Mu tamao, ena Tigidali Bomo Elalubo Genuai Bidi ena bidalubao. Ena Israel dabego God, eno mu po weyu, te dąų obao. Te Moap dabe, me Amon dabe, augwali te taun Sodom de Gomora si dolali tiwai tama yaibao. Tama hae naga holama, tama augwaligo tǫ mesega saibao. Tama tamu sabo dedage dabe naga pedelama, tama te bulu dolama, te tama elaluaibao. Eno hani augwali me bidali da, te bidi dabe augwaligo augwali dali hwįnama, tama augwaligo nai dabe kegelama saibao, tama augwaligo tǫ me saibao,” te po wai.
Aisaia 25:10 - Godigo dwagi yai po buku10 Genuai Bidigo Saion bulu du bugagia tonaluaibao. Tiali goli, agai te Moap dabe mu dolaibao. Agai te boi bidi dabego augwali dolama, mesegelama, agayagasomainu yaibao. Te kau kibu dabego nosai augwa diba agalama, ela bulubo tiwai yaibao. Gade chapit la |
Aisaia 25:10
27 Referans Kwoze
Te Moapgo genuai nogi elaluali, te tulaluaibao. Te boi bidi dabe te taun Hesbonba sabolama, te augwa Moap dolabo kolesaga yabo po miaibao. Augwa te tiwai po waibao, ‘Te bageo, dago te we bidi hani mu siligi paibao, tama te kantri Moap munu ma elalugobe dao,’ waibao.” “Dage te taun Matmen we bidi tigidali, te boi bidi dabego dage dolama, tama dage tigidali te gų pageba paibao.
Genuai Bidigo te po wali, “Dage Jerusalem we bidi dabe, dage pelama, te duga boi bidi dabeba dwai dene magi piąo. Te eno dage te bulmakau me deligo te gąų ain, me sągą bras te bomo elalubo tiwai pedalumainu ilaibao,” wali. “Tialima, dagego te we bidi hani hauwa agamainu yaibao. Te boi bidi dabego te hwįyu sali tigidali nai doado bage, te dagego selama, enaba mawaibao, te tigidali tǫde Genuai Bidi dao,” te po wai.
Magi baso meni, Genuai Bidigo enabolo e tama po walali, “Ena Genuai Bidi, ena ena bulu dagalude bidiyu, tama eno we bidi dabego ebo kolesaga subo sogo da, ena haliga nagame elama, tama eno olo tama tonaluaibao. Eno homu polo hogodama, augwali polo dolabo homu ebo menio. Meni. Eno dua tonaluyu, tama te giliga nanama, tama masigi sanede bomona nanebo tiwai elama, tama te agai posolo ugwaba dua holobo ąǫ ebo dao. Tiali goli, isi mu dadala sabe. Tama me ma, ena te hulide te nai ininama, sabo magąde te tulubo u meni yai tulubage tulubo tiwai ebo dao.”
Tiali goli, nage da, menio. Augwaligo nage sąyani, te bidi dabego ni nologo togalama, damumainu sąbo tiwai mu yalio. Nago tigi te masigi elalubo tǫ dedagede munalubo, te meba bidi dabego tigi dologode munalubo, te wąbi hwįani sogo isali bidi dabe tigi dologode. Tama bidi dabego agayu ebo, te augwali ugwa eda udula bilibode.
Augwali si talua selama, tama augwaligo te giliga pabo badu buluba hwįgi peyu, te Filistia dabe dali hwį yaibao. Tama me, augwali sigo te giliga asobo badu we bidi dabego nai dabe hwįgi pelama, augwaligo nai dabe saibao. Te augwali sigo te bulu Idom we bidi, me Moap, me Amon we bidi dabe augwali sigo elaluaibao. Tama augwali sigo te bulu dabe tonaluaibao.
Te we bidi dabego ena tagalama, tama God dologode bidisąbo bidi gagawali. Tama augwaligo ena sębę ilali. Tama tibaso, eno Asiria bage taga palama, augwali elama, tama augwaligo nai dabe selama, tama augwali aiyaba elaluama, agalama, tagalomainu yai dao, te bidi dabe tǫ nagamea pai pudu pabo tiwai emainu yai dao.”
Tama tibaso, Genuai Bidi agai aga we bidi dabe dali sębę eyu, te sębę posolo mu ebao. Tama megi da, agai nogo ugwa sagua selama, dolainu no munalubao. Agai nogogo deli sogo elebaso, te tigidali tǫ dabe bulu du dabe elebaso, memenege elama, bulu du dabe aluasa dulaibao. Tama we bidi hauwa isila paibao. Tama augwaligo tigi dabe te hanu sunumi dabede olo pobele bage dabe munalua pabo ąǫ yaibao. Genuai Bidi agai tama tiaibao. Tiali goli, te tama tibogo Genuai Bidi agai sębę siligobeo. Menio. Agai nogo me ugwaba me dodolalubao.
Eno te nosali yabo sę dabe naga suali, te sę megi pedalugobeo. Tama eno te Israel dabe bidibo suali. Te bidi me deli te bomo dali genuai nogi yai bidi te Israel hani dabego tuni bidi pedalaibao. Tama agai te Moap tobolu bidi dabe dali bomona mu hwįaibao, tama augwaligo tobolu dili aluaibao, tama agai te Setgo hani wąį dabego tobolu dili dolama tagalaibao.
Tiali goli, megi Genuai Bidigo po genina ma weyu, e tama obao, “Kibu be sela digi mu elalubao, te Moap dabe augwa wiegi yai nai dabe dali dolabo. Eno te sela kibu bego deli deli bubuga me polua bugagia mu nedebao. Tama te kibu be selago dei dolo mu tama eno te yaibao wali sę eno yaibao. Te we bidi hauwa mu megi te Moapde bidibao. Tiali goli, te bulu dolobo side, te bidi hani dwasianu naga te bulude bidaibao, tama augwali bomo mu meni yaibao,” wali.
Genuai Bidigo kantri Moap dali po elaluai. Tigidali Bomo Elalubo Genuai Bidi, aga Israel dabego God, agai te tiwai po wali. “Hobede mu dao, te boi bidi dabego te Nebo taun mu dolaibao. Te boi bidi dabego te Kiriataim elaluama, te bomai obo elaluali taun, te dolaibao. Tama te taunde we bidi tigidali hale dwai mu saibao.
Te Juda dabe augwaligo te Moap dabego po odobo si da, augwaligo augwa hasi tomode po weyu, e tama po wali, “Dago te Moap dabego dwai kolesaga ebo po dago polo odai dao. Augwaligo haniani po olama, augwaligo augwa nogi ugwaba sabo dao. Augwaligo homugo augwali wiegi yai mu dao homu elama, tama augwaligo gasa we bidi aiyaba elalubo po olama, tama gasa we bidi posobo po wabo dao. Tiali goli, te Moap dabe augwali ili po wabo bage dao. Te augwaligo po mu dao homu igimio,” Juda dabego te po wali.
Piblisite