Aisaia 27:13 - Godigo dwagi yai po buku

¹³ Tama te sogo te bu wabo nai biugel bu genuaimu waibao. Teda te Israel dabe i weyu, te boi bidi dabegoaugwali te bulu Asiriaba sela sąyu, me te bulu Isipba selasąyu yali bage dabe. Tama augwali Jerusalem buluba maaselama, tama augwaligo Godiba ma lotu po waibao, teaga tedali gasagi yai bulu dude.

Aisaia 27:13 Referans Kwoze

Matyu 24:31

Tama aga mobo bidi ensel dabe tagala palama, augwaligo te bu wabo nai biugel bomonama mu bu ola asaibao, tama augwaligo aga te sa muani we bidi dabe sisinaibao. Te augwali te tǫ bogo me si me si yali badu te we bidi sesa asiyu, tama te dagalu sesege badu mu usu nigi paibao, te we bidi sigi paibao,” Jisasgo te po wai.

Pris Sę Ebo Bomai Po 25:9

Te kibu be 49 wabo side, te 7 polua dei 10 wabo sogo, dagego bidi meba tagala palama, te duga tǫ kantri pedaiba te bu wabo nai biugel bu wagi pomainao. Te side te God eno genuai side, eno te We Bidi Augwaligo Sęgę Sela Sąyabo Side mu dao.

Hibru 12:22

Tiali goli dage, dage te tiwai naiba me asobeo. Menio. Dage te Saion bulu duba asai dao, tama te bidibo ula mabo God bidibo moni hanu te dao. Te bulu da te dagalude elalubo Jerusalem hanu dao. Te moni umabo ensel mobo bidi dabe augwali sisinama te wiegi yai homu pemene ebo madi, teba dage asai dao.

Dwagi Yai Gesi Po Lukgo Asęani 4:18

“Genuai Bidigo Mobo Bidi ena dali bidibao. Agai dwagi yai po eno te nai meni yai we bidibolo ola momainu ena sa muai dao. Agai ena tama po pupusu bilimainu tagala palai dao, ‘Dage kalabus yali bage kalabus tagala piąo. Gedu widai bage, dage duga gedugo ma sueibao.’ Kalabus sęgo tabibo bage augwaligo sę togolomainu agai ena tagala palai dao.

Sekaraia 14:16

Te Juda dabe augwaligo te boi bidi aiyaba elalubo si da, teda te boi bidi dabego hani dabe bugai bidalubo bage te Jerusalemba tigidali kibu bede asiduaibao. Tigidali Bomo Elalubo Genuai Bidi te augwaligo king bidibaso, te augwaligo agaba naga lotu waibao, te Juda hani me Israel hani isąwai bage. Tama te augwaligo Osogo Bidabo Tolu Yabe Bede Te Genuai Bodolu Side wali pelama bidaibao.

Kraisgo Geme Dualali Sę Pedelabo Po Jonbolo Ola Mani 10:7

Menio. Tama nosali te nogo a naga olama me badu nogo si wali te ensel mobo bidi me deligo agai te ona tiwai nai elebadi, te sogo te Godigo homude polobadu dualali nosali yabo sę te hania pedalama, tama agai te sę yaibao. Polobadu agai aga sę ebo bidi augwalibolo te aga nosali yabo sę po pusali, tama augwaligo koneani, te sę hania pedalaibao,” te ensel mobo bidigo te po wai.

Kraisgo Geme Dualali Sę Pedelabo Po Jonbolo Ola Mani 9:14

Agai te a olama me badu nogo deli wali te ensel mobo bidi dali te po wali, “Te ensel mobo bidi me si me si olama augwali te genuai pabo ąį nogi Yufretisde kalabus elalubo da wali, tama nago augwali olo tagala palao,” te po wai.

Kraisgo Geme Dualali Sę Pedelabo Po Jonbolo Ola Mani 8:6

Tama te sogo te ensel mobo bidi a naga olama me badu si augwaligo te ona tiwai nai a naga olama me badu nogo si tolaluali, augwaligo te ona tiwai nai elainogo sisi elaluai.

Kraisgo Geme Dualali Sę Pedelabo Po Jonbolo Ola Mani 8:2

Tama te dwasianu sagia sai elalu bidali sogo silama, tama nosali eno te God gesabidide dolalubo ensel mobo bidi a naga olama me badu nogo si eno suali, tama augwaligo te ona tiwai nai a naga olama me badu nogo si selama tolaluai.

1 Tesalonaika 4:16

Te menio. E tiwai pedalaibao. Te Godigo bomo elama po weyu, tama polalubo genuai ensel mobo bidigo i weyu, tama Godigo moni bu wabo nai biugel po weyu, tama tebo sogo Genuai Bidi Jisas aga digi dagalu tagalama, dulubo gagalaibao. Tama polobadu Jisasde konealubo po dąų olama isali we bidi, augwali polo hasia mu gų pagede hodaloaibao.

Polgo Po Pas Rom Dabeba Asęani 10:18

Tiali goli te Juda dabede, te mu dawe, te augwaligo Kraisde te po odaliwe ma meniwe? Magia. Augwaligo odalio. Te Godigo po bukude elalubo po me deli tiwai dao, te po e dao, “Te augwaligo dogoni te tigidali tǫba pelama sabolali. Tama augwaligo po pelama, te tigidali bulu mu usu egi pai.”

Malakai 1:11

“Te tigidali bulu tǫ kantri we bidi dabego enaba genuai nogi mawaibao. Te tigidali bulude bidi dabego te wiegi yai denami ofa hano iliyu, te tobage wiegi yai ofa dabe enaba mawaibao. Te tigidali we bidigo ena nogi ugwaba saibao.

Hosea 11:11

Te augwaligo Isip tagalama, tama te polo asesa asu, te ba bola asobo tiwai yaibao. Awe, augwali me Asiria tagalama, te ba hi dabe tiwai bola asaibao. Tama eno augwali te augwa page buluba ma odasa asaibao. Ena Genuai Bidi, eno te po wai dao,” wali.

Hosea 9:3

Tama dage Israel te Genuai Bidigo mani tǫde me bidigobeo. Tama dage te Isipba kalabus ma igi peyu, te Asiria bulu tǫba me kalabus igi paibao. Tama te bulude te Godigo dageba te habu selali nai dabe tueibao.

Hosea 8:13

“Augwaligo te ofa hauwa eyu, te ofa ebo mi tubo dao. Tialima ena, Genuai Bidi, eno augwaliba te wiegi yai homu pemene me ebeo. Tibaso, megi da, eno augwa yali dwai sęde homu kone palama, te dene mawaibao,” wali. “Te eno augwali Isipba ma kalabus igi pomainu tagala palaibao,” wai.

Jeremaia 44:28

Dage bidi deli deli naga te hwįbode me dologobeo, te augwa Isip tagalama, te Juda tǫba ma paibao. Te sogo dage Isipba bidagasali dwasianu Juda hani dabe, te dagego te dego pogo bomo mu elalubo koneaibao, eno pogo, ma dagego po, te sogo koneaibao.’ God Genuai Bidigo te po wai,” wali.

Jeremaia 43:7

tama augwa tigidali te Isipba odasa pali. Te tama tiali kolesagade augwaligo te Genuai Bidigo po sela sąwai. Tialima, augwali pelama, te taun Tapanesba sabolali, te tǫ kantri Isip dao.

Aisaia 66:18

Genuai Bidigo te po wai, “Eno te we bidi dabe homu kolesaga sulama, tama eno konebao, te megi da, eno te tigidali we bidi dali sisinibo sogo dao, te mena po haniani wabo bage me sisinaibao. Te augwali sisinagasobo sogode, teda augwaligo te eno genuai ula me bomo sueibao.

Aisaia 56:8

“Ena God, Genuai Bidi, eno te Israel we bidi ma sisinibao, te boi bidi dabego sela pelama, kalabus igi pai, eno te tiwai po obao. Te eno gasa we bidi dabe me selama, te eno sisinani hani we bidi dali bidimainogo odasa asaibao,” te po wai dao.

Aisaia 25:6

Te bulu du Saionde, Tigidali Bomo Elalubo Genuai Bidigo geninama nai mu sisi yaibao. Te wiegi wiegi yai hasa dabe me, tuabo wain ąį dabe me elaluaibao. Tama tigidali bulu we bidi dabe te nai tuboba sisinagasaibao.

Aisaia 19:21

Tama Genuai Bidigo te Isip dabego aga deli naga te Genuai Bidi dao olama, konemainu tagalaibao. Tama agai tama tibo sogo da, te Isip dabego bugagia mu koneama, agaba lotu po weyu, agaba ofa nai dabe sela peyu yaibao. Tama augwaligo agaba bomo yai pogo dąų olama, tama augwaligo yaibao wali sę dolo tama augwaligo yaibao.

Aisaia 18:3

Dage te tigidali tǫde bidibo we bidi, dagego odao. Te dagego bulu dude magi me dodolai yaibaso da, dagego bugagia suiąo. Tama bu wabo nai biugel po wai da wabo si da, dagego olo saganama, bugagia odiąo.

Aisaia 11:12

Te Genuai Bidigo dąį me deli dodolaibao te tigidali tǫ pedai kantri we bidigo sumainogo. Tama agai te Israel me Juda we bidi dabe ma sisinaibao, te boi bidi dabe kalabus elama odasa pali we bidi dabe. Megi augwali tigidali tǫde bida bida pabo. Tiali goli, Genuai Bidigo augwali ma odasa asaibao.

Aisaia 2:11

Te Genuai Bidi sabalobo sogode da, agai te dene mabo kolesaga elama, augwa nogi ugwa sabo bidi dabe aiyaba elaluaibao. Tama augwali hale mu yaibao. Tama te sogo Genuai Bidi deli naga genuai nogi saibao.

Aisaia 2:3

Te tigidali bulu badu we bidi hanigo te po waibao, “Asiąo. Da bulu du Saionba pinao, Genuai Bidigo bulu duba. Te Israel dabego Godigo beba pinao. Te agai dabolo dago emaina homu ebo te kolesaga ola momainu. Tama da aga digi sa muani sunumidu pogo o.” Augwaligo te tama po waibao. Magi baso meni, Genuai Bidigo bomai po te bulu du Saionde gagalasa, tama tigidali buluba paibao. Awe, Jerusalem te Genuai Bidi agai bulu elaluama, tama agai po we bidibolo ola mabo digi elaluaibao.

Godigo Nogi Ugwaba Sabo Tęąbi Po Wabo Buku Dabe 89:15

Te we bidi dabego nageba balia weyu, lotu po weyu yali, tama nago te olo tau mabo wiegi yai kolesagade biliyu, te augwa te ulade bilibo tiwai ebao, te augwa wiegi yai pemene emainao.

Godigo Nogi Ugwaba Sabo Tęąbi Po Wabo Buku Dabe 81:3

Te biugel bu wabo te genuai side te gesi polua nanama, tama te polua genuai pedalubo sogode, te biugel bu waiyąo.

Godigo Nogi Ugwaba Sabo Tęąbi Po Wabo Buku Dabe 47:5

God te dagaluba pali. Te Genuai Bidi ugwaba holali sogo, te we bidi dabe wiegi yai homu pemene elama, tama bomonama i weyu, tama biugel bu weyu dali yai.

Te Israel me Juda Hani Sigo Tuni Bidigo Po Elalubo Buku Si 17:6

Tama te Israel hanigo king bidi Hosia te Israel hani dabe dali king bidi nigilama bidibadi, te agai kibu be te 9 kibu be silama, tama te sogo te Asiria king bidigo te boi hwįnama, te Samaria hani me aiyaba elaluama, tama te taun sali. Tama agai te Israel hani te Asiria buluba selasa pai, tama te me badu bidi dabe te agai te Hala taun bulude bidao wali, tama te me badu bidi dabe agai te Habor wę pąde te distrik Gosan bulude bidao wali, tama me badu bidi dabe te Midia taun bulu tǫde bidao wali.

Aisaia 2:2

Te me sogo nosali, te Genuai Bidigo be dolalubo te bulu du, te genuai ugwanu ma dolaluyu, tama gasa bulu du dabe aiyaba elaluai elaluaibao. Tama tigidali we bidi hani teba sisinagasaibao.

Aisaia 19:22

Te mu tama, Genuai Bidigo Isip dabe dene mawaibao. Tiali goli, agai te ebo kolesagago da, teda augwaligo dwai kolesaga ebo dodolaibao. Tama augwali homu begelama, tama augwali agaba ma paibao. Tama agai augwaligo gedu haluasa po wabo odama, tama augwali bugagia tau saibao.

Aisaia 49:7

Genuai Bidi, aga te Israelgo Wiegi Yai Doloba Pai Kolesaga Tigidali Mu Ebo God dao, aga te Israel tudibadu posolalu, tau sabo bidi elalubao, agai te po aga sę bidiba wali. Aga da te gasa we bidigo godolo homu isiąbo bidi, te gasa bulu tǫ kantri we bidigo te aga dwai nai mu tiwai tonani, te aga te genuai bidi dabego olo sę ebo bidi tiwai bidali. Genuai Bidigo te tiwai po wali, “Te king dabego nage sulama, te augwali dolagaselama, te genuai bidi dabe augwa gesabidi te tǫba basigulama, te nageba genuai nogi mayu tiaibao. Augwaligo tama tebo, magi baso meni, ena Genuai Bidi, te Israelgo God, ena te Wiegi Yai Doloba Pai Kolesaga Mu Ebo God da, nage sa muani, te eno sę emainu yali, te eno dąų wali po te eno me bologobeo,” wali.

Aisaia 66:23

Te genuai si tigidalide, te gesi poluade nanobo side, me tigidali Sabat side, te tigidali tǫ habu we bidi te asiyu, te ena geduba kidu sugunama, enaba lotu waibao, Genuai Bidi dao.

Esekiel 20:34

Megi dage te tǫ kantri hauwade te kalabus bidada pobao, tialima eno dage te bulu dabede bidali ma oda selama, te deliba sisinaibao. Te eno haliga sębę ebo bomo dali, te eno dageba dene mabo kolesaga dali dageba pedalubo koneagameo.

Esekiel 20:41

“Te dage bidali tǫ kantri dabede eno dage selama, tama dage ena te bulu duba odasa asobo sogo da, teda eno bugai haliga pemene dageba eyu, te eno wiegi yai ofa ebo denami ebaso pemene homu ebo tiwai yaibao. Te gasa hani bagego eno te tama sę dageba ebo sulama, te tiwai augwaligo koneyu, eno kolesaga te dolo mu ebao po waibao.

Esekiel 39:25

“Ena God Genuai Bidi, eno te po obao, eno te Israel dabe dene polo mawai dao. Tama tialima, eno megi augwali ma homu dene ma yaibao. Tama bidi mego eno genuai nogi aiyaba elalubo usu me egobeo.

Daniel 11:45

“Tama agai te aga genuai ugwa be sę yaibao, te genuai tamu ąį Mediterenian edaba togoliyu, te Godigo polalubo bulu du ugwaba togoliyu elama, tomode agai te genuai wiegi yai name ugwa be dabe sę yaibao. Tiali goli, te aga dolama, tama te mena bidi me deligo aga tau me sogobeo,” te bidi te da tǫde bidi tiwaigo te po wai.

Sekaraia 8:7

Te boi bidi dabego eno we bidi dabe augwali selama, te giliga pedalubo badu me te giliga dega sigulubo badu te tǫ kantri dabeba bidigi palali. Tama eno te we bidi dabe ma sigi pelama, te augwali ma odasa aselama, te augwali Jerusalemba ma bidagasaibao. Te augwali eno we bidi dabe bidalu, te ena augwaligo God bidaibao. Te augwali eno doloba pai kolesagago sesemane sogo tonalueibao,” wali.

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Aisaia 43:6

Eno te bidi dabe te not badu, me saut badu bidibo bidi dabebolo olama, te dage ma asomainu ilao waibao. Te eno we bidi dabe te digibulu mu, te tǫ sesege badu bidali me, te augwali eno ma odasa asaibao.

Jeremaia 31:6

Te sogo te Efraim hanigo bulu dude bidibo tonalubo bidi dabego, augwa te tama i waibao, ‘Tegoba, da te Saion bulu duba pinao. Da Genuai Bidiba pobao, dena God dao.’”

Maika 7:14

Genuai Bidi, naga digi te naga dąų olama, sa muani we bidi dabe te naga tonalubo bidi bidao. Augwali te moni genuai dulu te wiegi yai tǫ elalubo bulu du dabe bagede bidibao, tama te gi bulabo wiegi yai tǫ me aiyadu elalubao. Tialima, nago augwaliba te wiegi yai tǫ elalubo madiba te gi bulugi pomainu yao, te Basan me Gileatde, te polobadu yali tiwai yao.