Aisaia 3:13 - Godigo dwagi yai po buku

¹³ Genuai Bidigo tigidali we bidigo po tų odainu no sealuba.

Aisaia 3:13 Referans Kwoze

Maika 6:2

Dage te bulu du dabe, dage te tǫ page dąų waliyu, te tǫ sesemane bidada pidu, bidada pabo nai dabe, dagego te Genuai Bidigo po tų ebo odiąo. Magi baso meni. Genuai Bidigo aga we bidide po olama, waibao. Agai po te Israel dabeba kisilama waibao.

Godigo Nogi Ugwaba Sabo Tęąbi Po Wabo Buku Dabe 12:5

Tiali goli, Genuai Bidigo te tama po wai, “Te megi da, ena asaibao, magi baso meni, te magi doado bage meni yai bidi dabe te bidi dabego aiyaba elaluai. Tama te dene me sęgę tolali bidi dabe, te augwaligo gela udali. Te eno augwali te bugagia bidabo te augwa sainu tonaluali madi, teba muaibao,” wali.

Godigo Nogi Ugwaba Sabo Tęąbi Po Wabo Buku Dabe 74:22

God, nage aselama, te boi bidi dabe dali po bomo elama wagasao. Nago te hagoma ebo bidi dabego te tigidali sogo posobo po nageba wabo, te nago homugo koneao.

Godigo Nogi Ugwaba Sabo Tęąbi Po Wabo Buku Dabe 82:1

God te dagalude genuai kaunsel miting po mibo polalubo bidi bidibao. Te tobolu bidi dabe sisinama, tama God agai homude elalubo po pusubo dao.

Aisaia 51:22

Nago Genuai Bidi, te Godigo nago te boi bidi dabe dali hwįbo tau selama, dage ugwa ela holobo ilali, agai te tama po wali, “Suao. Eno te haliga sębę yali kabu te eno nageba menama, te nago tulama, te gęǫ page dwai mu elama, te umuna sali. Tiali goli, megi da, eno te kabu nago nogode ma sali. Te eno nosali nage te kabude ąį ma tumainu me egobeo.

Aisaia 66:16

Magi baso meni. Te Genuai Bidigo isigo te we bidi uluyu, te agai hwą ge bainatgo te we bidi hauwa mu ela mueibao, te augwa yali dwai sę wei ponoyu, tiaibao.

Joel 3:12

Godigo te po wai, “Te we bidi hani dabe te sisi elama, te odogo malu tǫba dulao,” wali, “augwaligo te God Te Po Tų Odobo Jas Dao nogi poali tǫba dulao. Ena Genuai Bidi, ena te pesagede dugulalu, te Israel pąde bidibo tigidali gasa hani we bidi te po tų ilaibao,” wai dao.

Aisaia 1:18

“Odao. Da deliba sisinama, po mimainao. Dagego sęgę hauwa elalubadi me, tagala. Te dage te nala ugwa tiwai bidai goli, hoda naigo polo dolai dao. Ena Genuai Bidi, eno te po obao, eno te dage te tedela ais tiwai ma ilaibao. Awe, te hoda nai mu dąų wai goli, eno dage te tedela yai sipsip kibu nisi tiwai ma ilaibao.

Maika 6:1

Genuai Bidigo te Israel po tų ilibo dagego odiąo. Genuai Bidi, nage aselama, augwali po tų yagasao, tama te bulu du dabe te po tų ebo odobo jas bidiyu, tama augwaligo te nago po dagalaibao.