Aisaia 27:4 - Godigo dwagi yai po buku

⁴ Megi da, eno te wain gi hagede wado po me wabeo. Ma, eno te gide te sesane yai nosai me gasa dwai nosai dabe tede holobaso da, teda eno augwali doliyu yaibao. Teda eno isi tulama, augwali sese ula silaibao.

Aisaia 27:4 Referans Kwoze

Hibru 6:8

Tiali goli, agai te haniani sesani yai bono naga walobaso da, teda te tǫ te olo dwai tǫ dao. Te pąde Godigo gedude dolaibao. Nosali da siago aga daibao.

Aisaia 10:17

Genuai Bidi aga te Tigidali Wiegi Yai Doloba Pai Kolesaga Naga Ebo God dao. Tama aga te Israel dabego ula dao. Tiali goli, Asiria dabe dali da, aga te isi gagalama, augwaligo bulu isi ulaibao. Te deli bubagade naga agai te tigidali dwai nosai dabe isi ulaibao.

Matyu 3:12

Te nai dagalobo bidi tiwai agai aga savol te aga nogode tolalubao, tama agai te tubo nai wit ge dagalobo sę emainogo ebao. Tama agai te wit hogomu te tigidali sela sąwaibao. Tama agai te wiegi yai wit ge naga aga wit ge muabo beba sisinaibao. Tiali goli agai te dwai wit hogomu te isisąbo siaba ulaibao,” Jongo te po wai.

Godigo Nogi Ugwaba Sabo Tęąbi Po Wabo Buku Dabe 85:3

Polobadu nago daba wado yali, tiali goli, megi nago wado po ma wabeo. Mu tama, nago daba haliga sębę yali, tiali goli megi da, menio wali.

2 Samuel 23:6

Tiali goli, te dwai bidi dabe augwali te sesani yai bono elalubo tiwai yali, te bidi dabego sela sąwaibao. Te bidi mego te tobage sesane yai bono te nogode tolalubaso, te usu me egobeo.

2 Pita 2:9

Tama te polobadu yali sę pode dago koneai, Godigo te we bidigo ebo dwai sę wei ponobo konealigo da, teda e me dago koneani, te God wali pabo we bidi augwalibolo te usu sabo sę pedalobaso da, teda Genuai Bidigo augwali te sęde ma dobola sainogo koneama tama tiaibao. Tama agai te dwai bidi dabego ebo kolesaga me koneyu, tama te dwai dene wei augwaliba ponobo, te me agai konebao. Tama koneyu, agai te po tų yabo sogo tonalubadi augwali dene mabo dao.

Malakai 4:3

Eno te sę dabe ebo sogo te dwai sę ebo bidi dabe dagego aiyaba elalueibao, tama augwali te tǫ hogomu agabo tiwai yaibao,” wai dao.

Esekiel 16:63

Tama eno nago te yali dwai kolesaga dabe sela sąnama, tama tede homu kone ma palogobeo. Tiali digi, te nago te nago yali dwai kolesagade ma kone paliyu, hale dwai mu ebaso, te nago po me deli wagobeo. Ena God Genuai Bidi, eno te po wai dao.”

Aisaia 12:1

Tama te sogo dage Israel dabego te balia po waibao. “Genuai Bidi, eno nago nogi ugwabo sobao. Nago ena dali sębę yali, tiali goli nago sębę silalio, tama nago ena wiegi yai sę ilalio. Tama megi da, eno homu bugagia bidibao.

Aisaia 9:18

Te we bidi augwa haniani dwai kolesagago augwa ma dolali. Te dwai nosaide isi dola selama, te genuai nide dela selama, moni busi dabo tiwai yali. Tama genuai hano ugwaba holali.

Godigo Nogi Ugwaba Sabo Tęąbi Po Wabo Buku Dabe 103:9

Agai da dali odolali olo wado po me wabo menio. Tama agai sębę ebo hauwa sogo elalubo menio.

Aisaia 33:12

Tama dage te augwaligo kambang isi ulai hogomu tiwai, me augwaligo sesane bono isi ulama, keli hogomu ebo tiwai yaibao.

2 Samuel 23:7

Te bidi mego te bono sela sąwainu da, agai te ain dage me, te ene sigi me selama, tama te bono dabe elalubo pesagede te deliba sisinama, tama augwali te siaba ulao. Tama augwali tigidali te sia saibao.” Te da te Devitgo po silagasu pusali po dao.

Jeremaia 29:11

Ena Genuai Bidigo, eno te dageba tau sabo sę te homude konea pali. Eno dageba wiegi yai bugagia ilaibao. Eno dageba dwai sę ebo hagela homu ebao. Dagego te eno yabo sę homu koneama, tama dagego te sę pedelabo tonaluao.