Aisaia 25:7 - Godigo dwagi yai po buku

⁷ Megi da, te we bidi hani augwali homu sęgę elama bidibao, te augwali te isibo kolesagade homu dene elama, te bidibao. Tama augwali te sęgęgo te ugwa tiwai augwali mesega sai dao. Tiali goli, te Saion bulu dude da, Genuai Bidigo augwaligo homu sęgę me hobede ebo dabe sese sia sąwaibao.

Aisaia 25:7 Referans Kwoze

Efesus 4:18

Tama tiyu augwaligo homu kolesaga dwai eyu, be hulia sabo tiwai ebo dao, augwaligo ebo homu te kedu meni yai homu kolesaga dao. Tama te Godigo mabo bidada pabo ula augwaligo sogobeo. Magi baso meni. Augwaligo bomo elama konebo hagela homu eyu, tama augwali munu me konesiąyu bidibo dao.

Matyu 27:51

Tama te sogo naga te Moni Lotu Be tempel tomode walaluali genuai bobage dąį ilali nami ugwa te ugwadu gagalasa aiyaba mu pedasa dulama, tama pedai si pedalali. Tama tǫ mali ebadi, tama genuai masigi dabe me pebeda palio.

Efesus 5:8

Te polobadu dage dwai kolesaga ebode biliyu tama dage be hulia side bidibo tiwai yai dao. Tiali goli megi dage te Genuai Bidide wadolama, tama agai dage wiegi yai ulaba munama bidibao. Tama tibaso, dagego wiegi yai kolesaga naga eyu dage te ula yai we bidi tiwai bidiąo.

Godigo Sęba Tagala Palai Bidigo Po 17:30

Tama polobadu te bidi dabe augwaligo te sę ebaso, tama Godigo po me wabe, moni homu me ebe. Magi basowe? Te augwaligo agade kuna konesiąbaso. Tiali goli, megi te sogo God agai bomai po mu tagala palali, tigidali bulude bidibo bidi dabego me odomainu yali. Agai tama wali, ‘Dagego dwai kolesaga ebo tagalama, tama dage ena pageba asao,’ wabo dao.

Hibru 9:24

Dago koneao, Krais aga te Tedali Gasagi Yai Be habu tomoba peyu, aga te bidi dabe augwaligo nogogo sę yai be tomoba pelama, tama te Godigo be mu tiwai elama te piksa tiwai naga ebeo. Menio. Aga te dagaluba digi tomoba dolo mu pai. Tama megi aga te God gedude hania bidibao, tama agai da tau sabo sę megi ebo dao.

Dwagi Yai Gesi Po Lukgo Asęani 2:32

Sole ula deli dao, tego deli te Israel hani isąwai we bidibolo ula ola mawaibao. Tama agai moni nogi te Israel hani we bidi dabebolo mawaibao,” Simeongo Jisasde te po wali.

Hibru 9:8

Te tama tebo kolesagade te Godigo Mobo Bidigo dabolo e tama ola mobao: tama te polalubo ugwa be habude te ebo sę me elalubaso da, teda da te Godigo dagalude elalubo Tedali Gasagi Yai Be Habu Mu, te be habu tomoba pabo tų, te me dabeo.

Sekaraia 8:22

Te genuai bomai tǫ kantri hauwa we bidi dabe te Genuai Bidi Tigidali Bomo Elalubo Bidiba lotu wagasu, te Jerusalemba asaibao, tama agabolo hanalu, te augwaliba me wiegi yai sę bugagia yao po waibao.