Aisaia 3:1 - Godigo dwagi yai po buku

¹ Odao. Tamadi tama God, Tigidali Bomo Elalubo Bidigo te we bidi dabe ugwaba sagualu tonalubo nai dabe sela sąwaibao. Te Jerusalem me Juda bulu we bidi dabe bidibo wiegi yai ilibo nai dabe, te agai tigidali nai me, wę me, sese silaibao.

Aisaia 3:1 Referans Kwoze

Pris Sę Ebo Bomai Po 26:26

“Te eno dagego nai mu sǫą pomainogo yaibao, tama te we dabego augwa iside ulabo nai hauwa meni yaibao, te sia tigi delide nogo si wego nai ulaibao. Te dage tigidaligo te nai dwasianu dwasianu naga selama tueibao, tiali digi te dage nasi me elaludaibao,” Genuai Bidigo te po wai dao.

Esekiel 14:13

“Tǫde bidio, te tǫ kantri me deli we bidi dabego te sęgę selama, te augwaligo haliga enaba mu musiąbaso da, teda eno te tǫ kantriba dwai dene mayu, te eno augwali nai sǫą pabo sę mu ilaibao. Te eno tigidali we bidi dabe, me te hasa sibi te nasi dwai mu ebo sę ilama, te augwali isaibao.

Aisaia 1:24

Tama tibaso, Jerusalem, Godigo po dabe megi odao. Tigidali Bomo Elalubo Genuai Bidi te Israel dabego boma pai God dao. Agai te po wali, “Ena Genuai Bidi, eno te ena boi bidi dabebolo dwai dene wei ponaibao. Usu dao. Tama augwaligo enabolo sęgę ma magobeo.

Jeremaia 38:9

“Edao, genuai bidi, te bidi dabego dwai kolesaga mu Jeremaiabolo yalio. Augwaligo aga te dedage me deliba sąwanio. Tama aga te dedagede bididubaso da, teda aga nai menia selama, te aga isaibao. Nago koneani, te taunde nai mu sǫą pai dao,” wali.

Jeremaia 37:21

Jeremaiago po ola silibaso da, teda king Sedekaiago dąų wabo po olama, te augwaligo Jeremaia kalabus elama, te ami dabe badu te kingo be mesalo obo tomode bidali. Te kingo me te po wali, te tigidali sogo augwaligo te bret deli te bret nigibo bede selama, te Jeremaiabolo magasu yali. Te tigidali bret te taunde silibaso, te tama me tegobeo. Tama Jeremaia kalabus elama, te ami dabe pedai badu bidai dao.

Aisaia 51:22

Nago Genuai Bidi, te Godigo nago te boi bidi dabe dali hwįbo tau selama, dage ugwa ela holobo ilali, agai te tama po wali, “Suao. Eno te haliga sębę yali kabu te eno nageba menama, te nago tulama, te gęǫ page dwai mu elama, te umuna sali. Tiali goli, megi da, eno te kabu nago nogode ma sali. Te eno nosali nage te kabude ąį ma tumainu me egobeo.

Aisaia 36:12

Tiali goli, te ofisago po wei ponoyu, te tiwai po wali, “Eno kingo ena tagala palali, te po dage dali, me dagego king dali naga omainu me tagala palobeo. Menio. Te obo daide dodolalubo hani bage, augwaligo me te po odomainao. Magi baso meni, te boi hwįbaso, dago te Jerusalem bagua sagasobo si da, teda te dwai sę ebo si dage tigidaliba pedelaibao. Tama te obo banisde dodolalubo hani bage te nai mu sǫą paibao, tama augwa di ma tuyu, poi wę ma tuyu yaibao, te tiwai dage me yaibao,” wali.

Aisaia 5:13

Tama tibaso, Genuai Bidigo te po wali, “Mu tama, eno we bidi dabe dagego ena konebo hagela yali. Tama tibaso, boi bidi dabego dage gasa buluba me kalabus elama, odasa paibao. Te genuai bidi dabe nai menia saibao. Te olo we bidi dabe te ąį nogone eyu bidaibao. Tama augwali mu dolaibao.

Aisaia 2:22

Dagego homugo bidi mego da tau saiba homu elamuo. Mu menio. Da bidi da olo nai mu dao. Magi baso meni. Da pęwądage sogo bididama, tama da isaibao.

Godigo Nogi Ugwaba Sabo Tęąbi Po Wabo Buku Dabe 105:16

Genuai Bidigo augwaligo tǫde nasi emainao wai, tama augwaligo nai tigidali agai sela sąwai.

Aisaia 3:16

Genuai Bidigo te po wali, “Jerusalem we dabe, suiąo. Augwaligo homugo augwali dwagi yai mu dao homu eyu, hagoma homu ebao. Te augwali bilibo sogo, augwaligo augwa sągą aulama, tama augwa sągąde hǫą omainu ebo dao. Augwaligo augwa tobolu sagolama, augwa dogoni dodolobo dao. Tama augwaligo gedu subigila bidi gedu tonobo dao.

Aisaia 9:20

Tama augwaligo nai anoma elama, sabo sę ebo dao. Tiali goli, tego augwaligo homu kolesaga pągąnabeo. Augwali te bidi nai hauwa tuai goli, augwali tabia pisąma ebo tiwai dao. Tama augwaligo te kolesaga augwa deli hani dali me ebo dao.

Jeremaia 52:3

Te Juda dabe me Jerusalemgo dwai kolesaga ebogo te Genuai Bidigo haliga sębę dwai mu ilali, tibaso Genuai Bidigo te we bidi dabe augwali hagela ebaso, te augwa bulu tǫde sela sąnama, digibulu pai dao. Sedekaiago homu te Babilon aga tonalubo hagela mu yai, tibaso aga munu me aga dologode me bidibeo.

Jeremaia 52:6

tama te kibu bede digi, te polua 4 wabode, te dei 9 wabo side, te Jerusalem we bidi augwali nasigo mu salio, magi baso meni, augwaligo nai tigidali silai dao.

Te We Bidi Dabego Jerusalem Hagede Gela Wali 5:4

Polobadu da, te isi dabe me te ąį dabe te dena nai dabe elalualio. Tiali goli, megi da, dago te ąį me isi sainogo da, teda dago abeliyu naga ebao.

Amos 4:6

Genuai Bidigo te tama po wali, “Awe, dagego tama tebo dao. Tama tibaso, eno tama, eno te genuai nasi te dagego taun tigidaliba pedalumainu ilama, te tigidali bulude dage nai meni yai. Tiali goli, te dage enaba ma geasa asobeo. Mu menio.”

Maika 4:9

Jerusalem, magi baso nage gela genuai obawe? Magi baso nage te wego wai ame nainu tudi eliyu, tigi dene ebo tiwai ebawe? Nago king meni da, agawe? Nago kolesaga page koneai bidi dabe isila pai da, agawe?

Te Israel me Juda Hani Sigo Tuni Bidigo Po Elalubo Buku Si 25:3

Tama te kibu be tomode te 4 polua, dei 9 wabode, te Jerusalem taunde bidali we bidi dabe te nasi dwai mu yali, magi baso meni, augwaligo tuabo nai sia sali.