Aisaia 26:10 - Godigo dwagi yai po buku

¹⁰ Tiali goli, nago dwai we bidi hobede igi sogo da, teda augwaligo te nago doloba pai kolesaga konea sigi menio. Augwali doloba pai we bidigo te tǫde bidibo me tagala, augwaligo te dwai kolesaga me ebo sę yaibao. Tama augwaligo nago genuai nogi koneyu, me augwaligo nago bomo me koneyu, me augwali nage dologode me elalugi menio.

Aisaia 26:10 Referans Kwoze

Hosea 11:7

Sesemane sogo augwaligo bomonama, ena tudiba muani, tialima eno augwaliba te mawainu ebo dwai dene te augwali me geda mugobeo. Te genuai sęgę augwalide elalubaso, te augwali dwai gela waibao. Tama te mena bidi me deligo te sęgę me sela sąwainu ebaso, usu me egobeo,” wai dao.

Kraisgo Geme Dualali Sę Pedelabo Po Jonbolo Ola Mani 2:21

Eno homugo aga homu begelemainogo, tama eno aga osogo sula tagaliyu bidimainogo yai. Tiali goli menio. Aga te homu begelebo te homu esiąyu, te penani ebo kolesaga tagalama tudiba muabo te homu menio.

Maika 2:10

Dage hogodasa pao. Te toma nabo pesage menio,” wali. “Dagego te dwai kolesaga eyu, te eno gedude dage dwai mu pedalubaso, tialima eno te dage dwai ilama, mu dolaibao,” wai.

Jeremaia 2:7

Eno te bulai wąį dabe odasa asiyu, te olo tǫ bulu tagalama, tama eno augwali te wiegi yai ili elalubo tǫba odasa asai. Tama megi dage te tǫde bidibao, te dage Israel te wiegi yai nai sela tuyu, te wiegi yai nai elalubo digi bidibao. Tiali goli, dage eno te tǫde bidibadi, dagego te dwai kugumini yai kolesaga ebao, te eno dageba mani tǫ te eno gedude dwai nai mu pedalubao,” wali.

Kolesaga Koneai Bidigo Pusali Po Elalubo Buku 3:16

Eno te tǫde gasa kolesaga me elalubo suali. Te wiegi yai doloba pai kolesaga wali pabo sę elalubo bidi dabe, augwaligo te kolesaga wali ma pabo meni. Menio. Augwaligo dwai kolesaga mu wali pabo dao.

Bugagia Bidibo Kolesagade Po Asęai Buku 1:32

Magi baso meni. Te wiegi yai homu kolesaga meni yani we bidi dabe augwaligo te ena tudiba munama, tama augwa te kolesagago digi te augwa ela munama, augwa isaibao. Te bidi dabego homugo augwaligo te tigidali nai koneani homu yali, augwali te wabo pabo bidi dabe tiwai ebao. Augwa te homu kolesagade te augwa digi augwa dolobo dao.

Godigo Nogi Ugwaba Sabo Tęąbi Po Wabo Buku Dabe 106:43

Te hauwa sogo mu Genuai Bidigo te aga hani bage tau sali, tiali goli, augwa digi te augwa homu wali ma peyu, tama augwa hagoma elama, tama agai po sela sąyu, tama augwa te dwai sę ebo kolesaga tomoba mu palio.

Bomai Po 32:15

“Te Genuai Bidigo we bidi augwaligo nai dabe hauwa mu sali. Tiali goli, augwaligo aga dali dwai hagoma sę yali. Augwali nai hauwa sogo mu tulama, tama augwali genuai bidi dabe mu nisali. Godigo augwali nigilali, tama aga bomogo augwali ma oda sali. Tiali goli, augwaligo aga tudiba togolali, tama aga tagalali.

Ma Dobola Sali 9:34

Tama tuni bidigo suali, te dagalu be kulu wasiąyu, tama te talua ge tulubage me, te olo tulubage me, te me te silali, tama te tuni bidi aga dali, te gavman sę ebo bidi dali, augwaligo kolesaga hasegelisiąma, tama augwa homu dąų olama, tama augwaligo dwai sę God dali ma yai.

Ma Dobola Sali 8:15

Tama tuni bidi te gedeli dabe isali sulama, tama agai koneani, te dwai sogo silali. Tama tibaso, agai kolesaga ma doyu, gagea pai, te Genuai Bidigo agade po wali tiwai gilama tiwai, tama agai Moses de Aron sigo po odobeo.

Hosea 13:6

Tialima, nosali dage te wiegi yai tǫba sabalubo sogo, te dage nai pągąna pelama, te dage tigidali nai usu yali. Dagego te nai sela selama da, tama dagego te homu yali, te duga bomogo digi dagego te nai sali homu yai. Tama tiyu, dagego ena homu kone gegeda palubao,” wai.

Hosea 9:3

Tama dage Israel te Genuai Bidigo mani tǫde me bidigobeo. Tama dage te Isipba kalabus ma igi peyu, te Asiria bulu tǫba me kalabus igi paibao. Tama te bulude te Godigo dageba te habu selali nai dabe tueibao.

Jeremaia 31:23

Israel hanigo God, aga Tigidali Bomo Elalubo Genuai Bidi, agai te tiwai po wali, “Nosali eno te kantri Juda bugagia elalumainogo yaibao, te Juda dabe augwatǫ te augwa taunde bidaibao. Te augwa te po waibao, ‘Nage Genuai Bidigo bulu du, Genuai Bidi nagede bidiyu, te wiegi yai doloba pai kolesaga mu ebao. Genuai Bidigo nageba wiegi yai sę bugagia mu emainao,’ te po waibao.

Aisaia 27:13

Tama te sogo te bu wabo nai biugel bu genuaimu waibao. Teda te Israel dabe i weyu, te boi bidi dabegoaugwali te bulu Asiriaba sela sąyu, me te bulu Isipba selasąyu yali bage dabe. Tama augwali Jerusalem buluba maaselama, tama augwaligo Godiba ma lotu po waibao, teaga tedali gasagi yai bulu dude.

Aisaia 24:5

Te tǫ te we bidigo dwai meda yai kolesagago meda ilalio. Augwaligo te Godigo bomai habu selali poba tudi ola menama, tama agai po sela sąnama, tama augwaligo God aga dali dąų walali po toga sąyu yai dao. Teda te aga dali tigidali sogo bidiabo dąų wali po augwaligo sela sąwai dao.

Aisaia 5:12

Te nai daa tuyu, wain wę tuyu, me haniani musik gitago eliyu, genagego eliyu, hąbidigo eliyu ebo, te dagego mu koneani. Tiali goli, Genuai Bidigo yainu ebo, te sę dabe dagego munu me konebeo. Dagego te sę dabe te olo nai dabe da homu ebo dao.

Aisaia 2:10

Te we bidi dabe, dage wi pelama, masigi dudulaweba dabe duala sigi piąo. Dage tǫde dedage nigilama, duala siąo. Tiyu, dage Genuai Bidi aga ula me bomo dali asobaso, dage wi elama, dolabuo, Genuai Bidi asobode.

Godigo Nogi Ugwaba Sabo Tęąbi Po Wabo Buku Dabe 143:10

Nage eno God da, eno homugo te nago ena bugagia ola momainu homu eyu, te eno nago homu wali pabo homu ebao. Eno homugo te nago homu mobo bidigo ena bugagia wiegi yai ilimainu homu elama, tama ena te wiegi yai sunumiba pabo dodolumainu ebo dao.

1 Samuel 15:17

Tialima, Samuelgo Solba te tiwai po wai, “Polobadu naga homugo nage te olo nai tiwai homu yali, tiali goli nage te da Israel hanigo polalubo tobolu bidi pedelali. Genuai Bidigo digi nage sa munama, tama nage te king bidi pedelai dao.

Aisaia 32:6

Te polobo sę ebo bagego te subigila po dabe wabo dao. Tama tigidali sogo augwaligo dwai polobo sę naga ebo dao. Augwaligo Genuai Bidigo godolo yabo sę dabe ebo menio. Tama ili po hauwa Genuai Bidide ela palobo dao. Tama augwaligo te nai meni yai bidi dabebolo nai masiąma eyu, me augwaligo te wę nogone ebo bidi dabe wę mayu ebo menio.

Matyu 4:5

Agai te po obaso, tama Satango aga selasa te moni wiegi yai tedali hanuba pali, tama aga te Moni Lotu Be tempel pedu te ugwaba mu dodolali.

Ma Dobola Sali 9:30

Tiali goli, eno koneani, nage dali, te nago sę bidi dabego te Yawe God dali wi isiąyu, te aga Genuai Bidi da te homu menio,” wali.

Godigo Nogi Ugwaba Sabo Tęąbi Po Wabo Buku Dabe 69:27

Nago te dwai sę ebo bidi dabego dwai sęde te homu kone ebo me gegeda paligio. Tama nago te naga hani tomoba asomainu me igio.

Aisaia 32:7

Tama te dwai bidi dabego te dwai homu kolesaga hauwa augwaligo tobolude pągąna pabo dao. Augwaligo homu kone palama, tama augwaligo haniani ili po wabo homu kolesaga dabe gegelama, tama augwaligo te nai meni yai we bidi dabego po tų ebode dolama, aiyaba elaluabo sunumi dabe gegebo dao.

Te Israel me Juda Hani Sigo Tuni Bidigo Po Elalubo Buku Si 13:6

Tiali goli, augwa te sęgę sabo dwai kolesaga sela sąbe. Te polobadu te king Jeroboamgo hani bidiyu yali gilama, tama te Israel hani augwaligo me augwali wali pabo tagalobeo. Menio. Augwaligo te dwai kolesaga ebo sę me eduali. Tama augwaligo te tibo god te we Asera noma nigilama, te Samaria bulude muani piksa noma, augwaligo munu me sela sąbeo.

Kolesaga Koneai Bidigo Pusali Po Elalubo Buku 8:11

Me sogo te bidi me deligo dwai sę elama, tama augwaligo agade po tų elama, te agaba mabo dene po dodolama elalubao. Tiali goli, augwaligo sesabi elama, te dene agaba mabeo, aga olo bidali. Tama tibaso, te tama tebo sęgo te we bidi dabe augwali homu hodolama, te augwaligo dwai kolesaga ebo bomo elama yaibao.

Aisaia 1:21

Mena tama te pedalaliwe? Hanu Jerusalem, polobadu nago eno po wali dolo pai dao. Tiali goli, megi da, nage penani we gaga wali. Tega! Polobadu nagede bidali bidi dabego te po tų dodolobo kolesaga dolo yai dao. Awe, polobadu nage te dwagi yai doloba pai kolesaga ebo bidi dabego pągąwai dao. Tiali goli, megi da, nage bidi ela mabo bidigo pągąyani.