Aisaia 26:11 - Godigo dwagi yai po buku

¹¹ O Genuai Bidi, nago nogo polo balalubao, te dwai we bidi dene mawainogo. Tiali goli, augwaligo subeo. Genuai Bidi, te nago naga we bidi godolo mu elama, tau sabo kolesaga te augwaligo sumainao. Tama te dwai bidi dabe augwali hale dwai mu yaibao. Tama nago naga boi bidi dabe ulabo isi, te isigo augwali mu ula silaganio.

Aisaia 26:11 Referans Kwoze

Hibru 10:27

Menio. Te da wi mu elama, tama te po tų yabo bodolu naga tonaluaibao. Tama te sia te posolo yai mu elalubao tama te siago te God dali boi bidi ebo bidi tigidali ulaibao, te me tonaluyu bidaibao.

Maika 5:9

Te tiwai naga dage Israel dabego te dagego boi bidi tigidali aiyaba elaluama, te augwali mu silaibao. Tama augwali posoyu, dagego duga wele si ugwaba saibao.

Aisaia 5:24

Tama tibaso, dage te ni sasia pabo tiwai elama, tama te ni pedali mobia pelama, tama te ni yabe dabe tau elama, tegalubo tiwai yaibao. Te dwai sę dage tigiba polo tama pedalaibao, te isigo nosai delama, silibo tiwai tama yaibao. Magi baso meni. Dagego te Genuai Bidi Tigidali Bomo Elalubo Bidigo bomai po sela sąbaso, dagego Israel dabego God tudi ola mabo. Aga te Dwagi Yai Doloba Pai Kolesaga Naga Ebo God dao.

Kraisgo Geme Dualali Sę Pedelabo Po Jonbolo Ola Mani 19:20

Tiali goli agai te dwai hudigi ebo hasa dali, te ili po wabo po ola mabo bidi dali, augwali si kalabus ilai. Te tibo po wabo sę ebo bidi agai te bidigo isiąwai bomo yai sę hauwa te hudigi ebo hasago gedude te sę yai, tama agai te tebo kolesagade te bidi tibo po ola mayu, augwali te hudigi ebo hasago dąį augwa tigide selama, te hudigi ebo hasa nomade lotu po omainogo yai. Te hudigi ebo hasa dali te tibo po ola mabo bidi augwali si te bidibadi, tama augwaligo te bidi si te genuai bagua si dedage pageba aiyaba mu sąwai dao. Tama te dedagede te posolo yai sia dabo masigi salfa elalubao.

Kraisgo Geme Dualali Sę Pedelabo Po Jonbolo Ola Mani 3:9

Suao. Nago te Satango bidi hani augwali koneai, tama augwaligo te po wabo, ‘Da te Juda bagego hani dao.’ Tiali goli menio. Augwali te tigide naga te Juda bage da wabo dao, tama augwaligo ebo kolesagade te Juda bage mu menio. Tialima te bidi dabe augwali eno selama, tama augwali te nago sągą pageba kidu sugunagasiyu, eno nage godolo mu ebo homu yali te augwaligo mu koneaibao.

1 Pita 3:16

Tialima, te po page agabolo ola mobadi dagego wado po wagio. Te meni. Dage te nagamea pai homu kolesaga elama, tama aga dologode bidiyu, te konealubo po page agabolo ola mao. Tama timainogo dage te doloba pai kolesaga naga yao. Tama dagego tama tiyu da, te bidi meba augwaligo dage dali nogi posobo po weyu, tama dage Krais aga hani we bidigo ebo dwagi yai sęde augwaligo ‘Te dwai sę dao’ po wabo bage, nosali augwaligo koneaibao, te pode augwaligo mu geda muani. Tama te koneama tama augwali ge neyu hale mu yaibao.

2 Tesalonaika 1:8

Tama tiwai aselama, tama te sogo God konebo hagela yali we bidi dali, Genuai Bidi Jisasgo po wali pisąwani bidi dali augwalibolo agai dene mawaibao.

Godigo Sęba Tagala Palai Bidigo Po 28:27

Te magi baso menio. Te po page da, te we bidigo homugo eno po odogobeo. Tama augwaligo olo dega salio. Tama te ebogo, eno po odabo ąǫ ebe dao. Augwaligo gedu me halua sali dao. Te tibogo, eno ebo sę suabo ąǫ ebe dao. Augwaligo te sę egi menigi sogo da, teda enaba augwaligo dwagi yai kolesaga sigi dao, tama augwaligo ologo eno wali po me odigi dao. Me augwaligo eno yali sę me bugagia sugi dao. Tama tigi sogo da, augwali homu digi begelama, tama eno ma augwali dodoligi dao,’ Godigo Aisaiabolo tama po wai,” Pol agai te tama po pusa mani.

Matyu 25:41

“Tama tuni bidi agai te pobase nogo badu bidibo we bidi augwalibolo e tobage po waibao, ‘Dage haga yabo bidi dabe dao. Dage enade geda selama, tama dage te munu me sula sisąbo siaba pao, te sia te Ayago sisi ilali elalubo, te dwai sę yali tobolu bidi Satan aga wali bilibo mobo ensel bidi dabe augwali dali mumainogo yai.

Malakai 4:1

Te Tigidali Bomo Elalubo Genuai Bidigo te po wai, “Bugagia odiąo,” wali. “Me sogo bodolu si pedaliyu, siago te hagoma ebo we bidi tigidali me dwai sę ebo we bidi ulaibao, siago te wa pai kala dabo tiwai yaibao. Te side te siago augwali dolama, tama augwali tigidali mu silaibao,” po wai dao.

Jeremaia 44:28

Dage bidi deli deli naga te hwįbode me dologobeo, te augwa Isip tagalama, te Juda tǫba ma paibao. Te sogo dage Isipba bidagasali dwasianu Juda hani dabe, te dagego te dego pogo bomo mu elalubo koneaibao, eno pogo, ma dagego po, te sogo koneaibao.’ God Genuai Bidigo te po wai,” wali.

Jeremaia 5:3

Genuai Bidi, nago godolo ebo homugo te tigidali bidigo te dolo yai kolesaga mu wali pomai homu ebao. Nago te we bidi dabe elebadi goli, tialima augwali te dene ebo gę nabeo. Nago augwali elaluali, tiali goli te augwali nago dodolomainu me ebeo. Augwa tobolu te masigi dila pai mu tiwai elalu, te augwa haliga begelibo hagela mu yali.

Aisaia 60:14

Te polobadu nageba dwai sę eyu, te nage godolo homu isąwani hani dabe, te augwa tobolu basiasa nageba asaibao. Te augwa kidu sugunugulama, te nago sągą pąde augwa tobolu basigulama, te nageba genuai nogi mawaibao. Te augwa nage nogi te tiwai weyu, ‘Genuai Bidigo Taun da,’ te ‘Saion da,’ waibao, ‘te Israel Godigo Taun, aga te Wiegi Yai Doloba Pai Kolesaga Ebo God mu dao.’”

Aisaia 44:18

“Mu tamao, te tobage we bidi dabe te homu kolesaga mu umuna selama, te augwa homu kolesaga mu meni yai. Te magi nai me deligo augwa gedu paliama, te augwa tonono bilibo usu isąbo tiwai ebo dao. Te magi nai me deligo augwa homu kone tuą palobaso, tama augwa te homu kone tuą pabo kolesaga ebo dao.

Aisaia 44:9

“Te tibo god piksa noma nigibo bidi dabe, augwa digi te dwai mu ilibao. Te sawi wiegi yai piksa augwa wiegi yai pemene ebo, augwali te olo nai tiwai ebao. Te tibo godiba lotu wabo bidi dabe, tiwai bidibao. Tiali goli, te augwali hale mu yaibao, magi baso meni, augwaligo te tibo godigo magi sę me deli ebo me sugobeo. Augwali te homu kolesaga mu umuna sai bidi tiwai dao.

Aisaia 18:3

Dage te tigidali tǫde bidibo we bidi, dagego odao. Te dagego bulu dude magi me dodolai yaibaso da, dagego bugagia suiąo. Tama bu wabo nai biugel po wai da wabo si da, dagego olo saganama, bugagia odiąo.

Aisaia 11:13

Te bulu Israelgo te bulu Juda dali dwai homu me egobeo. Tama Juda dabego Israel dabe dali boi bidi homu me egobeo. Menio.

Godigo Nogi Ugwaba Sabo Tęąbi Po Wabo Buku Dabe 86:17

Genuai Bidi, eno homugo te nago ena wei ebo da homu ebo te nago enabolo ola mao. Tama te boi bidi dabego suyu, te nago ena tau siyu, te dąų walobo te augwa konemainu yao. Tama augwa ebo kolesagade te augwa hale mu somainu yao.

Godigo Nogi Ugwaba Sabo Tęąbi Po Wabo Buku Dabe 21:8

Te kingo aga boi bidi tigidali nogogo touwaibao. Tama aga digi te aga wei homu isiąbo bidi dabe te kalabus yaibao.

Godigo Nogi Ugwaba Sabo Tęąbi Po Wabo Buku Dabe 10:12

Genuai Bidi, holaluao, nago aga elao. O God, nago te sęgę tolobo bidi dabede homu kone ebo me tagalugio.

Jopgo Po Asęani Elalubo Buku 34:27

agai augwali tigide dene ilibo dao. Magi baso meni. Augwaligo aga tudi ola mobaso. Tama me augwaligo God agai wei ebo kolesaga wali pisąma ebaso tebo dao.

1 Samuel 6:9

Tama dagego te karis mena tama pabowe suainu, te bugagia tonaluiąo. Te aga te taun hanu Betsemes tǫ te halobage asali bulu tǫ badu wali pobaso da, teda dagego bugagia koneiąo, te Israel dabego Godigo te dwai sę daba tagala palali da waibao. Tiali goli, karis te tiwai elama pisąbaso da, teda dagego koneama, Godigo te genuai sęgę daba tagala palobeo. Menio. Te sęgę olo naga pedelali wabo dao,” augwaligo te po wai.

Ma Dobola Sali 9:14

Tama nago te we bidi tagala palisiąbaso da, megi eno nagebolo dali, te nago sę ebo tobolu bidi dabe me, te nago we bidi dali, dageba te dene ilibo sę dabe mu mawaibao. Tama dagego te tigidali tǫ habu badu te bidi me deli, me te tibo god te ena tiwai me bidibo meni, te megi dagego mu bugagia konea saibao. Ena te God mu dao.

Dwagi Yai Gesi Po Lukgo Asęani 16:23

Aga noma te dene ebo buluba bidigi pali. Tede dene dwasianu meni, moni dene mu eyu bidali. Tama te tiwai bidu, aga gedu ugwaba tonama, Abraham digibulu bidibo suali, te nai meni yai bidi Lasarus aga bogo badu bidibo me suali.

Godigo Nogi Ugwaba Sabo Tęąbi Po Wabo Buku Dabe 78:63

Te gesi ogwa bidi dabe te genuai boi hwįani madi isali, tama te gesi ogwa we wegi dabe te augwali sabo bidi dabe meni yai dao.

Aisaia 1:31

Te kala sasia pai da, te isi deli sogo tama dela pabo dao. Tama te tiwai sę te doado bage hauwa elalubo bomai bidi dabede yaibao. Augwa digi dwai kolesaga ebogo augwali deli sogo tama dolaibao, sia saibao. Tama te sogo augwali tau sabo bidi meni yaibao.” Genuai Bidigo te po wali.

Aisaia 9:7

Te tuni bidi te tuni bidi Devit hasegelama, bidaibao. Tama aga te Devitgo tuni bidi siade dualaluyu, te we bidi dabe tonaluaibao. Te agai gavmanigo bomo tigidali sogo genuai holudaibao. Tama hwįbo me menia pelama, bugagia tigidali sogo bidaibao. Magi baso meni. Te tuni bidi aga te tigidali sogo dwagi yai doloba pai kolesaga naga ebo dao. Tama agai te kolesagago aga te bomai tuni bidi bidaibao, te megi me, tigidali sogo nosali me. Genuai Bidi Tigidali Bomo Elalubo Bidigo homugo bomo mu elama, we bidi dabe dali wiegi yai sę yabo homu ebao. Tama tibaso, agai te sę dabe me elama, pedalaibao.

Aisaia 9:18

Te we bidi augwa haniani dwai kolesagago augwa ma dolali. Te dwai nosaide isi dola selama, te genuai nide dela selama, moni busi dabo tiwai yali. Tama genuai hano ugwaba holali.

Aisaia 9:19

Genuai Bidi Tigidali Bomo Elalubo Bidigo sębę genuai mu elama, tama agai tǫde we bidi tigidali dene mani. Tama augwali silali, te isigo mone busi delama, tigidali nai dabe dela silibo tiwai yali. Te deli deli we bidigo homu kolesagago da, gasa we bidi aiyaba elaluabo homu elalubo.

Aisaia 10:17

Genuai Bidi aga te Tigidali Wiegi Yai Doloba Pai Kolesaga Naga Ebo God dao. Tama aga te Israel dabego ula dao. Tiali goli, Asiria dabe dali da, aga te isi gagalama, augwaligo bulu isi ulaibao. Te deli bubagade naga agai te tigidali dwai nosai dabe isi ulaibao.

Aisaia 37:32

Te boi bidi dabego te Jerusalem we bidi tigidali me dologobeo. Menio. Te augwali dwasianu hani me bididuaibao. Te Tigidali Bomo Elalubo Genuai Bidi, agai bomai homu kolesagade te sę dabe pedalumainu yaibao.”

Aisaia 42:13

Genuai Bidi te bomai ami bidi tiwai elalu, te megi agai hwįgi painu paibao. Agai te po dagą genuai olama, i weyu, te ami dabego ebo kolesaga tiwai te aga haliga sębę hodolama, te hwįabo sisi elalubo tiwai yaibao. Te agai aga boi bidi dabe dali hwįnama, te augwali aiyaba mu elaluaibao.

Aisaia 59:17

Agai te doloba pai kolesaga te kapa holobo ugwa mubo tiwai eyu, te aga hagawiade mesega sabo tiwai yali. Te aga te we bidi ma sabo bomo te hwįbo madi kapa tiwai muani. Te aga ugwa gudubo tiwai bomonama dąų ola selama, te dwai sę ebo bidi dabeba dene mawainu tiaibao. Te aga haliga sębę ebo te bobobage ugwa aiyaba tagalalubo tiwai yaibao.

Aisaia 63:15

Genuai Bidi, nage te naga bulu pesage dagalude bidibao, te tedali gasagi yai mu dao, te bulu pesagede te nago genuai ula me bomo pągąnalubao. Tiali goli, te nago aiyaba tonoyu, te da suao. Magi baso nage hogodama, te nago genuai bomo daba waselisąma ebawe? Nago homu dene eyu, olo tau sabo wiegi yai kolesaga te dabolo me ola mabeo. Te nago da godolo homu me isiąyu ebo da, agawe?

Aisaia 66:15

Te dagego Genuai Bidi te sia dali asobo sueibao, te aga karisde dugulama, bomonama, umagia mu udayu, te bomai wali asobo tiwai yaibao. Te aga haliga sębę ebo siago te aga boi bidi dabe ulama, te augwali mu silaibao.

Aisaia 66:24

Te augwa eno be tagalobo sogo, te augwa hagoma elama, eno po sela sąwani hani dabe tigi, te tǫde pila muna muna pabo sueibao. Te dwasianu sawi dabego augwa tigi dabe tuyu, te bidada paibao. Te isigo augwa tigi deyu, te me siligobeo. Te tigidali we bidigo te bidi hani dabego tigi sueibao, te damua pai dwai nai mu tiwai yaibao,” God Genuai Bidigo te po wai dao.

Maika 7:16

“Te gasa hani bage augwaligo te bomo elalubao, tialima te augwaligo eno bomo sulama, te augwali dwai noma saibao. Te augwali wi elama, te augwa nogogo pedauwali pania siyu, me olo si pania saibao,” wali.

Godigo Nogi Ugwaba Sabo Tęąbi Po Wabo Buku Dabe 28:5

Augwaligo te Genuai Bidigo genuai sę te homu konesiąyu, tama agai ebo sę dabede homu konebeo. Tama augwaligo tama tialigo da, teda agai augwaliba te dene mayu, tama augwali tigidali silimainu yaibao.

Aisaia 10:16

Megi da, Genuai Bidi Tigidali Bomo Elalubo Bidigo te Asiria dabebolo genuai gasi me deli augwalibolo menama, tama augwali bomo sia somainu yaibao. Tama me ma, bidigo magi nai dolainu sia nogebo tiwai eyu, agai te Asiria bagego bomo me, genuai nogi dali, mu dolaibao.

Aisaia 66:5

“Dage te wi elama, te Genuai Bidi, eno po dologoba asobo hani dabe, dagego te megi eno dageba pusainu ebo po odao. Dage ena wali asobo bomo yai, tama te duga deli hani dabego te dage godolu mu me isąma, te augwaligo dage tudiba muai. Te augwaligo dageba posobo po weyu, dageba te tiwai po wali, ‘Te Genuai Bidi aga genuai bomo dali asomainu eyu, te dage pemene ilimainao, te tebo dago sueibao.’ Tialima, eno te po obao, te dagego augwali dwai hale mu sabo sueibao, te po wali.

Maika 7:10

Polobadu te boi bidi dabego dabolo te tiwai posobo po wali, “God, duga Genuai Bidi, menade bidibawe?” wali. Tiali goli, nosali te Genuai Bidigo da tau sabo augwa sulama, te augwali hale dwai mu saibao. Te Genuai Bidigo augwali aiyaba elaluama, te augwaligo te tǫ pu aiyana pai, te bidi dabego sągągo agabo tiwai ebo sueibao.