola selama, tama dago te gų page dali dago po polo dąų ola sai dao. Tama tibaso, augwali sigo da me dologobeo. Te dwai sę da dolo pedalubadi me tagala, teda da geda muaibao. Magi baso meni. Dago te ili po olama, te hasegelu hasegelu ebogo da tau siyu, tama da bugagia bidaibao,” dagego te po wabo dao.

Aisaia 8:19

Te we bidi dabego dagebolo te isai bidi dabego noma dali po wabo we bidiba pao po waibao, tama augwaligo homu kolesaga sigi pao po waibao. Te isai bidi dabego noma dali po wabo bagego augwaligo pedauwalidu pomu po weyu, keledude haniani dwasianu po waibao. Tiali goli, te isai we bidi dabego te bidibo we bidi dabe homu kolesaga mabo usu egobeo. Te tama tiali goli, magi baso mu augwali te isai we bidiba udalama, tama augwalide te kolesaga sabo dawe? Augwali augwa Godiba pomainao.

Bomai Po 9:7

“Dage te nai meni yai kemi sane bulude bidali te gegeda pelamuo. Te dage tede bidiyu, dagego Genuai Bidi sębę ilali, te gegeda pelamuo. Dagego te Isip taga solama, megi e bulu bidibode dagego Genuai Bidigo po sela sąyu idu geai dao.

Israel Hanigo Namba 32:14

“Tama megi dage duga aya dede hasegelama, tama dage sęgę sai bidi dabe pedalobawe? Tama dagego Genuai Bidi sębę dwai mu emainu elama, tama agai da Israel dabe elemainu ebawe?

Aisaia 1:23

Jerusalem, nago genuai bidi me, tobolu bidi me, augwali te po odisiąwai dabe bidiyu, tama nai wi sabo bidi dabego abagi dao. Tigidali sogo augwaligo te mone pesą eyu, augwaligo te bidi dabe augwali dali mone dabe sainogo ili po wabo bidi dabe tau sabo homu ebo dao. Tama te po tų odobo sogo, augwali te tiana wai dabe tau sabo homu ebo menio. Tama me, augwaligo te wilawe we dabego homu sęgę ebo dodolobo odama, dodolabo homu ebo menio.

Aisaia 8:11

Eno Genuai Bidigo bomo enaba asobo gagama yali. Tama agai enabolo te po wali, “Nago te we bidi dabego homu dali deli igio. Tama nago augwaligo ebo kolesaga wali pigio,” wali.

Jeremaia 17:5

Genuai Bidigo e tiwai po wali, “Te bidigo ena tudiba munama, te homu eyu, te bidigo naga bomo elalu, te augwaligo aga tau sobaso, bugagia bidaiba homu eyu da, teda te bidi dolobo dao.

Jeremaia 37:7

“Ena Genuai Bidi, ena dage Israelgo God, eno te po obao, te Juda kingo dage si enaba tagala palama, te eno dage tau sogowe, ma meniwe, koneainogo yai. Tialima, nago kingba te tiwai po walao. Te Isip kingo dage tau sainogo te Isip ami dabe asali. Tiali goli, augwali dageba me pedalugobeo. Menio. Augwali te sunumide begelama, augwa page buluba ma paibao.

Jeremaia 42:19

Jeremaiago te Genuai Bidigo po pusula silibo si da, teda agai te tiwai po wali, “Dage dwasianu Juda hanigo, odao. Genuai Bidigo dage te Isipba pigio wali. Tama tialima, eno dageba te mani bomai po bugagia homu kone palao.

Esekiel 11:2

Tama Godigo te tiwai po enabolo wali, “Tǫde bidio, te bidi dabe augwaligo dwai kolesaga yabo sunumi nigabo homu ebao. Tama augwaligo te we bidi dabeba te geda muai mobo mabo po mabo dao.

Esekiel 24:3

“Nago te Israel hagoma bidi dabeba nago te po digi po begelama, augwaliba pusao. Te God Genuai Bidi eno po da e tiwai, ‘Nai ulubo bidi, nago sospen te isiba ugadu munama, te sospenba ąį tabilao.

Esekiel 29:16

Tama te Israel dabe augwaligo te sę te Isip dabede pedelali sę suaibao, tama augwaligo koneaibao, augwaligo te Isip dabego augwali tau sao walide augwaligo sęgę sali koneaibao. Tama te Israel dabe augwaligo te kolesaga ma egobeo. Tama te Israel dabe augwaligo e tama bugagia koneaibao, ena deli naga ena God Genuai Bidi da homu yaibao.’ Esekiel, nago te po te Isip king bidibolo wao,” Genuai Bidigo te po wai.

Sekaraia 4:6

Tama tialima enselgo enabolo Genuai Bidigo te po te polalubo gavman bidi Serubabelbolo pusa mao po wali. Genuai Bidigo te po wali, “Nago naga bomogo o naga ami dabego bomogo te sę dabe ebo usu egobeo. Menio. Eno Mobo Bidi Spiritgo bomo nage dali bidaibao, tama te bomo deligo naga nago te sę yaibao.

Josua 9:14

Tama te Israel bidi dabe augwaligo te Hivi dabego elalubo nai dabe suali. Tiali goli, hasia bolo te Genuai Bidi God aga homuba augwaligo me hanalubeo.

Te Israel me Juda Hani Sigo Tuni Bidigo Po Elalubo Buku Si 18:21

Eno koneani, nago homugo te Isip haniba tonono eyu, tama nago boi hwįbode augwaligo nage tau saiba. Tiali goli, eno nagebolo obao, te Isip hani augwali da, te da te sigi dili deli toga pai tiwai dao. Tiali tama, nago selama, tama te tolasa bilibo dono tiwai dao, tama tialima, te sigi dage mego naga nogode eneyu, dolaibao. Te Isip hanigo king bidigo agai kolesaga te bomo isąwai sigi dili mu tiwai dao,’ wali. ‘Tama teyu, nago boi hwįbode agai nage usu nama, nage me tau sagasogobeo.

Te Israel me Juda Hani Sigo Tuni Bidigo Po Elalubo Buku Si 18:24

“Tama nago homugo te Isip hanigo ami soldia bidi dabe augwaligo te hos kibu me, tama me te karis me, tama te nai dabe nago boi hwįbode tama augwaligo nage tau saibawe? Tiali goli, nage munu me tau sogobeo, tama augwali munu ma asogobeo. Tama teyu, naga bula bomogo eno dwasianu ami soldia hani da me aiyaba elalugobeo.

Aisaia 1:4

Tega, te we bidi dage dolama, dagego kolesaga me mu doali. Tigidali sogo dagego dwai sęgę sabo dao. Te duga dwai sęgęgo dage aiyaba kegebo dao. Dage Israel dabego duga Genuai Bidi tagalai dao, aga te Dwagi Yai Doloba Pai Kolesaga Naga Ebo God dao. Tama dagego aga tudi ola manio.

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo

Jeremaia 2:18

Magi baso nage te tǫ kantri Isipba pelama, te wę Nail tugi paiba obawe? Magi baso nago homu kone paliyu, te bulu tǫ kantri Asiriaba pelama, te wę Yufretis tugi pabo homu eyuwe? Te kolesagago nage dwasianu tau sainu ebaso, usu mu egobeo. Mu menio.

Hosea 11:6

Genuai boi hwįyu, te boi bidi dabego te taun obo sunumi aluama, tama augwali te taun tomoba pelama, hwįaibao. Te boi hwįbogo te eno we bidi silaibao,” wali, “magi baso meni, te augwaligo augwa homu kolesaga naga wali pai.