Aisaia 28:21 - Godigo dwagi yai po buku

²¹ Genuai Bidi aga bomo dali hogodasa asaibao, te agai polobadu te bulu du Perasimde, me te Gibeongo odogo malu bulude yali tiwai yaibao. Tama agai yainu yali sę agai yaibao. Tiali goli, dagego te sę ebo sulama, tama dagego te gasagi yai mu da, te homu yaibao.

Aisaia 28:21 Referans Kwoze

Tuni Bidi Dabego Po Elalubo Buku Deli 14:11

Tialima Devit dali, aga ami bidi dabe dali, augwaligo te Filistia dabe dali hwįgi pelama, te augwali aiyaba elaluai. Te agai te tiwai po wali, “God te bomai wę tiwai asama, te eno nogode agai eno boi bidi hani dabe togolalio,” wali. Tama augwaligo te bulu nogi te tiwai wali, Genuai Bidigo Te Hani Si Togolobo Dao, walio.

2 Samuel 5:20

Tialima, Devitgo te Filistia dabe augwaliba hwįgi pelama, tama augwali aiyaba elaluai. Tama agai te tama po wai, “Genuai Bidi te wę bomo asobo tiwai elama, tama eno boi bidi hani dabe pedelama togolali.” Tama tiyu, augwaligo te bulu nogi te tiwai nogi yali, Te Genuai Bidigo Te Hani Togolai Dao.

Josua 10:12

Tama te sogo te Genuai Bidigo te Israel dabe tau selama, tama augwaligo te Amor dabe aiyaba elaluai. Tama Josuago Genuai Bidi dali po miai. Tama te Israel dabe augwaligo gedude agai te po wai, “Giliga, nage te Gibeon hanu ugwadu dolaluao. Polua, nage te Aijalon bulu odogo ugwadu dolaluao.” Te po wai dao.

Josua 10:10

Te Amor dabego te Israel ami bidi dabe asobo sulama, tama Genuai Bidigo augwali wi ilama, tama augwali homu kolesaga umuna palai. Tama te Israel dabe augwaligo te Amor dabe augwali te Gibeon hanude dolobo sę ilama, tama augwaligo augwali pobeasa duluyu, te bulu du bagua sali te Bethoron teba dulai. Augwaligo te Amor dabe dolobo sę ela pidubadi, te Aseka te bogo badu usu nama, te Makeda teba dąį iligi pai.

Te We Bidi Dabego Jerusalem Hagede Gela Wali 2:15

O Jerusalem, te Israel hani isąwai we bidi augwali tedu ela soyu, augwaligo nage dolali elalubao sualio. Tama augwali noma siyu, nogo hogwayu, tobolu pęyu, kęnę po ola mayu, e tama po obao, “Te taun tama te bidi dabego te wiegi yai sawi yai taun dao,” wali, “te taun te da, agawe? Te taun tama te tigidali tǫ kantri we bidigo gawe yai taun da, agawe?” Augwaligo te tobage hale ilibo po wabo dao.

Tuni Bidi Dabego Po Elalubo Buku Deli 14:16

Tialima Devitgo te Godigo po wali pelama, te Israel augwaligo te Filistia dabe pobelama, te augwali dolali, te taun Gibeonde gagalasa pali, te taun Geserba usu nigi palio.

2 Samuel 5:25

Tialima, Devitgo te Genuai Bidigo po odama, tama te Israel dabego te Filistia dabe pobeasa pelama, tama augwali dolali, te Geba taunde gagalasa pali, te Geser taunba usu nigi palio.

Aisaia 29:14

Tama tibaso, eno gasa sę dabe mu te we bidiba pedalumainu yaibao. Tama augwali mu noma mu saibao. Eno te bidi dabego augwalibolo wiegi yai kolesaga mabo bidi dabego homu kolesaga sela sąwaibao. Tama eno augwaligo kolesaga sai bagego kolesaga eno mu silaibao,” wali.

Aisaia 28:19

Te dwai kolesaga dabego dage munu me taga pogobeo. Menio. Te augwali geninama mu dageba tigidali sogo hulide me ulade dageba me pedalidu geaibao,” wali. Ma, dagego Godigo te wiegi yai po page dagego bugagia mu koneyu da, dage noma selama, wi mu yaibao.

Jeremaia 30:14

Te nago polobadu abagi wali bidi hani dabe, augwaligo nage homu kegeda palama, te homu godolo me ebeo. Nago te dwai sę hauwa yali te genuai sęgę elalubao. Tama nage eno dolama, te sesena pai bidigo aga boi bidi dali ebo kolesaga tiwai yali.

Aisaia 10:12

“Te tuni bidigo te po wali. Tiali goli, ena Genuai Bidi eno te po obao. Te Asiria dabe tuni bidigo eno agabolo te bulu du Saion me Jerusalem side yao wali sę ela silibo si da, teda aga tigide eno sę yaibao. Magi baso meni. Agai homugo aga genina mu dao homu elama, tama aga nogi ugwaba mu sabo.

Esekiel 33:21

Te da kalabuside bidibadi kibu be namba 12 wabode, tama te dei namba 4, te namba 10 poluade, te sogo pio te eno Genuai Bidigo bomo ena tigiba asobo gagama yali. Tama te sogo kigamu Genuai Bidigo eno pedauwali ma usu ilama, tama eno po ma wabo usu ilali. Tama elama, tama bidi me deli aselama, tama enabolo te po wali, “Jerusalem polo dolalio,” te po wali. Te boi bidi dabego te Jerusalem hanu dolobo sulama, tama te bidi aga ena bidibo madi asali.

Te We Bidi Dabego Jerusalem Hagede Gela Wali 3:33

Tama agai augwali dene me sęgę mabode agai wiegi yai homu me ebo menio.

Godigo Nogi Ugwaba Sabo Tęąbi Po Wabo Buku Dabe 94:16

Niwai bidigo ena tau selama, tama te dwai sę ebo bidi aiyaba elaluaibawe? Niwai bidigo ena tau selama, te dwai sę ebo bidi sela sąwaibawe?

Aisaia 65:7

Te eno duga yali sęgo sęgę dali, te duga bulai wąį nǫų dabego yali sęgę dali tolomainu yaibao. Te duga bulai wąį nǫų dabe te lotu wabo pesage te bulu du bageba holama, tama augwa te wiegi yai hano denami ilibo ofa eyu, tama augwa te haniani dwai kolesaga ena gedude yali. Tama eno augwa yali dwai sę tigidali usu nama, dolo mu te wei ponaibao,” wali.

Josua 10:11

Tama te Amor dabe te Israel ami bidi dabede wi pabo sę elayu, tama augwali te Bethoron te bulu baguba me te Aseka teba wi aiyaba palio. Tialima, Genuai Bidigo te moni kedau ilibo talua ge kulubage te masigi tiwai tulumainu ilama, tama te Amor dabe ela muna silai. Te masigi du tiwai talua ge tulubagego ela muani bidi dabego nambago te Israel bidi dabego ela muani bidi te namba aiyaba elaluai dao.

Aisaia 29:23

Te dagego eno sę dabe dagego tomode te sę ebo subo si da, teda dagego ena mu koneaibao. Ena te Dwagi Yai Doloba Pai Sę Ebo God dao homu koneaibao. Tama dagego eno nogi ugwaba selama, tama dage wi eyu, ena dologode naga bidaibao.

Aisaia 64:2

Augwali te siade ulalubo sene sospende tomode te posolo ąį punuguna tagalobo tiwai yaibao. Nage te naga genuai bomo dali asobaso, te boi bidi dabego nago nogi konemainao, te nage augwaliba pedalubo sogo te tigidali tǫ kantri we bidi dabe wi elama, noma saibao.

Habakuk 1:5

Tialima, Genuai Bidigo aga we bidibolo e tama po pusa mani. “Dagego meba gasa kantri we bidi bugagia suao, tama dage noma dwai mu saibao. Magi baso meni. Tamadi tama eno augwali tomode gasagi yai nai me pedelemainu elama, tama dagego te sę yali po odobode da, teda dagego homugo te mu dao homu me egobeo.