Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.
Aisaia 3:5 - Godigo dwagi yai po buku5 Te tigidali bidi dabego aga hasi me aiyaba elaluainu sę bomo yaibao. Te gesi ogomani wegi manigo te augwa bolo monu dabego po obaso, sela sąnama, dagą waibao. Tama dwai kolesaga homu pągąna pai bidi dabego te dwagi yai homu kolesaga yai bidi dabego po sela sąwaibao. Gade chapit la |
Aisaia 3:5
28 Referans Kwoze
Te po bugagia odao. Te sę ebo bidi dabe augwaligo te dagego moni gide dagego nai sabo sę yai. Tama dagego augwali ili po weyu, te augwali maiabo mone ge bogia siyu, tama meba duga geme halobageba dualobo dao. Odao. Dagego te geme dualali masigigo agai i olama, dwai po dage dali wabo tiwai po wabo dao. Tama te sę bidi dabe augwaligo masigi habuge eyu, dwai homu eyu, tama augwaligo i wabo te dagalude bidibo Genuai Bidi agai odalio, God aga tigidali bomo page bidi mu dao, te aga digi augwaligo gela wabo po odalio.
Tiali goli dagego te magi nai meni yai bidi augwali gisugu mabo dao. Tama dagego bugagia kone palao. Te walu hauwa munalubo bidi augwaligo Godigo po wali pisiąbadi, augwaligo dage dali dwai sę haniani eyu, tama dage aiyaba elaluama, tama dagebolo sęgę mabo dao. Tama te bidi dabe augwaligo naga dage te po tų ebo digi kegasa pabo dao, augwaligo dagego nai somainogo.
Megi da augwali mebago gagalama, te aga pesa sąyu yai. Tama augwaligo te nami ugwa pedaigo te aga gedu paniama, tama augwaligo aga elama, tama augwaligo te po wai, “Nago te haniani sęde koneai profet bidi tiwai eyu tama po wao. Dego nage elaliwe?” Tama te ami bidi dabego aga selama, tama aga subigila dodolama elali.
Te taun bidi dabego te tobolu bidi dabe homu bega sabo sę eyu, te augwaliba mone mayu, te augwa haniani dwai kolesaga emainu ebo dao. Te pris dabego te mone naga sainogo te Godigo bomai po page pusubo dao. Tialima, te profet dabego te mone sabo homu eyu, te geme dualali po pusali. Tigidaligo te tiwai eyu, augwa te po wali, “Genuai Bidi te da dali bidibao,” walio. “Tialima, te magi nai me deligo da me dologobeo,” wabo dao.
Dage Samaria we dabego, te po odiąo. Dage mu nisalio, te Basan bulude elalubo wiegi yai bulmakau dabego nosai hauwa tulama, nisibo tiwai pedelali. Dagego te bomo kimi meni yai we bidi dabeba dwai sę ebo dao. Tama dagego te magi nai doado bage meni yai bidi dabeba sęgę menama, te dagego augwali dwasianu hobede me ebeo. Menio. Dagego te duga bidi tonalu, te augwaliba e tiwai i weyu, “Te tubo bomai ąį hauwa sesao. Da gęǫ page yaibao,” wabo dao.
Te mebago augwa abagi dabe ela muabo mone sabo dao. Te mebago augwa abagi dabego te negeli ilali wei augwaliba ponobo sogo te gasa ugwadu daganobo mone dali sabo dao. Te mebago augwa abagi dabe wi ilibo sę elama, te augwaligo mone kekebo sę yalio. Dagego te ena God Genuai Bidi homu kone isąma, kegeda pali da,’ te po augwalibolo wao,” wali.
Tama nosali te Elisa Jeriko taun tagalama, tama te Betel buluba pali. Tama te umabo ogomani te taunde bidibo ogomani te taun bulu badu bidalubadi yaide, te augwaligo Elisa soabo suali, tama augwaligo te Elisa posoyu, e tiwai po olama, tama posoyu yai, “E, nage tobolu wane yai bidio, nage gedao,” wali, “nage te pesagede bidigio, nage gedao,” wali.
Genuai Bidigo te tama po wai, “Te eno te tǫde we bidi dabe homu dene me egobeo. Te ena digi eno te tigidali deli deli te augwali te augwa kingo nogoba mueibao. Tama te king dabego augwali dolaibao, te sipsip kibu dabe aga ayago te sipsip kibu elebo tiwai yaibao. Te kingo augwali dolobo sogo da, teda eno augwali me tau sogobeo,” te po wai dao.
Piblisite