Aisaia 28:10 - Godigo dwagi yai po buku

¹⁰ Tigidali sogo agai dedeli po naga wabo, te bidigo wai bǫų dabe te leta dabe dolo nogi eyu emainu, me po dage deli me hani deli deli dolo nogimainu ola mabo ąǫ ebo,” augwaligo te tobage po enade wabo dao.

Aisaia 28:10 Referans Kwoze

Aisaia 28:13

Tama tibaso, Genuai Bidi aga digi augwali deli deli leta dabe dolo nogi ebo, me deli deli po nogi ebo, me deli deli lain nogi ebo me, te tiwai Genuai Bidi aga digi augwali ola mawaibao. Te dwasianu wai dabe ola mabo tiwai aga digi yaibao. Tama augwali homu kone tua pelama, dene mu saibao. Tama te boi bidi dabego augwali nogo bono dunama, augwali kalabus elama, odasa paibao.

Polgo Si Wali Pas Timotiba Asęani - 2TI 3:7

Te we dabe augwaligo sesemane sogo augwaligo te ola mabo po odobo sę ebadi, tiali goli augwaligo te Godigo mu po page koneainu ebo usu egobeo.

Jeremaia 11:7

“Te eno duga wąį nǫų dabe te Isipde selama, odasa asali sogo, eno augwaliba bomai po mayu, te tiwai po wali, te eno po augwaligo wali pao wali. Te sesemane sogo eno te tobage deli po naga dagego hani dabeba udali, te megi e sogoba usu nagasobao.

Hibru 5:12

Te dage Godigo po ola mabo bidi bidabo sogo usu yali homu yai. Tiali goli menio. Dagego homu kolesaga habuge elalubaso, tama eno homu bidi me deligo te Godigo hasia polalubo po page deli deli te dagebolo ma ola momainogo yao. Dage te wai bǫų tiwai dao, dagego te dili yai nai me sela tugobeo. Te dagego te ame pę naga tubo usu dao. Dage tama bidibo te dwai dao, usu egobeo.

Aisaia 5:4

Eno koneani. Eno dwagi yai sę yali, te gide dwagi yai wain du walaiba weyu, tiali goli magi baso mu te wain du dwasianu mu walama, tama pedauwalide ha yaliwe? Te gi tonalubo sę me deli te eno bugagia dolo ebewe?

Filipai 3:1

Eno ama dede, eno po silainogo e po obao, eno homugo te dage te dago Genuai Bidi dali wadolobaso, te dage dwagi yai homu pemene yao. Te eno dagebolo polobadu pusali po, te po megi ma asębo eno hagelabo menio. Te po dagebolo ma asębogo dage tau siyu, tama gasa bidigo ola mabo pogo dage dologobeo.