Aisaia 24:9 - Godigo dwagi yai po buku

⁹ Augwaligo te wain wę tubo sogo augwaligo te tęąbi po me wabeo. Augwa sęgęgo yali sęde augwaligo te wain augwaligo tubode augwaligo pedauwalide pusu me ebeo, te ha ebao.

Aisaia 24:9 Referans Kwoze

Aisaia 5:22

Dage te bomai wę tubode genuai nogi elalubo bidi dabe, dage dolaibao, te dagego bomo de kolesaga si da, te haniani wę sįsįbo delide naga dao.

Kolesaga Koneai Bidigo Pusali Po Elalubo Buku 9:7

Tegao, nage pelama, nai tulama, wiegi yai pemene yao. Nago te wain ąį tulama, te bugai haliga yao. Godigo te kolesagade usu da po wai dao.

Amos 8:10

Te genuai lotu wabo bodolu side, eno te isai bidide homu dene ebo sę pedalubo tiwai ilaibao. Te dagego wiegi yai pemene ebo balia te eno hasegelama, te augwaligo haliga sęgę elalu wabo balia pedalubo tiwai ilaibao. Te dage haliga sęgę elama, gela waibao, te aya ida aga ogwa deli elaluai, te isaide homu sęgę elalu, gela wabo tiwai yaibao. Te augwa we de bidi si te homu dene ola mabo ugwa gudama, te augwa si tobolu nisi tigidali poala sąwani, te augwali sigo homu dene ebo ola momainu yali. Tama eno dage te tobage kolesaga tiwai naga wali pomainu ilaibao. Te dwai sę ebo sogo, te dageba genuai sęgę mu pedalu, te dwai sę ebo silibo sogoba usu naibao,” wali.

Amos 8:3

Te sogo te tempel lotu bede bidali we bidi dabego te balia munu me egobeo. Menio. Te augwa gela wabo sę naga yaibao. Magi baso meni. Te isali bidi dabego tigi te tigidali pedai badu subigila munolua paibao. Augwaligo te tigi dabe buluba sela sąbo sogo da, teda te bidi dabego po deli me wagobeo,” wali.

Aisaia 5:20

Dage dolaibao. Te dagego haniani nai hasegelama, tama te po wabo dao, “Dwai kolesaga te wiegi yai dao, te wiegi yai kolesaga te dwai dao,” wabo dao. Me, dagego te po wabo dao, “Te hulia sali te ula dao. Me, te ula ebo te ma huli sali dao,” wabo dao. Tama me dagego te po wabo dao, “Te ha ebo nai te pusu ebo, ma te pusu ebo nai te kelede ha ebo,” po wabo dao.

Godigo Nogi Ugwaba Sabo Tęąbi Po Wabo Buku Dabe 69:12

Te bidi dabe sunumiba sisinama, tama enade po miani. Tama te wain wę tulama, te gęǫ ebo bidi dabego te balia mebade te dwai po enaba weyu yali.

Sekaraia 9:15

Tama Genuai Bidi Tigidali Bomo Elalubo Bidigo te aga we bidi tudi badu tonalu posolalueibao, tama augwaligo augwa boi bidi dabe ela silaibao. Te boi hwįbo side te augwaligo i wabo te bomai ąį tuai bidigo i hae wabo tiwai eyu, tama augwaligo te boi bidi dabe ela mueibao. Te boi bidi dabego kaneme te augwaligo te ofa yainu te poude tabilama te altaba gealubo tiwai yaibao.

Esekiel 26:13

Tama dagego te tęąbi po wabo me, te gita elebo sę ebo me, te ma egobeo.