Aisaia 29:4 - Godigo dwagi yai po buku

⁴ Tama nage mu tama tulaluama, tama tǫgo nage mu mesega saibao. Tama nago po dabe te isi bidigo po te tǫ dologode dua dua wabo tiwai tǫdu pedalaibao.

Aisaia 29:4 Referans Kwoze

Aisaia 8:19

Te we bidi dabego dagebolo te isai bidi dabego noma dali po wabo we bidiba pao po waibao, tama augwaligo homu kolesaga sigi pao po waibao. Te isai bidi dabego noma dali po wabo bagego augwaligo pedauwalidu pomu po weyu, keledude haniani dwasianu po waibao. Tiali goli, te isai we bidi dabego te bidibo we bidi dabe homu kolesaga mabo usu egobeo. Te tama tiali goli, magi baso mu augwali te isai we bidiba udalama, tama augwalide te kolesaga sabo dawe? Augwali augwa Godiba pomainao.

Aisaia 3:8

Jerusalem de Juda si te dwai sogoba sabolama, tulalubo gagalali. Magi baso meni. Augwaligo tigidali pogo me, sęgo me, augwaligo Genuai Bidigo nogi aiyaba elalubo dao. Augwaligo te dwai kolesaga agai gedude ma ebo dao.

Godigo Nogi Ugwaba Sabo Tęąbi Po Wabo Buku Dabe 44:25

Da te tǫba tula munama, tama dago tigi te isai bidigo tigi pila mubo tiwai elalubao.

Te We Bidi Dabego Jerusalem Hagede Gela Wali 1:9

Polobadu aga dwai kolesaga te pepeli dilide mu elaluai dao. Tiali goli, agai aga dolabo homu kone me ebeo. Tama tialigo aga mu dolama, mu dolali, tama bidi mego aga hobede eyu, tau sabo me egobeo. Tama Jerusalem agai e tama tiwai po i obao, “Genuai Bidi, eno e sęgę suao. Te boi bidi dabego ena aiyaba mu elalualio. Tama augwaligo ena dolalide wiegi yai homu pemene elama, gana pali dao,” wabo.

Aisaia 51:23

Tiali goli, eno te kabu te nage dolobo bidi dabe nogoba mueibao. Augwaligo nage te tǫde pimainu ilama, te augwaligo nage agalama, te nage tudi daide biliyu, te augwa olo tǫ bulude bilibo tiwai yai dao,” te po wali.

Aisaia 32:19

Te genuai talua ge tulubage tulama, te mone buside moni ni dabe me dolobadi me, tagala. Tama tigidali hanude be dabe tǫde wiala pai goli,

Aisaia 52:2

Hobede ya, Jerusalem, tiali te nage hogodama, te nago tigide tǫ sela sąyao. Awe, Saion hanu, te nago dogonide kęnani sen peda sąnama, te naga sia kingba duagi soao.