Aisaia 25:9 - Godigo dwagi yai po buku

⁹ Te sę dabe pedalobo sogo, te we bidi dabego te e tama po waibao, “Mu tama dao, Genuai Bidi dago God dao. Dago homu agade dąų olama, tonaluai dao. Tama agai da ma oda sai dao. Aga deli naga Genuai Bidi dao. Tama agai da tau sai dao. Tama tibaso, da wiegi yai homu penene genina mu inao. Magi baso meni. Agai da polo ma oda sai dao,” te po waibao.

Aisaia 25:9 Referans Kwoze

Godigo Nogi Ugwaba Sabo Tęąbi Po Wabo Buku Dabe 27:14

Te nago konealubo homu dąų olama, tama te Genuai Bidigo nage tau sagasobo tonaluao. Bomo elama dolaluao, nago haliga sęgę me igio. Awe, nago konealubo homu dąų olama, tama te Genuai Bidigo nage tau sabo tonaluao.

Maika 7:7

Tialima, ena da, ena digi dwagi yai homu eyu, eno konealubo homu Genuai Bidiba dąų walio. Te Godigo eno gedu haluasa po wabo odama, tama eno te eno God agai ena tau sagasobo tonalubo dao.

Tigidali Nai Gagalama Nigali Side 49:18

“Yawe, nago ena tau somainu eno nage tonalubo dao.”

Godigo Nogi Ugwaba Sabo Tęąbi Po Wabo Buku Dabe 20:5

Tama nosali nago te hwįani aiyaba elalubaso da, teda dago nago te yalide wiegi yai homu pemene eyu, bomonama i waibao. Tama dago te homu koneama, tama dili buduama, tama dago dobuali balia po weyu, dena Godigo nogi ugwaba saibao. Dago homugo te Genuai Bidigo nago te gedu haluasa po wabo po tigidali odaibao. Te kingo te po wei ponani po wali.

Kraisgo Geme Dualali Sę Pedelabo Po Jonbolo Ola Mani 1:7

Suao, Krais aga te dagalu pǫ me tomodu tiąba asaibao, tama tigidali bidi augwa digi gedugo aga te pǫ tomodu tiąba asobo sueibao. Tama te aga tigide enani bidi dabe augwaligo me sueibao. Tama tigidali tǫde we bidi augwaligo aga asobode homu eyu, tama agai augwalibolo dene wei ponaibao homu elama, tama augwali homu sęgę eyu gela waibao. Awe, te tama tiaibao. Mu tama dao.

Taitus 2:13

Tama dago te ola mani po odolama, tama te tiwai kolesaga eyu bidibadi, tama dwagi yai homu eyu, te wiegi yai sogo asobo dago tonalubo dao. Tama te sogo asobo si, teda dago genuai God te da ma dobola sali bidi Jisas Krais agai bomo yai ula dali, genuai nogi dali, te hania ulaba pedalaibao.

Aisaia 35:2

Te wa pai bulu tǫ tonobo te sawi wiegi yai mu yaibao. Te aga genuai i hai dali weyu, genuai pemene yaibao. Te wiegi yai sawi yai nai hauwa mu pedaliyu, te bulu tonobo wiegi yai sawi me tedali eyu, te Lebanon genuai busi tonobo tiwai eyu, te Saron bulu odogo tonobo tiwai yaibao. Te we bidi dabego bomonama tonoyu, te genuai nogi, me te dago Genuai Bidi Godigo wiegi yai au dali elalueibao.

Kraisgo Geme Dualali Sę Pedelabo Po Jonbolo Ola Mani 22:20

E tigidali sęde po pusali bidi megi agai te po obao, “Mu tama, te ena polo asaibao!” Awe, mu tama dao. Genuai Bidi Jisas, nage asao!

2 Pita 3:12

Tama tibadi, te dagego te God aga sę yabo sogo asobo tonaluyu, tama dagego bodolu pedelaiba weyu, tama sę bomonama selebo sę yao. Tama te sogo te dagalu sia dela silama, tama posolo yai siago mu te dagalude elalubo nai dabe tigidali delama, tama te wę tiwai begelama pedalaibao.

Aisaia 40:9

Jerusalem, nage te genuai bulu duba holama, te bulude po pusao. Saion, nago bomonama, i hai weyu, te bulude po pusao. Nago po hanilama pusao, nage wi me igio. Nago te tiwai po te Juda dabego taunba walao, “Suao, te duga God asobao,” po wao.

Aisaia 35:10

Te Genuai Bidigo ma dobola sali we bidi dabe, te augwali wiegi yai pemene dali te Jerusalemba ma asaibao. Te augwa genuai po dagą weyu, balia weyu, te sunumidu aselawaibao. Te augwa wiegi yai bugagia mu dugulalu, te augwa pemene umabo mu yaibao. Augwa te wiegi yai pemene ebo munu me sia sogobeo. Te dene, me haliga sęgę, te augwalide munu ma me elalugobeo.

Godigo Nogi Ugwaba Sabo Tęąbi Po Wabo Buku Dabe 100:1

Tigidali tǫde we bidi, dagego God dali dwagi yai homu elama, tęąbi wao.

Godigo Nogi Ugwaba Sabo Tęąbi Po Wabo Buku Dabe 9:14

Tama tiyu, eno te nago yali sę po tigidali weyu, tama eno nago nogi ugwaba saibao. Ena te Saion hanu sunumide dolalu, tama te nago ena ma sali po weyu, te wiegi yai homu pemene yaibao.

1 Pita 1:8

Tama dagego duga gedugo aga munu me susiąwai digi, dagego Kraisde dwagi yai homu eyu godolo ebo dao. Dagego megi me aga susiąbadi digi, dagego duga homu tigidali agaba muyu, tama wiegi yai homu mu ebo dao. Tebogo te tigidali gasagi yai dwagi yai homu ebo aiyaba elalubo dao. Tama te dagego wiegi yai homu ebo te genuai mu dao, augwaligo Godigo bidibo digide ebo wiegi yai homu ebo sabi si dao. Tama tialigo da, dagego pedauwaligo tede po wabo usu egobeo.

1 Pita 1:6

Tama agai dage dali te sę ebode dage moni dwagi yai homu mu ebo dao. Godigo te dage usu sabo sę pedalama gogolama, tama dage homu osogo dene ebao. Tiali digi, dage moni dwagi yai homu mu ebo dao.

Dwagi Yai Gesi Po Lukgo Asęani 2:25

Te sogo bidi me nogi Simeon Jerusalemde bidalio. Te aga doloba pai kolesaga eyu, te Godiba lotu wabo bidi bidai dao. Aga te Israel dabe tau sabo bidi asobo tonaludu gesege yai dao. Godigo Tedali Mobo Bidi aga dali bidibaso, tama Godigo Mobo Bidigo agabolo weyu, te aga polo isigobeo po wai dao.

Aisaia 35:4

Te tabi haliga homu kolesaga te bomo isąwai bidi dabebolo te tiwai po wao, “Dage te bomonama dolalu, te wi me elamuo,” wao. “Te dagego God ma asiyu, dage dobola ma selama, te boi bidi dabe dwai dene mu mawaibao,” wali.

Aisaia 8:17

Megi da, eno te Genuai Bidi agai yaibao wali te sę ebo deli naga tonaluaibao. Agai Israel we bidiba polo tudi ola mawai dao. Tama agai augwaliba te begela ma tonogobeo. Tiali goli, eno agai bomo deli naga konealuaibao.

Filipai 3:1

Eno ama dede, eno po silainogo e po obao, eno homugo te dage te dago Genuai Bidi dali wadolobaso, te dage dwagi yai homu pemene yao. Te eno dagebolo polobadu pusali po, te po megi ma asębo eno hagelabo menio. Te po dagebolo ma asębogo dage tau siyu, tama gasa bidigo ola mabo pogo dage dologobeo.

Aisaia 60:16

Te nago wiegi wiegi yai nai te gasa kantride siyu, te king dabego augwa wiegi yai sawi yai nai nageba mawaibao. Tama nago te tiwai koneama, ena naga te Genuai Bidi da waibao. Ena te ena we bidi ma sabo God dao, ena te nage posolalu, tonalu, tau sabo God, ena te Jekopgo hani dabego bomai God dao,” wali.

Aisaia 33:22

Magi baso meni. Genuai Bidi aga digi dago tuni bidi bidama, tama po tų dabe dodolobo sę elama, tama aga digi da bomai po dabe menama, da tonaluaibao. Tama agai da bugagia tonaluyu, tama da dwai dene me sogobeo.

Filipai 3:3

Magi baso meni. Augwali meni, te dago naga te Godigo sa mubo dąį mu sai dao. Augwaligo homu te augwa tigiwali togobaso augwali Godigo gedude doloba pai bidi dao, tede geda muyu augwaligo te homu ebo dao. Tiali goli dago te doloba pai bidi nogi sabo tų koneai. Magi baso meni. Godigo Mobo Bidigo da tau siyu, tama dago Godibolo lotu po wabo dao. Da Krais Jisas dali wadolama bidiyu, tama tede da dwagi yai homu mu pemene ebo dao. Tama bidiyu, dago Godigo sa mubo dąį elalubao. Dago te dena tigiwali togobo sęde te da tau sabo kolesaga dao, te homu mu ebo menio.

Godigo Nogi Ugwaba Sabo Tęąbi Po Wabo Buku Dabe 95:1

Dage asiąo. Dago te Genuai Bidi nogi ugwaba sabo balia po wainao. Dago te bomai Godigo da ma sali, te homu koneama, tama dena balia weyu, tama agaba wiegi yai pemene yao.

Godigo Nogi Ugwaba Sabo Tęąbi Po Wabo Buku Dabe 21:1

Genuai Bidi, nago te kingba bomo mobaso, te agai wiegi yai homu pemene yai. Te nago agai te hwįbode augwali aiyaba elalumainu yali sęde te agai homu pemene wiegi yai mu ebao.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Aisaia 33:2

O Genuai Bidi, dago homu kolesaga nage deliba naga elalubao. Nago da hobede elama, tama tigidali sogo da bugagia tonaluagameo. Tame te sęgę ebo sogo, nago da ma selama, tama dago augwali aiyaba elalumainu ilao.

Aisaia 35:1

Te masigi kemi bulu me, tǫ wa pai bulu dali, te augwali pemene wiegi yai mu yaibao, magi baso meni, te sawi mu yai plaua pedelama, te badu mesegelaibao.

Aisaia 37:20

Te Genuai Bidi, dena God, eno homugo te megi nago da tau somainu homu eyu, tama da te king Senakeripgo nogode ma dobola sao homu yai. Tama te tigidali tǫde we bidi hanigo te tiwai bugagia koneyu, nage naga nage te Genuai Bidi da waibao,” po wai.

Aisaia 41:16

Dagego te sęgę elalusiąyu, te bidigo te bo dabe ugwaba sąnama, te waligo tolasa pabo tiwai yaibao. Tialima, dagego wiegi yai pemene te Genuai Bidi enaba yaibao. Te dagego ena nogi ugwaba saibao, te Israel God da, ena te Wiegi Yai Doloba Pai Kolesaga Ebo God dao,” wali.

Aisaia 49:23

Te king dabego, me kwin dabego, te nago wai dabe negeyu, te augwa aya idago ebo tiwai yaibao. Augwa kidu sugunama, te augwa tobolu te nago sągą page tǫba basigulama, te nageba genuai nogi mayu tiaibao. Nago te tiwai koneyu, ena tama te Genuai Bidi da waibao. Enaba homu kęą pelama, te eno augwali tau somainu tonalubo we bidi, te augwali odolali me tonalugobeo,” God Genuai Bidigo te po wali.

Aisaia 51:3

“Ena Genuai Bidi, eno te Jerusalemde homu dene mu yali, te taun dolai elaluali, te eno agai sęgę tigidali sia somainu yaibao wali. Megi te olo masigi sane pesage elaluai, tiali goli eno te wiegi yai sę hauwa pedalumainu elama, tama te tonobo gasa sawi mu eyu, te eno nigali Iden gi tonobo tiwai yaibao. Te wiegi yai homu genuai pemene ebo pesage pedelama, te sesemane sogo aga we bidigo te enaba usu da wabo balia po waibao.”

Aisaia 52:10

Genuai Bidigo agai bomo hania ola mayu, te tigidali tǫ kantrigo sumainu yaibao. Dago Godigo te aga we bidi dabe ma saibao, tama te tigidali tǫde we bidigo sueibao.

Aisaia 61:10

Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.

Aisaia 64:4

Polobadu te bidi mego te god me deli tobage bomai sę yali po odobeo, te we bidi tau siyu, te konealu tonaluabo sę. Ma, bidigo aga gedugo te god me deligo te tobage bomai sę ebo subeo. Menio. Genuai Bidi, nago naga te tiwai bomai sę ebo dao.

Aisaia 65:18

Dagego te eno megi nigali gesi naiba bugai haliga eyu, wiegi yai pemene sesemane sogo yao. Magi baso meni. Te eno nigainogo ebo gesi Jerusalem te we bidi dabego godolo elama, wiegi yai pemene yabo pesage pedelaibao, te aga we bidi dabe te bugai haliga mu elama bidaibao.

Godigo Nogi Ugwaba Sabo Tęąbi Po Wabo Buku Dabe 33:20

Te da Genuai Bidigo tau sabo te dago tonalubao. Genuai Bidigo naga da tau sabo da. Aga te hwįbo sabele tiwai elama, tama da agade duala sabo dao.

Godigo Nogi Ugwaba Sabo Tęąbi Po Wabo Buku Dabe 33:21

Dago konealubo homu agai wiegi yai nogide dąų obao. Tama tiyu, dago agade wiegi yai homu pemene yao.

Godigo Nogi Ugwaba Sabo Tęąbi Po Wabo Buku Dabe 40:17

Tiali goli, ena te bomo meni yai bidi, tama ena te tigidali doado bage sǫą pai elalubao. Tama nage, Genuai Bidi, nago ena homu koneani. God, nago digi nago ena tau sabo bidi da, tama nago ena ma sabo dao. Nago me tonalugio, nago ena polo tau sao.

Habakuk 3:18

teda te sęgę tigidali pedalali goli, te tagalao, te eno Genuai Bidide wiegi yai homu pemene elama, bugai haliga yaibao. Magi baso meni, Genuai Bidi aga te God da, tama aga da, te ena ma dobola sabo bidi dao.

Sekaraia 10:7

Te Israel we bidi dabe augwali te bomai ami bidi dabe tiwai pedalubaso, te augwali te wain ąį tubo bidi dabego homu pemene ebo tiwai yaibao. Te augwaligo nosali ame nabo wai dabego te wiegi yai sę Genuai Bidigo augwa bulai wąį dabede yali sę homu kone ma palama, te wiegi yai homu pemene mu yaibao,” wali.