Aisaia 25:2 - Godigo dwagi yai po buku

² Nago te genuai hanu dabe te pobele bage pesage holai dao. Tama te bomai obo dabe elaluai hanu dabe sese dola silai dao. Tama te Israel hani isąwai bagego bomai hanu dabe te boi bidi dabego sese mu dola silai dao. Tama augwaligo ma hodolobo usu egobeo.

Aisaia 25:2 Referans Kwoze

Aisaia 17:1

Genuai Bidigo te hanu Damaskus dolaibao po mani. Agai e tama po wali, “Te boi bidi dabego te Damaskus dolaibao, te Siria dabego genuai hanu, tama olo pobele bage pesage naga pesage holaluaibao.

Aisaia 13:22

Tama me, te tuni bidigo bede, me genuai bidi dabego bede dabe te bulu yowi dabe bidagaselama, go weyu yaibao. Mu tama mu, te Babilon dolabo sogo bodolu pąba polo yagasalio.

Aisaia 25:12

Tama agai augwaligo hanu bomai obo dabe hųgia sąwaibao. Megi da, te obo dabe sigide ugwanu mu te elalubao. Tiali goli, agai te obo dabe tǫba mu tulalumainu yaibao.

Kraisgo Geme Dualali Sę Pedelabo Po Jonbolo Ola Mani 18:19

Tama augwaligo te tǫ pobele bage augwa digi augwa toboluba sąyu, tama gela weyu augwali homu sęgę dali bidai dao. Tama augwaligo i weyu, “Hobede ebo, te genuai hanu te hobedagia bidibao! Te tigidali moni geba sip aga aya te tamu ąįde masigi sabo bisnis sę ela biliyu, te augwali te sęde masigi sabo bidi mu pedaliyu, te genuai hanude genuai masigi sabo sę yai dao. Hobede mu ebao! Te megi deli sogo naga mu te genuai hanu aga mu dola silai dao!” te po wai.

Jeremaia 51:26

Te bidigo selama, aga be sę yabo wiegi yai masigi usu, te nago bulu pesagede deli me elalugobeo. Menio. Te nage mu dolama, te nage tama tiwai sesemane me elaludaibao,” wali.

Aisaia 23:13

Te Babilon dabego tǫ suiąo, te bidi dabe me tede bidibeo. Magi baso meni. Te Asiria dabego augwaligo bulu dolai dao. Tama augwaligo bulu te bulu hasa dabego bulu gagalai dao. Te Asiria dabego te augwaligo hanu obo bobegelama, sai ela pai dao. Tama augwali te sai dabede dolaluyu, tama augwali dali hwį yai dao. Tama augwaligo te hanu dabego bomai obo dabe hųgiai dao. Tama te hanu dabe sese tama dolai dao.

Aisaia 21:9

Tama eno te bidi dabe te hosde dulama si si asobo suali.” Tama tonalubo bidigo te po wali, “Babilon polo dolalio, aga polo dolalio. Tama augwaligo tibo god dabego piksa dabe tulaluama, tologa palio,” wali.

Aisaia 14:23

Te eno te Babilon eno te hogomu poabo naigo poabo tiwai yaibao, te tigidali nai dola silibo hogomu poabo nai dao. Tama eno te Babilon sele pu bulu nigilaibao. Tama te dwai ba dabe naga bidagasaibao. Ena Tigidali Bomo Elalubo Genuai Bidi, eno po polo walio,” wali.

Bomai Po 13:16

Tama dagego te we bidi dabe doado bage dabe sese selama, tama hanu tomoba sisinao. Tama dagego te hanu, me te bagego hanude elaluali nai dabe sese tama isi ulao. Te da, te dago Godigo ofa tiwai ulao. Tama te hanu da, te dolai tama elaluaibao. Tama te hanu munu me ma nigigobeo, te habu mu dao.

Aisaia 17:3

Te boi bidi dabego te Israel dabego bomai hanu dabe dolaibao. Tama me ma, augwaligo te Damaskus we bidi tonaluaibao. Megi da, Israel de Siria si genuai nogi elama, genuai we bidi hani hauwa te bidibao. Tiali goli, te bulu si dolama, tama dwasianu we bidi hani naga tede bidaibao. Ena Tigidali Bomo Elalubo Genuai Bidigo eno po polo wai dao,” wali.

Jopgo Po Asęani Elalubo Buku 12:14

“Ma, te Godigo nai me togali da, te bidi me ma wadologobeo. Tama ma, Godigo bidi kalabusiba tagalali da, te bidi mego te kalabuside me sela sągobeo.

Aisaia 23:11

Genuai Bidigo nogo te tamu wę daide balalubao, te tamu wę sesegede elalubo bulu dabe dolainu. Tama tibaso, te bulu we bidi dabe augwali didibili dwai mu ebao. Agai te Fonisia bulude bomai hanu dabe dolainu po polo mawai dao.

Aisaia 26:5

Genuai Bidigo te we bidi genuai nogi yali we bidigo nogi aiyaba elalubo dao. Tama agai te bomai hanu dabe hųgibo dao. Tama augwali tǫba sese tama tulalubo dao, te tǫ hogomude elalubo dao.

Aisaia 27:10

Te hanu da, polobadu bomai obo elaluai dao. Tama megi da, sese mu tama dolama, elalubao. Megi da, olo kala sili bulu te we bidi te bulude me bidisąwai bulu ąǫ ebao. Te bulude we bidi me bidibeo. Tama te kau kibu dabe naga te buluba sisinagaselama, tama me te dwasianu ni yabe dabe tuyu, tede bidibao. Tama augwali tede toma tuyu bidibao.

Aisaia 32:14

Magi baso meni. Te tigidali we bidi dabe augwali te hanu taga pelama, tama augwali te hanude ugwa eda iyu, augwali te hanude sę dabe me egobeo. Te tuni bidigo be, me te ami bagego bomai obo, me te ami bidi dabe bidama boi bidi dabe asobo tonalubo te bobobage sigi be dabe, sese olo elaluama, tama dolaibao. Tama te bulu yowi donki dabe tede biliyu, wiegi yai homu yaibao. Tama me, te sipsip kibu dabe aselama, teba nosai tuagasaibao.

Aisaia 32:19

Te genuai talua ge tulubage tulama, te mone buside moni ni dabe me dolobadi me, tagala. Tama tigidali hanude be dabe tǫde wiala pai goli,

Aisaia 34:13

Te sesane yai bono me nosai dabego te kingo be, me gasa be dabe mesegelaibao. Te bulu uni yowi dabe bidagaselama, te badu i wagasobaso, te uni ba dabe te beba piagasaibao wali.

Aisaia 37:26

“‘Senakerip, nago konebeo, te polobadu digi eno te sę ebode homu kone palama, tama nage te sę emainogo sa muyu dąį ilali. Eno nageba bomo menama, nago te bomai obo elalubo taun dolomainu yai. Te nage peyu, nago te taun dabe alubaso, te augwali degasa pelama, te masigi pesage genuai holama, tama te pobele bage hogomu genuai pesage igulali.

Jeremaia 9:11

Genuai Bidigo te po wali, “Te eno Jerusalem dolama, te masigi pesage holali naga elalueibao. Tama te uni yowi dabego pesage pedelaibao. Tama eno te Judago taun tigidali dolama, te taun dabe olo elalu, te bidi meni yaibao.”

Aisaia 13:20

Te bulude bidi munu me ma bidigobeo. Tama me ma, te Arap dabe augwaligo sel be teba sę yagasogobeo. Tama te sipsip kibu tonalubo bidi dabego te sipsip kibu teba nosai tumainu teba me tonaluagasogobeo.

Aisaia 13:21

Te bulu te olo bulu gagalama, tama te bulu hasa dabe naga teba bidagasaibao. Te hulide bilibo ba dabe te bede dabe bidaibao. Te haniani dwai ba dabe me bidaibao. Tama bulu meme dabe te dolali hanude ugwaba samanuyu, edaba samanuyu, ela bilaibao.

Aisaia 24:10

Te genuai hanude nai dabe sese mu dola silalio. Tama tigidali be sunumi dabe palialua pali. Te bidi me tomoba me pabo usu ebeo.