Aisaia 27:9 - Godigo dwagi yai po buku

⁹ Tiali goli, tebogo agai te Israel dabe augwa digi yali te sęgę mu tama sia sąwainu da. Teda augwaligo te tibo godigo alta dabe sese toga sąyao. Tama te alta masigi dabe te olo hogomu gagalao. Tama me, augwaligo te tibo god we Asera piksa elalubo ni pos gelama tagaliyu, me augwali te dwagi yai hano denami ebo pauda ulubo alta doliyu emainao.

Aisaia 27:9 Referans Kwoze

Polgo Po Pas Rom Dabeba Asęani 11:27

Tama te sogo eno te po dąų augwali dali waibao, Te po e dao, Te eno augwaligo dwai sę ebo tigidali sela sąwaibao.”

Aisaia 48:10

Eno dage wiegi yai pedalumainu homu yali, tialima eno dage te siaba me ulusiąma, te bidi dabego silvade ebo tiwai eyu, te aga meda yali sela sąwainu ebo tiwai ebeo. Menio. Eno dageba te haniani sęgę pedalumainu ilali, te dagego dwai kolesaga ebo tagalomainu yai dao.

Daniel 11:35

Te boi bidi dabego te polalubo bidi meba dolaibao,” wali, “tiali goli, augwaligo te sęgęgo te gasa polalubo bidi meba dąų waliyu, te doloba pai kolesaga emainu yali, tama te augwali God gedude magi meda isąwai mu pedelaibao. Te tobage kolesaga te me siligobeo. Te tama elalua pidubadi, te Godigo te tigidali nai sia sabo bodolu muani siba usu naibao,” wali.

Aisaia 17:8

Tama augwaligo te alta augwa digi nigali teba lotu weyu, me augwaligo we piksa tibo god Aseraba lotu weyu, me egobeo. Me, augwaligo te wiegi yai denami ebo pauda altade lotu po me wagobeo. Te augwaligo augwa digi augwa nogogo nigai naiba lotu wabo sia saibao.

Hibru 12:6

Magi baso meni, te eno bidi me deli godolo ebaso da, teda agai kolesaga te eno dodolaibao. Tama eno bidi me deli selama tama eno wai da wabo nogi eyu da, teda eno te aga dodolobo dao, te bidigo aga ene sigi te siade ulama tama nogogo dodolobo tiwai ebogia yaibao,” te po wai.

1 Korin 11:32

Tiali goli, Genuai Bidigo dago ebo kolesaga osola sulama, tama dabolo dene osogo mobaso da, tede te da aga wai bǫų tiwai dodolobao. Agai tama tebo te da tǫde bidi dabe augwali dali nosali mu hagaidali weyu tebo dao.

Sekaraia 13:2

Te Tigidali Bomo Elalubo Genuai Bidigo geninama ma weyu, te po wali, “Te sogo eno te eno we bidi hanigo tǫde tibo god dabe sela sąwaibao, tama te bidi dabego augwali homu kone mu ma palogobeo. Tama eno te tibo profet dabe me sela sąwaibao. Tama eno te we bidi dabego dwai homu kolesaga elalubo sela sąnama, tama augwaligo te tibo god dabe godolo homu munu ma egobeo.

Hosea 14:8

Tama te sogo te Israel dabego te tibo godiba lotu munu me wagobeo. Te enaduba deligo naga augwaligo gedu haluasa po wabo odaibao. Te eno augwali bugagia tonalu, tama augwali te ena dologode bidiyu, te bidi te genuai ni wuli dologo tiwąi madi te giliga nanu posolo ebaso bidibo tiwai yaibao. Ena digi ena te tigidali wiegi yai nai augwaligo sabo page bidi dao,” God Genuai Bidigo te po wai.

Esekiel 20:38

Tama eno te hagoma ebo bidi dabe me, te dwai sęgę elalubo bidi dabe me sela sąnama, te augwali dage tomode munu ma bidimainu me egobeo. Te eno dage Israel tigidali te kalabus bidali bulude selama, dage te po tų ebo madi odasa asaibao, tiali goli te hagoma eyu dwai sę ebo bidi dabe, augwali Israelgo te tǫba me pogobeo. Eno te tiwai ebaso, te dagego bugagia koneama, ena digi ena Genuai Bidi da waibao,” wali.

Esekiel 11:18

Te dage ma asobo sogo, teda dagego te tibo god tigidali sela sąbadi, te tǫde elaluali dwai kugumini yai gasa nai tigidali sela sąyagameo.

Aisaia 4:4

Genuai Bidigo bomai homu kolesaga mu yali, te Jerusalem bulu dolama, tama nosali ma te Jerusalem bulu ma usu ma ilama, wiegi yai bulu ma ilainu. Te aga genuai bomogo agai te Jerusalem bulu wę tedalama, tama tigidali meda elalubo sela sąwaibao, te hanude daganaluali meda dabe. Agai te we dabego yali dwai kolesaga dabe sese sela sąwaibao. Me te bidi dabego gasa bidi dabe dolainu yali dwai kolesaga dabe me sela sąwaibao, te Jerusalem wiegi yai pedalobo si da.

Aisaia 1:29

“Magi baso meni, dagego genuai ni silide te tibo god dabeba lotu olama, tama tede dwagi yai homu eyu bidai dao. Tama me te gi elama, tama lotu wabo digi dao olama, hage yai dao. Tiali goli, dage te yali kolesaga dabede hobede elama, tama hale genuai mu yaibao.

Bugagia Bidibo Kolesagade Po Asęai Buku 20:30

Te nago te dwai sę ebo bidi aga te homu begelimainu te keloago aga elibaso da, teda te tebogo agai te dwai kolesaga ebo tudiba munama, tama aga wiegi yai bidi pedelaibao.

Godigo Nogi Ugwaba Sabo Tęąbi Po Wabo Buku Dabe 119:71

Te wiegi yai mu da, te nago dene mabo sę enabolo yali. Te tiali sęgo nago bomo yai po wali pomainogo ena bugagia ola mawai dao.

Godigo Nogi Ugwaba Sabo Tęąbi Po Wabo Buku Dabe 119:67

Nago dene me enaba wasiąbadi digi, te eno nago sunumi wali asobeo. Tiali goli, megi da, eno nago po wali pabo dao.

Tuni Bidi Dabego Po Elalubo Buku Si 36:19

Tama te Babilon ami bidi dabego Genuai Bidigo be sia uluyu, me kingo be me sia uluyu, me Jerusalemde genuai genuai be dabe sese tama isi ulali. Tama augwaligo te taunde tigidali wiegi wiegi yai nai dabe sese tama dolama tagaliyu, me te taungo obo aluama tagaliyu yali.

Tuni Bidi Dabego Po Elalubo Buku Si 34:4

Tama aga sę bidi dabe dali biligi pelama, tama agai augwaligo te tibo god Balgo alta dabe doligi pabo suali. Tama me te wiegi yai denami hano holobo pauda ulubo alta me dolali, te Balgo alta ugwadu daide dolalubadi dolali. Augwaligo tibo god we Aserago piksa noma pisilama tagalali, me te meba tibo god dabego piksa noma pisilama tagalali, tama augwaligo te piksa dabe halua mia sąnama, keli gagabode mu tagalali. Tama augwaligo te pauda selama, tama augwaligo te tibo godiba lotu wali we bidigo gų pageba gegele biligi pali.

Tuni Bidi Dabego Po Elalubo Buku Si 14:5

Te Juda bulude tigidali taun dabede agai tigidali tibo godiba lotu wabo pesage sese sela sąnama, tama agai te wiegi yai denami hano holobo ofa ulabo te alta dabe me sese tama dolama tagalali. Agai te kantri bugagia tonalubadi te boi me pedalobeo

Te Israel me Juda Hani Sigo Tuni Bidigo Po Elalubo Buku Si 25:9

Tama agai te Genuai Bidigo tempel be me, tama me te Juda hanigo king bidigo be me, tama me te Jerusalemde bidibo genuai bidi dabego be dabe tigidali sia tulama, tama siago dela pela silali. Te Babilon hani augwaligo mu te be me tulube.

Ma Dobola Sali 34:13

Menio. Dagego augwaligo te lotu wabo nai dabe dolao. Te alta dabe, me te pos masigi dabe te pepedelama, tama augwaligo tibo god we Asera piksa te ni dagede elalubo, te togolama sąyao.”

Pris Sę Ebo Bomai Po 26:30

“Te eno dwai haliga dageba elama, te dagego tibo god dabego lotu be te bulu dude sę yani te eno dolaibao, te wiegi yai denami ebo hano holobo ofa ebo alta eno alueibao. Te eno dage ela munama, te eno dolali te tibo god piksa daiba sąwaibao.

Bomai Po 12:3

Augwaligo te lotu wabo alta me, te masigi pos dabe me dolama, tagalao. Tama dagego te we god Asera augwaligo nigo nigali te piksa me tama sigi hwą selama, te tibo godigo piksa dabe togolama, tagalao, te augwaligo nigali te tibo god piksa. Tama tiyu da, augwali teba pelama, lotu po ma wagi pidali weyu,” wali.

Te Israel me Juda Hani Sigo Tuni Bidigo Po Elalubo Buku Si 10:26

Tama augwali te lotu po wabo be tomoba pelama, tama augwaligo te bidi dabego lotu po wabo te noma ni dabe sali, tama augwaligo te ni dabe selasa buluba pelama, tama augwaligo te bulude te noma ni dabe isiba ulali.

Esekiel 6:4

Te boi bidi dabe augwaligo te kibu dabe ofa ebo alta tigidali, me te wiegi yai denami ilibo ofa ebo alta me tigidali dolaibao. Tama augwaligo te Israel we bidi hauwa ela munama, te augwali tigi dabe te augwa te tibo god dabego piksa noma elalubo pąba sąsąwaibao. Tama te augwali dili dabe augwa te alta tǫde pąde wilalua paibao,” te po wai dao.

Te Israel me Juda Hani Sigo Tuni Bidigo Po Elalubo Buku Si 23:14

Tama te king Josaia agai te masigigo te pos nigali me, me te nigo pos nigilama te te tibo god we Asera noma piksa nigilama daganani pos ni dabe togolama, sąyani. Tama agai te isai bidi dili dabe selama, tama lotu po wabo pesagede subigila sąsą pali.

Aisaia 30:22

Tama da, dagego duga tibo godigo piksa dabe saibao. Te da te bidi dabego nigilama, silva dali, gol dali sigo haluai piksa. Tama dagego te piksa dabe te dwai damua pai nai tonobo tiwai tonama, e tama po waibao, “Gedao. Dago nage subo hagela ebo.”

Aisaia 40:2

Te wiegi yai po te Jerusalem we bidi dabeba mao,” wali. “Augwaliba te tiwai po wao, te augwali kalabus bidali sogo te silalio. Ena Genuai Bidi, eno te augwaliba te augwa yali dwai sęde wei ponoma, te dwai dene mawai dao. Awe, eno augwaligo yali dwai sę dolo usu nama, tama te tiwai si naga te dene mawai dao. Tama tialima, megi da, eno augwaligo dwai sęgę tigidali sela sąwai dao.”

Maika 5:11

“Te eno dagego taun dabe dali, te taun bagulali masigi obo dabe tigidali dolama, tama dage tede geme duala sainu ebo usu me egobeo,” wai dao.