Aisaia 26:7 - Godigo dwagi yai po buku

⁷ Te sunumi te doloba pai we bidi dabe bilalubo sunumi da dolo naga te elalubao. Genuai Bidi, nage doloba pai God dao. Tama nago augwali bilibo sunumi dodolobo dao.

Aisaia 26:7 Referans Kwoze

Efesus 2:10

Tama God aga digi agai da gesi noma ma nigilai. Agai da Krais Jisas dali wadolama, tama da tǫde bidibo sogo tigidali dago we bidi tau sabo sę naga ela bilimainogo eyu, agai da gesi noma ma nigilai. Tama dago te we bidi tau sabo sę yabo te sę agai polobadu sisi yai.

1 Jon 3:7

Dage eno dwasianu wai dabe, dage dua dao. Dage bidi me deligo tibo po ola maidali weyu bugagia suao. Dwagi yai doloba pai kolesaga ebo bidi, te doloba pai bidi dao, te Krais aga dwagi yai doloba pai bidi tiwai dao.

2 Korin 1:12

Dago wiegi yai homu pemene ebo sę e kolesaga delide ebo dao: dago homugo hanilama po pusuyu da, te magi dwai sę isąbo te wiegi yai kolesaga me tama te Godigo da mabo te meda isąwai homu kolesagade bilibo po pusubao. Te e tǫde bidigo koneani kolesaga te dago wali pabeo. Menio. Te Godigo olo mayu tau sabo wiegi yai kolesagago naga da tau selama, tama da te tiwai kolesagade bilibao. Tama da te kolesagade te tigidali bidi tomode bilibo dao. Tama dageba dago te kolesaga me mu ela pidu geai dao.

Aisaia 42:16

Te eno ena we bidi dabe te polobadu augwali bilisąwai sunumidu odasa asaibao. Megi augwali gedu halua sai hulide bidibao, tialima te be hulia sai elalubo te eno sela sąnama, te augwaliba ula mawaibao. Tama eno te dwai pesage elaluali te dodolama, te dolo yai pesage ilama, te augwali bilabo madi tiaibao. Eno te sę dabe te mu pedalumainu yaibao, te eno te sę yaibao wali po tiwai gilama yaibao. Te eno magi nai me delide homu kone ebo me kegeda palogobeo.

1 Jon 3:10

Edao. Te Godigo wai dabe dali, te Satango wai dabe dali, augwali dagalama hania koneabo tų e dao: dwagi yai doloba pai kolesaga wali pisąbo bidi, aga te Godigo wai menio. Tama aga ama dali dwagi yai homu eyu godolo isąbo bidi, te bidi me aga te Godigo wai menio.

Bugagia Bidibo Kolesagade Po Asęai Buku 20:7

Te doloba pai bidigo te dwai sę me deli isiąyu, bididu dao. Tama tibaso, aga wai dabe nosali bugagia bidaibao.

Godigo Nogi Ugwaba Sabo Tęąbi Po Wabo Buku Dabe 11:7

Genuai Bidi aga dwagi yai dolo mu dao. Tama agai te dwagi yai kolesaga ebo we bidi godolo mu ebo dao. Bidi augwaligo agai po wali pabo bidigo aga gesabidi sueibao.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Aisaia 35:8

Tama genuai sunumi me deli te badu elalueibao. Te genuai sunumi nogi e tiwai waibao, “Godigo Tedali Gasagi Yai Genuai Sunumi Digi Dao,” wai. Te God gedude wiegi yai isąwani bidi dabe, augwali te sunumide me biligobeo. Mu menio. Te Godigo we bidi dabego sunumi naga elalueibao. Te homu kolesaga meni yai bidi dabe, te augwali te pąba me pogobeo.

Godigo Nogi Ugwaba Sabo Tęąbi Po Wabo Buku Dabe 1:6

Magi baso meni, Godigo te doloba pai bidi dabe bugagia tonalubo dao, tialima dwai kolesaga ebo bidi dabe, augwali dwai dene ebo bulude bidada peyu, bidada pabo elalubo.

Jopgo Po Asęani Elalubo Buku 31:6

Ma, Godigo eno kolesaga dabe dolo dagala suyu da, teda agai bugagia mu koneaiba, eno magi sę me yai sugobeo.

Tuni Bidi Dabego Po Elalubo Buku Deli 29:17

“Eno God, nago tigidali bidigo haliga usu sabo da, tama nago te bugai haliga te doloba pai kolesaga ebo bidigo ebo sueibao. Eno te homu kone palama, tama me eno nago genuai nogiba homu kone elama, tama eno haliga hogodalu, eno te nai dabe nagebolo mawai. Te tobage deli kolesagade naga, nago te we bidi dabego te augwa nai dabe manio. Te eno augwaligo tama tebo sę ebo sulama, eno wiegi yai homu pemene umagi mu ebao.

Sefanaia 3:5

Tiali goli, Genuai Bidi Jerusalemde me bididuali. Agai doloba pai kolesaga naga ebo dao. Te agai dolo isąwai kolesaga da agai me ebo menio. Mu menio. Te tigidali sogo bubugade agai te we bidi dabe dali doloba pai po tų naga ebo dao. Agai te sę tagalobo menio. Tiali goli, te taunde bidibo dwai bidi dabego te dolo meni yai kolesaga naga ebo dao. Tama augwali tede hale dwasianu me ebeo. Mu menio.

Godigo Nogi Ugwaba Sabo Tęąbi Po Wabo Buku Dabe 11:4

Genuai Bidi God aga dwagi yai bede bidibo. Tama aga dagalude genuai tuni bidi bidiyu, tama agai gedugo tigidali bidi subo dao. Tama augwaligo tigidali sę ebo agai osola subo dao.

Godigo Nogi Ugwaba Sabo Tęąbi Po Wabo Buku Dabe 25:4

God, nago te naga kolesaga enaba ola menama, tama nago sunumi enaba ola mao.

Godigo Nogi Ugwaba Sabo Tęąbi Po Wabo Buku Dabe 25:5

Te nago po mu eno wali pomainu ola mao, magi baso meni, nage te eno God dao, tama nago ena ma sabo dao. Te tigidali sogo nago ena tau somainu tonalubo dao.

Godigo Nogi Ugwaba Sabo Tęąbi Po Wabo Buku Dabe 27:11

Genuai Bidi, te nago enabolo te nago homugo emainu ebo sę ola mao. Nago ena te wiegi yai sunumiba odasa pao. Magi baso meni, eno boi bidi te hauwa elalubao.

Bugagia Bidibo Kolesagade Po Asęai Buku 4:18

Te dwai sę ebo bidi dabego wali pabo sunumi te be hulia siyu, mu hulia sai dąų mu wabo tiwai ebao. Augwali te tula muyu, tama te magi naigo te augwali sągąde dolali te augwa me konegobeo. Tiali goli, te doloba pai bidi dabego sunumi da, te giliga kigamu nanobo tiwai elama, tama te giliga nanobo sę bomonama pedelama, te giliga tomo yagasoboba usu nubo dao.

Aisaia 52:12

Tiali goli, dage asesa polo me te Babilon tagalama, me wi polo soyu, te dagego polobadu te Isipde yali tiwai me egobeo. Menio. Te dage dua digi asaibao. Te God, duga Israel dabego Genuai Bidi, te dage pabodu polasa paibao, te aga dage nosali badu me asaibao, te agai dage tonalua asiyu, odasa asaibao.

Aisaia 57:2

Te doloba pai kolesagade bilali bidi dabe, te augwa isibo sogo, te augwa gų pagede pila muyu, te toma nabo wiegi yai sogo sai, magi baso meni, te dwai sę ebo sogo augwaliba pedelabo usu egobeo.

Jeremaia 10:23

Genuai Bidi, eno koneani, te bidi dago dena bilibo tonalubo usu isąyu, te dena godolo homu ebo sunumi dabe wali painu ebaso, usu egobe dao.

Hosea 14:9

Te wiegi yai homu kolesaga elalubo bidi dabe, augwaligo te e bukude elalubo po konea sao. Tama eno homugo te augwaligo homu kone palama, tama te po wali pomainao. Te Genuai Bidigo kolesaga te dolo naga elalubao, tama te doloba pai bidi dabego te kolesaga wali peyu bidaibao. Tiali goli, te dwai sę ebo bidi dabe, te augwaligo Genuai Bidigo kolesaga wali pogobeo. Tama tiyu, augwali tulalubo dao.

Godigo Nogi Ugwaba Sabo Tęąbi Po Wabo Buku Dabe 5:9

Te eno boi bidi dabego te mu po dwasianu me wagobeo. Augwaligo te gasa bidi dolabo homu naga ebao. Te augwaligo pedauwali te gų page tǫ dedage dalalubo tiwai elalubao. Augwaligo te homu bega sabo po hauwade te bidi dabe dwai madiba kekebo dao.

Bugagia Bidibo Kolesagade Po Asęai Buku 3:6

Te tigidali sę nago ebo, nago bomai homu Genuai Bidiba elama, tama nago te sę yao, tama agai nagebolo te wali pabo doloba pai sunumi ola mawaibao.

Bugagia Bidibo Kolesagade Po Asęai Buku 11:5

Te doloba pai kolesagago te doloba pai bidi dabe augwa tau siyu, tama te doloba pai sunumi wali pabo usu yaibao. Tiali goli, te dwai kolesagago te dwai bidi dabe augwa digi tula mumainu ilibo dao.

Bugagia Bidibo Kolesagade Po Asęai Buku 21:8

Te dwai sę ebo bidigo te tibo kolesaga yali. Tiali goli, te magi dwai sę me isąwani bidi dabe, augwaligo te doloba pai kolesaga yaibao.

Aisaia 30:18

Tiali goli, Genuai Bidi da, tigidali sogo doloba pai kolesaga naga ebo God dao. Tama tibaso, agai dage homu dene elama, agai hobede ebo dage ola mawainu te tonalubao. Te we bidi dabego Genuai Bidiba homu kolesaga dąų olama, tama agai augwali tau somainao olama, tonaluali we bidi dabe da, augwali wiegi yai homu pemene mu yaibao.