Aisaia 3:11 - Godigo dwagi yai po buku

¹¹ Tiali goli, dwai bidi dabe da, dolaibao. Augwali te dwai pe te augwa yali dwai sęde saibao.

Aisaia 3:11 Referans Kwoze

Kolesaga Koneai Bidigo Pusali Po Elalubo Buku 8:13

“Te dwai kolesaga ebo bidi da, te aga bugagia me bidigobeo. Te aga pęwadage sogo naga te tǫde bidaibao, magi baso meni, aga te God dologoba pelama bidibeo.”

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

Godigo Nogi Ugwaba Sabo Tęąbi Po Wabo Buku Dabe 62:12

“Tama sesemane sogo eno te tigidali we bidi godolo mu ebao.” Te po wabo si eno mu odalio. Genuai Bidi, nago te da tigidali we bidigo ebo kolesagade usu nama, te sę wei si ma ilibo dao.

Godigo Nogi Ugwaba Sabo Tęąbi Po Wabo Buku Dabe 28:4

Te augwa yali kolesagade usu nama, te augwali dene mao. Te dwai dene augwaliba wei ponao. Te augwa yali sęgę tigidali usu nao.

Aisaia 65:20

Te dwasianu ogomani dabe me te ogomani bidi elalubo sogo me isigobeo. Menio. Tigidali we bidi te bobobage sogo sesabi elama, mu bidama, te monu dabe mu pedelaibao. Te augwa kibu be bidi sese a naga 100 yia bidali, te tagalao, augwali te gesi tigi elalubo we bidi bidaibao, tiyu augwali me deli te kibu be bidi sese a naga 100 yia bidisiąbadi isibaso, te gasa bagego homugo te Genuai Bidi eno aga isimainu yai da, te homu yaibao,” te po wai dao.

Aisaia 48:22

Genuai Bidigo te tiwai po wali, “Te dwai kolesaga ebo we bidi dabe, te augwa bugagia wiegi yai bidabo sogo me gegegobeo,” te po wai dao.

Bugagia Bidibo Kolesagade Po Asęai Buku 1:31

Tama tialigo da, megi da, te dagego duga yali dwai kolesagago walali du dabe tuao. Awe, dagego haniani dwai sę yabo homu kolesaga yai dao. Megi da, dagego te kolesagago du dabe tulama, tabi pągąwaibao.

2 Korin 5:10

Magi baso meni. Dago koneani, da tigidali te Kraisgo po tųde hania hanilama pedalaibao. Tama da megi e bidibo tigi dali bidiyu tama wiegi yai kolesaga ebaso, ma dago dwai kolesaga eyu me yali da, teda da tigidali deli deli te dena yali kolesagade usu nama tama dago te tiwai saibao.

Tigidali Nai Gagalama Nigali Side 18:25

Nago te wiegi yai bidi dabe augwali te dwai bidi dabe augwali dali elainu ebo. Te wiegi yai egobeo. Nago tama tiwai me elamuo. Tiyu, te wiegi yai bidi dabe te dwai bidi dabe augwali dali dolabuo. Te dwai mu dao. Nage da, te tigidali tǫ pedaide po tų odobo bidi dao. Nago te doloba pai kolesaga wali pomainogo egobewe?” Abrahamgo te po hanalu wali.

Tuni Bidi Dabego Po Elalubo Buku Si 6:23

teda Genuai Bidi nage ugwa dagalude bidiyu, tama nago augwaligo gedu haluasa po wabo odama tama augwaligo po tų ebo odao. Tama nago te dwai sę yali bidi dene mao. Tama nago te dwai sę isąwai bidi nago aga wiegi yai sę ilao. Teda te bidi dabebolo agai dwai sę ebeo olama ola mayu tama tiao.”

Jopgo Po Asęani Elalubo Buku 10:15

Ma, eno dwai sę igi sogo da, teda nago eno tigide sę geninama mu igi dao. Tama tiali goli, ma eno dwagi yai kolesaga ebaso da, teda eno dwagi yai homu elama, ena homu geda pabo homu egobeo. Mu meni. Te ena sęgęgo ena ma dolobo te ena moni hale mu ebao.

Bugagia Bidibo Kolesagade Po Asęai Buku 12:14

Te nago po wabo me, nago sę ebo me, te wiegi yai eyu da, teda tego nage nai sobaso, te nage bugagia bidaibao.

Aisaia 13:11

Genuai Bidigo te po wali, “E tǫ te we bidigo dwai sęgęgo pągąna pali. Tama tibaso, eno augwali dene mawaibao, te augwaligo dwai sę yali wei ponoyu yaibao. Te bidi dabe augwa digi augwa nogi ugwaba sabo bidi dabego nogieno aiyaba elaluaibao. Me, homu dene isiąyu, te augwaligo gasa bidi dabe aiyaba elalubo bidi dabe me.

Aisaia 65:6

“Suao. Ena Genuai Bidi, eno te dage dwai we bidi dabego ebo dwai sę tigidali te eno bukude asęani. Tede eno sagia sogobeo. Menio. Te eno dageba dwai dene mayu, te duga yali dwai sę tigidalide dolo mu wei ponaibao.

Aisaia 65:7

Te eno duga yali sęgo sęgę dali, te duga bulai wąį nǫų dabego yali sęgę dali tolomainu yaibao. Te duga bulai wąį nǫų dabe te lotu wabo pesage te bulu du bageba holama, tama augwa te wiegi yai hano denami ilibo ofa eyu, tama augwa te haniani dwai kolesaga ena gedude yali. Tama eno augwa yali dwai sę tigidali usu nama, dolo mu te wei ponaibao,” wali.

Jeremaia 21:14

Ena Genuai Bidi, eno po dolo obao, te eno dwai dene dageba mawaibao, te duga yali dwai kolesaga wei ponaibao. Te eno te Jerusalem taunde sia pedalumainu ilaibao, te moni bulu tomode isi dabo tiwai eyu, tama te isigo kingo be deyu, te Jerusalem tigidali be daibao,” te po wai dao.

Jeremaia 31:30

Menio. Te sogo da, te bidigo dwai sę me ebaso da, te aga digi naga isaibao, te aga wai dabe tede isigobeo. Te bidigo te tau isąwai wain du tuali tiwai ebaso, te aga pedauwalide digi naga ha yaibao,” wali.

Esekiel 2:10

Te buku te pepa me deli tiwai augwaligo te bebe pelama, te kęąį elaluai. Tialima, nogo te buku diliginama, tama eno suali, te bukude te si badu po asęai elaluali. Te bidi dabe augwali te haliga sęgę eyu, dwai gela weyu, homu dene ebo tęąbi ebo po dabe augwaligo asęai elalubo suali. Te tobage po te pepade asęani pągąnalualio.

Esekiel 18:20

Te sęgę sali bidi, te aga naga isaibao. Te ayago sęgę sai baso da, teda te ogwago mena dwai sę me isąwani, tama agai te ayago yali sęgę tolabo usu munu me egobeo. Te ogwago dwai sę ebaso da, teda ayago te magi dwai sę me isąbaso, te ogwago sęgę agai me tologobeo. Doloba pai bidigo te aga yali doloba pai kolesagade te wiegi yai mone sabo tiwai eyu, te dwai sę ebo bidigo te aga yali dwai kolesagade sęgę tolobo dao,” wali.

Esekiel 24:14

“Ena Genuai Bidi, eno mu po obao, te dage eno dolaibao. Te dagego meda yai kolesaga ebode te tigidali eno homu kone ebo gegeda palogobeo. Te dage eno homu dene me isąma, te eno dageba olo mu tau sabo wiegi yai kolesaga me egobeo. Mu menio. Te eno dage po tų ilama, te dagego yali dwai kolesaga tigidali dolo wei ponaibao. Ena God Genuai Bidi, eno te po wai dao,” wali.

Esekiel 33:8

Tialima, eno bidi mego dwai kolesaga ebo subaso da, tama eno aga isaibao obaso da, teda nago agabolo pusao. Nago agabolo agai homu kolesaga, me agai ebo kolesaga hasegeleyu yao po wao. Tialima, nago agabolo wasiąma yali da, teda agai sęgę me tama elaluaibao, tama aga isaibao. Tiali goli, eno gedude da, teda nago dagede aga isaibao.

Maika 3:4

Nosali me sogo si te pedalubo side tama, dage te Genuai Bidiba gela waibao, tiali goli agai te dagego gela wabo me odogobeo. Agai te dagego gedu haluasa po wabo me odisąwaibao, magi baso meni, dagego te dwai kolesaga yalio.

Maika 7:13

Tiali goli, te tǫ kantri dabe te olo masigi kemi tǫ pesage pedelaibao, magi baso meni, tede bidali we bidi dabego te dwai kolesaga hauwa yalio.

Israel Hanigo Namba 32:23

“Megi eno po bomona dage dali te obao, dagego duga dąų wali po wali pisiąbaso da, teda dagego Genuai Bidi dali sęgę saibao. Tama dagego te tama koneao, Genuai Bidigo dagego dwai sęgę kone palama, tama dage ela silaibao.

Te Israel Tobolu Bidi Dabe 9:57

Tama Godigo te Sekem dabe augwa dwai kolesaga yali sę wei ponani. Polobadu Jotam, te Jerubalgo ogwago te Sekem dabe augwali dolaibao po wali, tama megi da te tiwai sę pedelalio.

2 Samuel 3:39

Te mu tama, Godigo ena sa munama, tama ena te king pedelali. Tiali goli, eno digi eno te Seruiago ogwa sigo yali dwai kolesaga wei ponabo bomo menio. Augwali si te bomo elalubao. God Genuai Bidigo digi te augwaliba dene mayu, te augwa yali dwai kolesaga usu niyu tiaibao,” king Devitgo te po wali.

Te Israel me Juda Hani Sigo Tuni Bidigo Po Elalubo Buku Deli 21:21

Tialima, Genuai Bidigo nagede te po elalubao, ‘Ena Genuai Bidi, te eno nage dolaibao. Te eno nage te Israel hanide pedalubo bidi tigidali silimainogo yaibao, te augwali gesi ogwa bidi yaibaso, ma te gegunai bidi dabe me, tagalao, te mu silaibao.

Bugagia Bidibo Kolesagade Po Asęai Buku 11:31

Dago koneai, te doloba pai bidi dabego wiegi yai kolesaga te augwa tǫde bidibo sogo yali kolesagade te augwa wiegi yai nai saibao. Tama dago te homu me igio, te dwai kolesaga ebo bidi dabe te augwa yali dwai kolesagade dwai dene sabo te ela soabo homu me egobeo. Menio. Genuai Bidigo te augwaliba dolo wei ponaibao.

Bugagia Bidibo Kolesagade Po Asęai Buku 26:27

Te bidigo dwai kolesaga yabo homu ebaso da, teda aga digi dolaibao. Awe, te bidigo tǫ dedage dogolama, te gasa bidi teba tulalumainu yali, tiali goli te bidi aga digi aga teba ma tulaluali. Tama te bidigo te masigi te bulu du bageba ugwaba hogogobele pabo tiwai ebadi, tama te masigi edaba ma hogobeasa dulu, tama aga mesega sigulaibao.

Esekiel 16:59

Genuai Bidigo po ma weyu, te tama po wali, “Jerusalem, ena God Genuai Bidi, eno nageba maiabo gasa po me elalubao. Te nage gesi ogwa bidi bidali sogo, te eno nage dali dąų wali bomai po wali paibao po wai. Tiali, nago te dąų wali po olo nai da homu elama, te nago bolalio. Tialima, eno nago te yali dwai kolesaga wei dolo ponani.