Biblia Todo Logo
Bib sou entènèt

- Piblisite -




Aisaia 25:12 - Godigo dwagi yai po buku

12 Tama agai augwaligo hanu bomai obo dabe hųgia sąwaibao. Megi da, te obo dabe sigide ugwanu mu te elalubao. Tiali goli, agai te obo dabe tǫba mu tulalumainu yaibao.

Gade chapit la Kopi




Aisaia 25:12
14 Referans Kwoze  

Te po silali, tama moni bomai ensel mobo bidi me deligo te wit ge agaga pelama pęgą sabo moni masigi tiwai sela asai. Tama agai te moni sęgę yai masigi ugwaba selama, tama tamu ąį aba sąwai. Tama agai te po wai, “Te kolesagade naga augwaligo te genuai hanu Babilon selama bomonama aiyaba sąyu, tama bidi dabe augwaligo aga ma suainogo ebo usu egobeo.


Genuai Bidigo te we bidi genuai nogi yali we bidigo nogi aiyaba elalubo dao. Tama agai te bomai hanu dabe hųgibo dao. Tama augwali tǫba sese tama tulalubo dao, te tǫ hogomude elalubo dao.


Te nosali te Israel dabe augwaligo Godiba konealubo po dąų olama tama agade tią piduali baso, tama augwali pelama tama Jeriko hanu bagulali masigigo nigai obo te a naga olama me badu nogo si sogo usu nama bagulali, tama te masigigo nigali obo te tǫba degasa dulai dao.


Tialima, Genuai Bidigo po nago e tiwai po pusao, ‘Babilon da, te e buku tulaluali tiwai yai elama, te aga ugwaba ma pedalugobeo, magi baso meni, ena Genuai Bidi, eno aga dwagila mu dolaibao. Te Babilon we bidi augwali mu tulaluaibao,’ nago te po wao,” Jeremaiago te po Seraiabolo wali. Te Jeremaiago po eba silagasobao.


Ena Genuai Bidi, eno tigidali bomo elalubao, eno obao, te boi bidi dabe augwaligo te Babilon bagulali obo tai nidigi pali alulama, te deli me elalugobeo. Tama augwaligo te taun tomoba piduali genuai bobobage sunumi isigo ulaibao. E tiwai dao. Tigidali hani we bidigo odolali sę dene yali. Te augwaligo nigali nai tigidali te isigo daibao,” te po wai dao.


Te bulu Moap polo dolalio. Tama Genuai Bidigo te po mani. Te hulide boi bidi dabe aselama, te hanu Ar me hanu Kir dolagasali, tama megi da, Moap mu tama sese dolalio.


Te eno te Babilon eno te hogomu poabo naigo poabo tiwai yaibao, te tigidali nai dola silibo hogomu poabo nai dao. Tama eno te Babilon sele pu bulu nigilaibao. Tama te dwai ba dabe naga bidagasaibao. Ena Tigidali Bomo Elalubo Genuai Bidi, eno po polo walio,” wali.


Me, te bobobage taua dabe, me te tigidali hanugo bomai obo dabe me.


Nago te genuai hanu dabe te pobele bage pesage holai dao. Tama te bomai obo dabe elaluai hanu dabe sese dola silai dao. Tama te Israel hani isąwai bagego bomai hanu dabe te boi bidi dabego sese mu dola silai dao. Tama augwaligo ma hodolobo usu egobeo.


Genuai Bidi agai te Israel dabe hobede me ebeo. Menio. Agai augwaligo be nani sese tama dolali. Agai augwali dali sębę elama, tama agai wiegi yai kantri Judago bomai taun dabe aluama, tagalalio. Agai te kantri me, aga tobolu bidi dabe dali, sese tama dolalio, tama augwali hale dwai mu yalio.


Genuai Bidigo kantri Moap dali po elaluai. Tigidali Bomo Elalubo Genuai Bidi, aga Israel dabego God, agai te tiwai po wali. “Hobede mu dao, te boi bidi dabego te Nebo taun mu dolaibao. Te boi bidi dabego te Kiriataim elaluama, te bomai obo elaluali taun, te dolaibao. Tama te taunde we bidi tigidali hale dwai mu saibao.


Nago homugo tiali, nago gesabidi sawi yai mu dao homu yali, tama nago hagoma mu elama, tama naga nogi ugwaba salio. Nago genuai homu kolesaga elaluali, tama nago homugo te homu kolesagago te genuai nogi sabo dao homu yali. Tiali, te po page delide naga tama eno nage aiyaba te tǫba sąwai dao, te gasa meba king dabego nage sulama, tama augwaligo nage gisugu dwai mu momainogo yali.’


Swiv nou:

Piblisite


Piblisite