Aisaia 28:4 - Godigo dwagi yai po buku

⁴ Nage te nai wai bulabo tǫde te dwasianu bulu du elalubo madi nage te bidibao. Tama nage sawi yai plaua bono tiwai elalubo ąǫ te ebao. Tiali goli, nage te plaua bono mobia pelama, dobo tiwai yaibao. Tama nage deli sogo tama silaibao, te ni fik du me deli hasia tau ebo tiwai, tama bidi me deligo sulama, polo sela tubo tiwai yaibao.

Aisaia 28:4 Referans Kwoze

Nahum 3:12

Tama te boi bidi dabego te dagego bomai taun sainu sinabo sę me egobeo. Menio. Te bomai taun dabe te ni kaya fik tau yai tiwai elalubao. Te bidi me deligo te niba pemebaso da, te nai tau dabe te aga pedauwaliba dolo tudulalueibao.

Maika 7:1

Hobede ya, ena dwai mu bidibao. Ena te nasi ebo bidi tiwai elama, te tuabo wiegi yai nedu du me deli gegebeo. Te tigidali wain ni du me, ni kaya fik du me, augwa te tigidali sela silalio.

Hosea 6:4

Tialima, Genuai Bidigo te tiwai po wei ponani, “Dage Israel, me dage Juda, te eno mena sę dageba yagawe? Te dagego ena godolo homu ebadi, tiali goli dagego sesabi gana elama, te ena godolo homu ebeo. Menio. Te dagego godolo ebo homu te polo tama mu sia siyu yali, te kigamu dagalude te pǫ me hawa pedelama silibo tiwai ebao. Tama te hulide tulali tulubage segeni te nosade elaluali, te giliga nanu te polo wa pabo tiwai ebo dao.

Aisaia 28:1

Hobede mu dao, te Israel bagego sawi yai taun nage. Nage mu dolaibao. Te naga genuai bidi dabego wain wę hauwa mu tulama, poliyu, tama nago nogi ugwaba mu sabo dao. Augwaligo te po wabo dao, nage te bomai hanu mu dao, po wabo dao. Nage te nai bula tuabo tǫ wiegi yai bulu dude te bidibao. Tama nage te naga genuai bidi dabego tobolude mubo plaua kula wai bono elalubo ąǫ te elalubao. Tiali goli, nage pąde tama te plaua bono sasia pelama, dolobo tiwai nage dolaibao.

Kraisgo Geme Dualali Sę Pedelabo Po Jonbolo Ola Mani 6:13

Tama dagalude hǫ dabe tǫba tulaluyu, te ni kaya du te moni bomai wali asiyu sela sąyu tulalubo tiwai yai.

Hosea 13:15

“Te Efraim dabe hauwa mu pedelama, tama te gasa Israel hani aiyaba elaluali, tiali goli eno te posolo yai bomai wali mu te giliga asobo badu tagala palama, tama te waligo augwaligo te ulu wę sula somainu ilaibao. Tama te waligo augwa dwagi yai doado bage sela pela silimainu yaibao,” wali.

Hosea 13:1

Polobadu te Efraimgo hanigo po obaso, tama te Israel gasa hani wi elama, te po odali. Tiali goli, te Efraim hanigo te tibo god Balba lotu po obaso, augwaligo sęgę salio. Tama tialima, te augwali isaibao po wai dao.

Hosea 9:16

Te Israel dabego wai ame nabo usu isąwaibao, augwali te ni me deli te ni sele ąį wa pelama, te nai walisąbo tiwai yaibao. Tialima, te mebago wai ame nobaso da, teda augwaligo te godolo homu mu ebo wai dabe te eno ela muaibao,” te po wai dao.

Aisaia 8:4

Tama te waigo ida aya wabo gagalisiąbadi da, te Asiria bagego te Damaskus de Samaria sigo wiegi yai nai dabe tigidali wi sagasaibao, tama augwa tuni bidiba sela paibao,” wali.