Aisaia 29:2 - Godigo dwagi yai po buku

² Tiali goli, ena Genuai Bidi, eno te sęgę nageba sela asaibao. Nage eno alta tiwai bidali. Tiali goli, nage gela olama, hwą dwai mu waibao. Tama kaneme nagede pągąna paibao, te bidi dabego te alta saide te hasa dabe elama, te kaneme alta saide pągąbo tiwai yaibao.

Aisaia 29:2 Referans Kwoze

Esekiel 39:17

“Ena God Genuai Bidi eno te po me obao. Tǫde bidi, eno homugo nago e tǫde ba dabe me bulu hasa dabe asomainu i ola kegelao. Eno e po augwalibolo pusao, ‘Dage te Israel dabego bulu du buluba dabe sisinagaselama, tama dagego eno dagebolo ofa nai mawainu ebo te ofa nai tuagameo. Te eno dagebolo tuabo mi hauwa mayu, me tuabo kaneme hauwa mu mayu yaibao.

Esekiel 22:31

Tialima, eno augwalide haliga sębę ebaso, te augwali eno mu dolainu ebao, te isi dage kalaba munama, dala sabo tiwai yaibao. Te eno augwa yali dwai kolesaga dolo mu wei ponaibao. Ena God Genuai Bidi, eno te po wai dao,” wali.

Te We Bidi Dabego Jerusalem Hagede Gela Wali 2:5

Genuai Bidigo Israel dabe dali boi bidi homu elama, tama augwaligo kantri mu dolama, tagalalio. Awe, agai bomai taun dabe doliyu, me augwaligo te wiegi yai bomai be dabe aluama, tagaliyu yalio. Te tigidali Juda bulu sese tamade agai te we bidi homu sęgę emainu mu ilama, tama augwali gela geninama mu uduali.

Aisaia 37:3

Augwali pela sabolama, Aisaiabolo te tiwai po wagi pali, “Kingo te po walio, megi te genuai haliga sęgę ebo sogo elalubao. Te Asiria dabego dabolo te da begela dolobo dwai posobo po hauwa waligo te da hale genuai elalubao. Da te haliga yai we me deli elalubo tiwai eyu, te wai ame nabo sogo pąde pedelalio. Tiali goli, te wego wai ame nabo te bomo me elalubeo.

Aisaia 36:22

Tiali goli, te Asiria ami ofisa bidigo wali pogo te Eliakim, me Sepna, me Joa te haliga sęgę mu ilali. Tama augwa gudali ugwa pįsilama, tama augwali pelama, te ofisago wali po tigidali te king Hesekiabolo pusigi palio.

Aisaia 34:6

Tialima, te Idom dabego kaneme me iligo te Genuai Bidigo bainat hwą halua saibao. Te sipsip me meme dabe te bidi dabego te ofa yainu elama, te ofa yainu ebo bidi dabego nogode kaneme piliga pabo tiwai yaibao. Genuai Bidigo te genuai hani we bidi dabe mu te taun Bosra te Idom bulu tǫ kantride elaibao wali, te aga digi genuai ofa ebo tiwai dao.

Aisaia 17:14

Polo tama te boi bidi dabego te bulu pio bagua sagasobo si da, te we bidi dabe wi dwai mu ebo dao. Tiali goli, kigamu da, boi bidi dabe menia saibao. Tama te tobage kolesagago Godigo te boi bidi dabego da dolama, dago nai dabe wi sela pai badi te sunumi palibo dao.

Aisaia 10:32

Megi da, te boi bidi dabe te hanu Nopba polo sabolali. Augwaligo te bulu du Saionba edaba tonagasali. Tama augwaligo nogo sugunani, te hanu Jerusalem dolabo polo no muanio olama, ola mobao.

Aisaia 3:26

Tama augwaligo nago nai tigidali saibao. Nage te we me augwaligo agai ugwa dabe sese sela sąwai tiwai yaibao. Tama aga tǫde habu olo dulalubo tiwai yaibao. Tama te obo sunumi dabego te nai dabe nage tigide pedalobo sulama, tama augwali hobede elama, gela waibao.

Aisaia 1:14

Eno dagego te gesi poluade lotu wabo, me gasa bodolu mani lotu dabe dagego wabo eno godolo mu menio. Te nai dabe tigidaligo enabolo sęgę mabo. Tama eno tolobo mu hagela ebo.