Aisaia 24:6 - Godigo dwagi yai po buku

⁶ Tama tibaso, Godigo pode te dwai sogo mu te tǫde pedalama, te we bidi hauwa mu dwai kolesagadu wali pao olama, i ola mawai dao. Tama dwasianu we bidi hani naga bidaibao. Agai tama tiali. Magi baso meni. Te we bidi dabe augwa dwai kolesagago augwa sęgę tolaibao.

Aisaia 24:6 Referans Kwoze

Malakai 4:1

Te Tigidali Bomo Elalubo Genuai Bidigo te po wai, “Bugagia odiąo,” wali. “Me sogo bodolu si pedaliyu, siago te hagoma ebo we bidi tigidali me dwai sę ebo we bidi ulaibao, siago te wa pai kala dabo tiwai yaibao. Te side te siago augwali dolama, tama augwali tigidali mu silaibao,” po wai dao.

Matyu 7:14

Tama te dwasianu sunumi tomodu pelama, tama te dwasianu tųdu peyu, tama te bidibo ula elalubo madigi painogo te sinabo sę ebo dao. Tama deli deli we bidigo naga te tų gegelama subo dao,” Jisasgo te po wai.

Polgo Po Pas Rom Dabeba Asęani 9:27

Tama te gasa polobadu Godigo po pusali bidi Aisaiago te Israel hanide po olama tama te tiwai i wali, “Tama te Israel dabe augwaligo hani nedebo namba te ąį sanede elalubo masigi kemi tiwai pedalubaso da, tagalao, teda Godigo augwali meba naga dią selama, tama dwasianu hani naga ma dobola saibao.

Malakai 4:6

“Tama agai te aya me wai dabe te deli haliga pedalumainu ilama, tama augwali tama meni eyu da, teda te eno dagego bulu tǫ kantri dolaibao,” Genuai Bidigo te po wai.

Pris Sę Ebo Bomai Po 26:22

Eno te bulu uni hasa dabe dage tomoba tagala palama, te augwaligo te wai dabe ela muyu, te bulmakau dabe me ela mueibao. Tama tialima, te dagego tǫ kantri sunumide te bidi dabe me bilalugobeo, te dwasianu hani we bidi naga bidaibao,” wali.

2 Pita 3:10

Tiali goli te Genuai Bidi asobo sogo mu asaibao, te nai wi sabo bidi geme asobo gilama. Tama te sogo dagalu kulukulu genuai olama tama hagawaibao. Tama te giliga dali, polua dali, te hǫ dabe tigidali, te siago dela silaibao. Tǫ me, te tigidali nigali nai elalubo me, te siago tigidali daibao.

Malakai 3:9

Mu tama, eno po bomo ebao, dage tigidali dolaibao. Magi baso meni, dage tigidaligo eno nai wi sabo dao.

Malakai 2:2

“Eno dageba te bomo yai po me deli elalubao. Te dagego ebo sę tigidalide te eno nogi ugwaba siąo. Te dagego eno po odisąma, te dage hagoma naga ebaso da, teda eno po bomonama obaso, te dage dolaibao. Te duga sęde sabo te wiegi yai nai dabe te eno dolaibao. Te mu tama eno tiai dao, magi baso meni, dagego homude eno olo po te oba olama, te dagego eno po wali pabeo. Tialima eno dage dolai dao.

Esekiel 5:3

Tiali goli, te nago dwasianu tobolu nisi me penane nisi elalumainao, te nago naga ugwa sabi badu munama, te kęnao.

Aisaia 1:31

Te kala sasia pai da, te isi deli sogo tama dela pabo dao. Tama te tiwai sę te doado bage hauwa elalubo bomai bidi dabede yaibao. Augwa digi dwai kolesaga ebogo augwali deli sogo tama dolaibao, sia saibao. Tama te sogo augwali tau sabo bidi meni yaibao.” Genuai Bidigo te po wali.

Bomai Po 28:62

Dage te hǫ dabe ugwadu elalubo tiwai umabo mu pedalubadi me tagalao, dage sese tama silama, deli deli naga bidaibao. Magi baso meni, dagego Genuai Bidi dago Godigo po wali pisąma ebaso, tama tiaibao.

Bomai Po 4:27

Teda Genuai Bidigo dage sese tama gasa buluba dabe subigila sela sąwaibao. Tama we bidi hauwa mu isila paibao, tama dage dwasianu we bidi naga te gasa haniani bidi hani tomode bidaibao.

Matyu 27:25

Tama tigidali we bidi augwaligo po wei ponoyu, te po wai, “Te aga elebo sęgę te daba me te dena wai dabeba asomainao,” wali.

Aisaia 5:24

Tama tibaso, dage te ni sasia pabo tiwai elama, tama te ni pedali mobia pelama, tama te ni yabe dabe tau elama, tegalubo tiwai yaibao. Te dwai sę dage tigiba polo tama pedalaibao, te isigo nosai delama, silibo tiwai tama yaibao. Magi baso meni. Dagego te Genuai Bidi Tigidali Bomo Elalubo Bidigo bomai po sela sąbaso, dagego Israel dabego God tudi ola mabo. Aga te Dwagi Yai Doloba Pai Kolesaga Naga Ebo God dao.

Aisaia 9:19

Genuai Bidi Tigidali Bomo Elalubo Bidigo sębę genuai mu elama, tama agai tǫde we bidi tigidali dene mani. Tama augwali silali, te isigo mone busi delama, tigidali nai dabe dela silibo tiwai yali. Te deli deli we bidigo homu kolesagago da, gasa we bidi aiyaba elaluabo homu elalubo.

Aisaia 34:5

Genuai Bidigo te tama po wai, “Eno haliga sębę yali, eno te ena bainat hwą sisi elama, tama te bainatgo hwawa mu weyu, te dagalu tagalama, te Idom dabe eligi painu yali, te eno augwali dolaibao po wali hani dao. Te megi eno aga tagala palubo te augwali ela mugi pomainu yaibao,” wali.

Aisaia 43:28

Tama tibaso, eno te het pris dabe eno gedude meda yai pedalumainu ilali. Te eno dage Israel dąį ilali, te Jekopgo hani dabe, te tigidali mu dolomainu yaibao. Tama eno te gasa hani we bidigo te posobo po weyu, te dageba gisugu momainu yaibao,” wali.

Jeremaia 5:14

Dagego te tobage po weyu, te dagego Godigo po odobao, Genuai Bidi te Tigidali Bomo Elalubo dao. Agai enaba te tiwai po wali, “Te eno nageba menama pusabo po da, te sia tiwai pedelaibao. Tama te we bidi dabe te nogobo sia tiwai elalubao, tama te siago augwali ulama daibao.

Te Israel me Juda Hani Sigo Tuni Bidigo Po Elalubo Buku Si 24:12

Tama te king Jehoiakingo sualima, te king Nebukatnesar aga ami soldia bidi dabe dali asama bidibo suali, tama tialima, te king Jehoiakin ebadi, te aga ida ebadi, tama me te aga gavman ofisa bidi me, me te augwa genuai bidi dabe me, tama me te kingo be tonalubo bidi dabe me, augwali tigidali te taun tagalama, buluba pelama, te king Nebukatnesar dali sisinama, tama augwaligo Nebukatnesarbolo te po wali, “Tama dago homugo te boi ma hwįgobeo,” wali. Tama tialima, te king Nebukatnesargo te king Jehoiakin aga kalabusiba muani. Tama te sę yali sogo, te king Nebukatnesar agai kibu be te 8 kibu be te Babilon bulude king bidai.

Te Israel me Juda Hani Sigo Tuni Bidigo Po Elalubo Buku Si 25:12

Tialima, me badu Juda hani we bidi dabe augwali te me badu te tigidali doado bage dabe meni yai we bidi dabe, tama te augwali te bidi Nebusaradango augwali tagalama, tama augwali bidaluyu, tama augwaligo te wain gi dabe me, me te gasa gasa gi dabe me augwaligo tonaluali.

Aisaia 1:9

Ma, Genuai Bidi Tigidali Bomo Elalubo Bidigo da meba bidimainu sula tagalisąma menigi sogo da, mu tama, teda da polo dolama siligi dao, te hanu Sodom de Gomora si dolali yali tiwai gilama, polo dologi dao.

Jeremaia 12:4

Genuai Bidi, nago dago tǫba genuai sęgę muani, te tigidali nosai sasia pali. Nisu sogo te sia selama, te tǫ wiegi yai ma pedalugowe? Te hasa me, ba dabe me, isila pobao, magi baso meni, te tǫde we bidi dabego dwai kolesaga me idubo sę ebao. Tama me, te we bidi dabego te po obao, “Jeremaiago daba te pedalubo sę dabe me suagasogobe dao,” po wabo dao.