Aisaia 3:9 - Godigo dwagi yai po buku

⁹ Te po tų odobode augwaligo augwa godolo ebo bidi dabe naga tau sabo dao, tama gasa bidi dabe aiyaba elalubo dao. Tama te kolesagago augwa digi augwa ma po tų ela mabo dao. Augwali te we bidi dabego gedude dwai sę ebode augwali hale me ebeo, te Sodom bagego polobadu yali gilama. Augwali dolaibao. Augwa dagede augwa dolaibao.

Aisaia 3:9 Referans Kwoze

Tigidali Nai Gagalama Nigali Side 13:13

Tama te hanude bidalubo we bidi dabe augwaligo te dwai sę genuai mu te Yawe gedude yalio. Te augwaligo agai bomai po te wali me pabeo.

Jeremaia 6:15

“Te Israel dabe augwa te kugumini yai kolesaga ebode te hale me yaliwe? Mu menio. Augwa hale dwasianu me ebeo. Augwa te tobage dwai sę ebo kolesagade ge neyu, hale me ebeo. Tama tibaso, te eno augwaliba dwai dene mayu, te augwali mu dolaibao, te gasa hani dabe dolo tiwai yaibao. Ena Genuai Bidi, eno te po wai dao,” wali.

Polgo Po Pas Rom Dabeba Asęani 6:23

Magi baso meni. Te dwai sęgo te aga sę ebo bidi augwalibolo te pe mabo dao. Te mabo pe te isibo sę naga dao, augwali te God dali dagalama tama aga dali bidada peyu bidada pogobeo. Tiali goli te da te ula sabo dolo meni yai goli, Godigo dabolo te wiegi yai olo mabo kolesaga eyu, te sesemane sogo bidibo ula mawaibao, te da te dago Genuai Bidi Krais Jisas dali wadolali we bidi dabolo agai te ula olo naga mawaibao.

Esekiel 23:16

te aga haliga augwalide mu hogodaluali. Tibaso, agai te Babilonba po ola tolama, te aga dali piagasomainu augwaliba hanalu wai dao.

Te We Bidi Dabego Jerusalem Hagede Gela Wali 5:16

Dago genuai nogi polo tulalualio, te dago gawe yali nai dabe dolai dao. Da hobede mu yao. Magi baso meni, dago yali dwai sęde sali sęgę dwai yalio.

Jeremaia 3:3

Te pagede naga te eno tulubage paliama, tama te tulubage nago tǫba tulubeo. Awe, te gi tau sabo tulubage asobeo. Tialima, nago te penani wego hagoma ebo tiwai eyu, te nage dwasianu hale me ebeo.

Aisaia 3:16

Genuai Bidigo te po wali, “Jerusalem we dabe, suiąo. Augwaligo homugo augwali dwagi yai mu dao homu eyu, hagoma homu ebao. Te augwali bilibo sogo, augwaligo augwa sągą aulama, tama augwa sągąde hǫą omainu ebo dao. Augwaligo augwa tobolu sagolama, augwa dogoni dodolobo dao. Tama augwaligo gedu subigila bidi gedu tonobo dao.

Bugagia Bidibo Kolesagade Po Asęai Buku 30:13

Te meba bidi dabego homugo augwali te wiegi yai mu da homu elama, tama gasa bidi dabe te olo bage te olo tiwai da homu ebo dao.

Bugagia Bidibo Kolesagade Po Asęai Buku 8:36

Tiali goli, te ena sisąbo bidi dabe, augwa digi augwa dolaibao. Awe, te ena hagela homu mu ebo bidi dabe augwa isibo sogo godolo ebo dao,” wali.

Godigo Nogi Ugwaba Sabo Tęąbi Po Wabo Buku Dabe 10:4

Te hagoma ebo bidigo te tama po wabo da, “Eno koneani, Godigo eno ebo dwai sę wei ponobeo. Agai enade magi homu me egobeo.” Te dwai sę ebo bidigo te tama homu eyu, agai te Godigo ebo kolesaga wali pabo menio.

Te Israel me Juda Hani Sigo Tuni Bidigo Po Elalubo Buku Si 9:30

Tama te Jehu aga hani dali augwaligo te king Ahasia pobeasa pelama, tagaligi pai, tama augwali ma te Jesril hanu tųdu ma begasa asai. Tama te kwin we Jesebel te bulu pedai badu bidibo da, tama agai po odali, e tama po wai, Joram isai dao wali. Tama tialima, te kwin we Jesebel aga te gedude me, te aga tobolude me au yai, tama tilama, te kingo sigi be te dwasianu windo tųde dolaluyu, te tųba aiyaba tonaluai.

1 Samuel 15:32

Nosali Samuelgo augwaliba te po wali, “Te Agak odasa asao, te Amalek dabe augwa king bidi.” Agak te bugai haliga elasa asu, tama tiwai homu yali, ‘Te ena isigobe da,’ homu yai.

Hosea 13:9

“Te Israel dabe, te ena deli naga te dage tau sabo usu yaibao. Tiali goli, dagego hagela ebaso, tama eno dage dolaibao. Tama dego dage tau sogowe? Te bidi dabe menio.

Daniel 7:20

Tama me eno te nogo si kom gąų te tobolude elaluali, te kuna mu ma koneabo homu yai, tama te dwasianu nosali pedelali kom te gąųgo te polasa elaluali gąų sela guda sąwani. Te kom gąųgo te gedu me pedauwali elalu, tama genuai po dagą mu weyu, tama aga digi aga nogi ugwaba sali. Eno te dwasianu kom gąų suali sogo, tama ena wi dwai mu yai. Eno te kom gąųde wi ebo tiwai yaligia te gasa kom gąų dabede me tebeo.

Kraisgo Geme Dualali Sę Pedelabo Po Jonbolo Ola Mani 11:8

Tama ela munama, tama te bidi sigo tigi te genuai hanu tomode te genuai po mibo pesagede olo munalueibao, te hanude polobadu augwali sigo Genuai Bidi te we bidigo ni pedaide dagana selama isali. Te genuai hanu nogi po digi pogo begelama tama nogi Sodom wabo, me nogi Isip wabo dao, te po digi pode.

Tigidali Nai Gagalama Nigali Side 4:5

tiali goli agai te Kein dali, aga ofa dali, te agai godolo me ebeo. Tama Keingo wado homu dwai mu elama, tama agai gesabidi hulia sigi pai.

Bugagia Bidibo Kolesagade Po Asęai Buku 15:32

Te bidi te bidi dabego aga dodolainu ebadi, te po sela sąbo bidi da, teda te aga digi aga dolobao. Tiali goli, te bidi dabego te aga dodolainu ebaso, te po odobo bidi da, teda aga homu me konebo kolesaga te wiegi yai pedelaibao.

Aisaia 1:10

Dage tobolu bidi dabe, me dage Jerusalem we bidi dabe, dage te bidi dwai dabe te hanu Sodom de Gomora side polobadu bidali bidi dabe tiwai mu tama dao. Megi da, dagego olo bugagia munama, tama Godigo bomai po odao, dago Genuai Bidi. Agai dabolo mawainu ebo po bugagia odao.

Aisaia 57:20

Tiali goli, te dwai kolesaga ebo we bidi dabego, augwa te dwai kolesaga ebo me tagalogobeo. Augwali te tamu ąį sesemane sogo dinigo te haniani pobele bage me dwai nai sela asu, te nambis dolagasobo tiwai ebo dao.” Genuai Bidigo te po wai.

Aisaia 59:12

“Genuai Bidi, te dago dwai sęgę nago gedude hauwa mu elama, te sęgę dabego da po tų ilali. Tama dena digi dena yali te dwai sę tigidali bugagia koneai dao. Mu tama, dago dago dwai sę hauwa yali dao.

Jeremaia 2:19

Naga digi ebo dwai kolesagade te nageba dwai dene mawaibao. Nago ena tudiba mubaso, tama naga te kolesagade nageba wado ilaibao. Nago ena Genuai Bidi tagalu, te nago God, te nago ena dologoba me bidagasobe. Tama nago bugagia homu kone palama, koneao, nago te dwai kolesaga dabe mu ebogo te nageba dwai dene mobao. Ena God, Tigidali Bomo Elalubo Genuai Bidi, eno te po wai dao.”

Jeremaia 8:12

Te Israel dabe augwa yali dwai damuai kugumini tiwai ebo kolesagade dwai hale yaliwe? Mu menio. Augwa dwasianu hale me ebeo. Augwa te tobage kolesagade hale me ebeo. Tama eno augwaliba dwai dene menama, te augwali mu dolaibao, te gasa hani dolali tiwai yaibao. Te po ena Genuai Bidigo po dao.”

Esekiel 16:30

“Tialima, ena God Genuai Bidigo, eno po nagede elaluali. Nago naga te homu godolo ebo wali pidu, tama nage te hale menisąbo we me deli tiwai pedelai dao.

Esekiel 16:49

Aga te aga wai dabe dali augwaligo te nai hauwa elalubaso, te augwa bugagia dugulalu te me hwįbeo, tibaso augwali te hagoma elama, te augwaligo nai sǫą pali bidi dabe bugagia tonalubeo.

Tigidali Nai Gagalama Nigali Side 19:34

Te me sogo side gomunai wegigo tomo wegibolo te po wali, “Te do hulide ena aya dali piali. Te e sogo hulide da sigo te aya tobolu gęǫ yabo sę ma ilaibao,” wali. “Tama nage aga dali te eno yali gilama piagameo. Tama tilama, da sigo agade wai ame naibao,” wali.

Hosea 5:5

Te Israel dabe augwa hagoma kolesagago digi augwa ma po tų ilali. Te augwa dwai sę yali sęgęgo digi te augwa tulaluama, tama te Juda dabe me te augwali dali tulaluai dao.