Aisaia 3:21 - Godigo dwagi yai po buku

²¹ Agai te nogo danide me gunide mubo ring agai sela sąwaibao.

Aisaia 3:21 Referans Kwoze

Tigidali Nai Gagalama Nigali Side 24:47

Tama eno aga hanalu wali, ‘Nage dego wegi dawe?’ Tama agai te po wai, ‘Ena te Betuelgo wegi dao, aga te Nahor tego ogwa, aga ida Milka dao,’ te wegigo te po wai. Tama eno aga gunide te ring waliyu, te nogo side mo holiyu yai.

Jems 2:2

Te bidi me deli agai wiegi yai tedela ugwa gudama, tama aga nogode te nogi wabo dwagi yai nai ring munama, tama te bidi aga dagego lotu be tomoba asiyu, tama me te nai meni yai bidi aga me meda yai ugwa gudasa dagego te lotu be tomoba asobadi da,

Dwagi Yai Gesi Po Lukgo Asęani 15:22

Tiali goli, aga ayago aga wabo po togwali, te sę ebo bagebolo te po wali, ‘Polo pao, te dwagi yai bobobage ugwa sela asao, aga tigide bulao. Dwagi yai nogo mou sela asao, aga nogode holoyu yao, sągą nadoba me aga sągąde buluyu yao.

Esekiel 16:12

Tama eno nage te gunide me olode walabo ring mani, tama wiegi yai sawi yai tobolu madi, te kwin wego madi tiwai mawai dao.

Solomon 5:14

Agai nogo te wiegi yai mu tama. Tama agai te gasa tedali au gasagi yai ring dabe te aga nogo dani au ilama muani. Agai tigi tedela mu yai, te tigi ula umabo mu yalio. Tama agai kukulu augwaligo te sisi dugusu yai te gasa au tedali yai masigigo au ilalio.

Esta 8:12

Te Juda dabe augwaligo te tama tiwai te genuai tǫ Persia tigidali badu elama, te Hamango te Juda dabe tigidali elainu bodolu muani side te tiwai yao. Augwaligo te sę yainu da, te polua Adar te nogo si olama, te sągągo sela wabo, te 13 dei, te 12 wabo poluade te sę yao,” po wai.

Tigidali Nai Gagalama Nigali Side 41:42

Ferogo te tuni bidigo mubo ring me deli elaluali. Tama agai te ring aga nogode munaluali pedelama, tama agai te Josepgo nogoba muani. Ferogo te gasagi yai sawi yai mu ugwa dabe te Josep tigiba gudulama, tama aga magede te golgo nigai sen me deli domonai.

Ma Dobola Sali 35:22

Tama tigidali we bidigo homugo, te augwaligo e tobage haniani au dobage dabe sela pali, gudubo ugwade walobo pin me, olode walobo ring me, nogode mubo ring me, magede domobo beli me, tama golgo haniani doado bage sela pai. Tama te we bidi dabe augwaligo te doado bage te Genuai Bidibolo te ofa tiwai elama, mu mawai dao.

Aisaia 3:22

Agai te sawi yai ugwa dabe sela sąyu, me agai augwaligo haniani dwagi yai ugwa dabego nigai gudubo ugwa dabe me, paus dabe me, hankasip dabe me, agai sela sąwaibao.