Aisaia 3:14 - Godigo dwagi yai po buku

¹⁴ Agai aga we bidi dabego tobolu bidi me genuai bidi dabe po tų ela mani. Tama agai te po wali, “Te we bidi dabe te eno wain gi tiwai dao. Tiali goli, dage da, dagego tama te gi dolama, tama te gide elaluali nai dabe dagego wi salio. Dagego bidi nai dabe habuge yai bidi dabe dagego hobede ebo menio. Mu menio. Dagego augwaligo dwasianu nai dabe kegelama, tama duga bede pesage holobo dao.

Aisaia 3:14 Referans Kwoze

Jopgo Po Asęani Elalubo Buku 22:4

Ma, nago homu nago Godiba lotu po weyu, tama aga dologode bidibaso, agai nage sesanama, nage po tų ela mani, nago te homu ebawe? Te mu meni.

Jems 2:6

Tiali goli dagego te magi nai meni yai bidi augwali gisugu mabo dao. Tama dagego bugagia kone palao. Te walu hauwa munalubo bidi augwaligo Godigo po wali pisiąbadi, augwaligo dage dali dwai sę haniani eyu, tama dage aiyaba elaluama, tama dagebolo sęgę mabo dao. Tama te bidi dabe augwaligo naga dage te po tų ebo digi kegasa pabo dao, augwaligo dagego nai somainogo.

Amos 4:1

Dage Samaria we dabego, te po odiąo. Dage mu nisalio, te Basan bulude elalubo wiegi yai bulmakau dabego nosai hauwa tulama, nisibo tiwai pedelali. Dagego te bomo kimi meni yai we bidi dabeba dwai sę ebo dao. Tama dagego te magi nai doado bage meni yai bidi dabeba sęgę menama, te dagego augwali dwasianu hobede me ebeo. Menio. Dagego te duga bidi tonalu, te augwaliba e tiwai i weyu, “Te tubo bomai ąį hauwa sesao. Da gęǫ page yaibao,” wabo dao.

Jeremaia 5:27

Augwaligo te tibo kolesaga elama, te gasa bidigo nai hauwa sainu tiaibao, te bidigo ba hauwa selama, te aga basket wa pągąbo tiwai yaibao. Te kolesagade augwali bomai mu pedelama, te augwa doado bage me mone hauwa elalubo dao.

Aisaia 5:7

Te Juda we bidi, me Israel we bidi, te Genuai Bidigo Tigidali Bomo Elalubo Bidigo wain gi tiwai dao. Agai godolo mu elama, agai augwali bugagia mu tonalubo dao. Te we bidi dabego wiegi yai doloba pai kolesaga naga emaina homu ebo dao. Tiali goli, augwaligo dwai kolesaga ebo dao. Agai homugo augwaligo gasa we bidi dabe dali wiegi yai kolesaga emai homu ebo dao. Tiali goli, augwaligo gasa we bidi aiyaba elaluama, tama augwaligo augwali dali boi bidi homu kolesaga ebo dao. Tama te aiyaba elaluali we bidi dabego i wabo agai odali.

Godigo Nogi Ugwaba Sabo Tęąbi Po Wabo Buku Dabe 143:2

Te nago po tųde te ena naga sę bidi me dagaligio. Magi baso meni, te mena bidi me deligo te nago gedude magi dwai sę me ebeo.

Godigo Nogi Ugwaba Sabo Tęąbi Po Wabo Buku Dabe 14:4

Genuai Bidigo te po wai, “Te bidi dabe augwaligo dwai kolesaga yai, augwaligo homu kolesaga meni, agawe? Augwaligo te eno we bidi dabe ela silibao, te augwaligo te bret tubo tiwai gilama te mu silibao. Tama augwaligo enaba gedu haluasa po wabo menio,” wali.

Jopgo Po Asęani Elalubo Buku 24:9

“Te dwai bidi dabe augwali te wilawe we dabeba pabo dao, tama augwaligo wai bǫų dabe bomonama eyu sabo dao. Tama augwaligo te wai bǫų dabe augwaligo olo sę ebo bidi gagalobo dao. Tama dwai bidi dabe augwaligo te nai meni yai we bidi dabego wai dabe oda selama, tama tola selama, te we bidi dabego augwa negeli yali wei ponomainu.

Matyu 21:33

“Dagego te gasa po digi po begelama wali po me odao. Bidi me deligo genuai tǫ elalubo bidigo agai te bono du wain gi bulama, tama obo bagulali. Tama te gi tomode agai te wain bono du agayabo te tank nai nigilali, tama te gi tonalubo bidigo bobobage be me me deli sę yani. Tama agai te gi te sę yabo bidi meba augwaligo nogoba muani, te augwaligo te gi tonalubo sę eyu, te gi nai meba naga somainogo yai. Tama te gi page bidi aga digi digibulu bulu me deli teba pai.

Maika 6:10

“Te dwai sęgę sai bidigo bede te wiegi yai sawi yai nai hauwa elaluali, augwa te tibo sę ebo kolesagade augwaligo salio. Augwaligo maketde te nai dabe dolo si me dagalisąbaso, eno te dwai kolesaga hagela homu mu ebao,” wali.

Maika 2:2

Te dagego bidi me deligo gi sabo homu pesą eyu, dagego bomonama te siyu naga yaibao. Dagego te be sabo homu pesą ebaso da, dagego te siyu naga ebo dao. Dagego te tibo sę ebo kolesaga elama, te gasa bidi dabego be me, te augwa wąį nǫųde sali tǫ me, wi sabo dao.

Jopgo Po Asęani Elalubo Buku 34:23

Awe, Godigo dago kolesaga sese konea pai dao. Tama tibaso yaide, agai da osola sumainu agai po tų ebo madi pabo tagalomainu egobeo.

Jopgo Po Asęani Elalubo Buku 24:14

Te kigamu hulide mu te giliga pedalisiąbadi, te dwai bidi dabe hogodama, te nai meni yai bidi dabe ela muainu pabo dao. Tama hulide da, augwali nai dabe wi sainu bilibo dao.

Godigo Nogi Ugwaba Sabo Tęąbi Po Wabo Buku Dabe 10:9

Aga te geme duala selama, tonalu, te laion me deligo aga tǫ dedage tomode tonalubo tiwai ebo dao. Aga te geme duala selama, te bomo meni yai bidi tola sainu tonalubo dao. Agai te aga bono gągą haliga gebelama, tama aga kegasa pabo dao.

Bugagia Bidibo Kolesagade Po Asęai Buku 30:14

Te meba bidigo te magi nai meni yai bidi dabeba te dwai sę mu ilaibao. Te hwą bainat me ge hwą me te augwa pedauwalide pągąnalubo tiwai eyu, tama augwaligo te magi nai meni yai bidi dabe tulama, tama tigidali silabo homu ebo dao.”

Aisaia 10:1

Dage te gesi gesi bomai po mubo bage, dage dolaibao. Te gesi bomai pogo te po tų ebode gasa bidi dabe aiyaba elaluama, tama nai meni yai bidi dabego nai sainu. Tama tiyu, te nai meni yai bidi dabe po tų ebo sogo asobaso da, te bomai pogo augwali tau sabo meni. Tama augwali po tų ebode geda mubo dao. Tama te dolo meni yai kolesagago dagego Genuai Bidigo we bidi dabe aiyaba elaluama, tama dagego te wilawe we dabe, me tiana wai dabego nai dabe dagego wi sabo dao.

Aisaia 11:4

Te po tų odobo dolo naga agai te nai meni yai bidi dabego homu sęgę elalubo po odama, te bagenu tau saibao. Te gasa bidi dabego augwali aiyaba elaluama, augwali dolama, dwai sę yali dabede agai pode te tiabo sę yali we bidi dabe dene saibao. Tama te dwai sę ebo bidi dabe da isaibao.

Aisaia 14:30

Te nai meni yai Israel bidi dabe augwaligo nai selama, bugagia homu tegaluama, bidaibao. Tiali goli, dage Filistia dabe da, ena Genuai Bidi eno dagebolo dwai nasi si taga palaibao. Tama te nasigo dage elama, dage mu silaibao,” wali.

Aisaia 26:6

Te we bidi dabe augwaligo te nai meni yai we bidi dabe dali dwai sę mu yali. Tama te bagenu augwali nai dabe mu menia pali. Tiali goli, megi da, te nai meni yai bidi dabe augwali te dolama, tagalali hanu pobele bage daide agaga bilibao.

Aisaia 29:19

Tama te we bidi augwa digi augwa aiyaba elalubo we bidi dabe augwali te Genuai Bidiba wiegi yai homu yaibao. Tama te nai habuge yai we bidi dabe augwali me te Israel Dabego te Dwagi Yai Doloba Pai Kolesaga Naga Ebo Godiba wiegi yai homu yaibao.

Aisaia 30:12

Tama tibaso, Israel dabego God te Wiegi Yai Doloba Pai Kolesaga Naga Ebo God, agai e tama po wali, “Dagego eno dua dao wali po sela sąnama, tudi ola manio. Tama dagego te ili po olama, te dolobo kolesaga dage tau saiba homu ebo te mu dagego dąų walio.

Aisaia 58:4

Dagego te po weyu, te dage nai habu selama, enaba gedu haluasa po waibao wai. Tiali goli, dagego kolesaga te gasagi yai tedali mu yalio. Dagego te wado elama, hwįyu, nogo sugunama, te gasa bidi gesabidide eliyu ebo dao. Dagego te dwai kolesaga te dagego nai habu selama, bidibo sogo ebaso da, teda eno dagego gedu haluasa po wabo me odogobeo.

Esekiel 18:12

Agai te magi nai doado bage meni yai bidi dabeba dwai dwai sę eyu, te agai nai wi siyu, tama te gasa bidi dabego agabolo mani nai dabe dąų olama tolalu, te augwaligo mani negeli ponabo dąįba usu nubo tiwai yali. Tama agai te tibo god dabeba lotu weyu, tama te lotu wabo pesagede te tobage dwai kolesaga dabe mu eyu ebo dao.

Esekiel 20:35

Dage te sisinabo pesage da, te masigi kemi wa pai bulu da, aga nogi e tiwai elaluali, ‘Te Tigidali We Bidi Hanigo Wa Pai Bulu Pesage dao.’ Tama tede eno dage te duga yali dwai kolesagade po tų ilaibao,

Esekiel 20:36

te eno duga wąį nǫų dabe te masigi kemi tǫ wa pai bulu du Sainaide bidali sogo, te augwali eno po tų ela mani tiwai yaibao. Ena God Genuai Bidi, eno tama po wai dao,” wali.

Maika 3:3

tama dagego te tigidali tualio. Te dagego augwaligo tigi wali sela sąbo tiwai eyu, te augwaligo dili togobo tiwai elama, tama dagego te augwali mi te hwą gego todogolama, te sene sospende bubo tiwai yalio.

Pris Sę Ebo Bomai Po 25:14

Te gasa bidi dagego tǫ abelemainogo mabo sogo, dagego koneao, te nisu naga kibu bede te nai tigidali wei ma mabo, te nisu naga sogo agai te bulali nai tau yali sabo me elalubo. Agai bugagia abelemainao, te tǫde mone usu nama dolo sao.

Pris Sę Ebo Bomai Po 25:17

Dagego te abagi me deli tibo po ola magio, te tǫ abelabo monede. Menio. Dagego enade wi yao, dagego God dao, te doloba pai kolesaga naga yao. Ena Genuai Bidigo te tiwai po obao,” wali.

Jeremaia 12:10

“Te gasa tǫ kantri polalubo bidi dabe aselama, te eno wain gi dolaibao. Te augwaligo eno wiegi yai gi agalama, te gi te wa pai pesage naga ilaibao.

Amos 2:7

Augwa te bomo kimi meni yai bidi, te augwa digi augwa tau sabo usu meni yai bidi dabe, te augwali aiyaba elaluama, tama augwa te magi nai meni yai bidi dabe ela gudulubo dao. Bidigo me, aga ayago me, te olo sę ebo we deliba naga penani igi pabo dao, te tama tiali kolesagade augwaligo eno genuai nogide hale mu ilibo dao.

Maika 2:1

Te dage dwai kolesaga yabo homu ebo bidi, te hobede ya, te dage dolaibao! Dage te hulide godege me pisąma, dagego te dwai kolesaga yabo homu naga eyu, te kigamu mu dage hodaluama, te sę ebo dao, magi baso meni, dagego te sunumi gegali dao.