Aisaia 24:2 - Godigo dwagi yai po buku

² Tagala, augwali mena tiwai we bidi yaibaso me, augwali deli sę tiwai naga suaibao. Te pris bidi dabe dali, me te olo we bidi dabe me, tama me te tonalubo bidi dabe me, olo sę bidi me, olo sę we dabe me. Tama me te bisnis bidi dabe, me te augwalide nai dabe abelebo bidi dabe me, tama me te nai negeli sabo bidi dabe dali, te nai negeli mabo bidi dabe dali me. Tama me te moni bidi dabe dali, me nai meni yai bidi dabe dali me. Augwali tigidali sese tama te dwai dene saibao.

Aisaia 24:2 Referans Kwoze

Hosea 4:9

“Tama tibaso, eno te we bidiba dwai dene mayu, te augwali dolaibao, tama dage pris dabe me te sabo dene tiwai saibao,” wali, “te eno dwai dene mabo sę dageba eyu, te dagego yali dwai kolesaga wei ponoyu tiaibao,” wai dao.

Te We Bidi Dabego Jerusalem Hagede Gela Wali 4:13

Tiali goli, Godigo te boi bidi dabe tagala palama, te Jerusalem dolai dao. Magi baso meni. Te profet dabe, me pris dabe, augwaligo dwai sę elama, tama augwaligo te Jerusalemde dwai sę meni yai we bidi ela mubaso tiai dao.

Jeremaia 42:18

“‘Ena Tigidali Bomo Elalubo Genuai Bidi, ena Israelgo God, eno po dolo obao, polobadu eno haliga sębę umabo mu te Jerusalemba elama, te eno augwali mu dolai dao. Te tiwai naga, te dage Isipba pobaso da, teda eno haliga sębę umabo mu elama, te dage dolaibao. Te gasa bulu hani we bidi augwaligo eno te dwai sę dageba yali po odolama, te augwali wi elama, nogo hogwabo tiwai eyu, midigi dwai mu yaibao. Te augwaligo dage dolama, posobo po waibao. Te augwa boi bidi dabeba dwai po wabo homu ebo sogo da, augwa te tiwai po waibao, “Dage te Juda dabe dolali tiwai dolagameo,” te po waibao. Tama dagego duga te tǫ ma sugobeo,’ Genuai Bidigo te po wai,” Jeremaiago te po te Juda we bidi dabebolo wali.

Aisaia 5:15

Te tigidali we bidi hale mu yaibao. Tama te we bidi augwa digi augwa nogi ugwa sabo we bidi dabe augwali nogi mu menia saibao.

Aisaia 2:9

Tama tibaso, Genuai Bidi, nago tigidali we bidi aiyaba elaluama, tama tigidali we bidi hale dwai mu yaibao. Genuai Bidi, nago augwaligo sęgę sela sągio.

Tuni Bidi Dabego Po Elalubo Buku Si 36:20

Tama te Babilon kingo te we bidi te boide elisąma yali we bidi sese tama te Babilonba kalabus elama selasa pali. Tama te Juda we bidi augwali te Babilon king dabego olo sę ebo bidi we bidada pidubadi, te kantri Persia boma pai mu pedaliyu, tama te kantri Babilon aiyaba elalubo sogoba usu nagasali.

Tigidali Nai Gagalama Nigali Side 41:50

Tama te nasi yabo kibu be dabe te pedalisiąbadi, tama Asenat, te Josepgo wego, te ogwa si ame nani. Asenat te Potifera te Heliopolis hanu pris bidigo wegi dao.

Aisaia 24:3

Tǫ tigidali mu dolama, tama te tǫ olo mu elaluaibao. Genuai Bidigo te sę dabe yabo po polo walio.

Aisaia 28:7

Te profet dabe, me pris dabe, augwaligo te wain wę me bia wę hauwa tulama, polobo homu yabo homu elama, dodolama, wa bilabo homu eyu, dodola bilabo homu ebo dao. Augwaligo homu kolesaga menia pabo dao. Tama augwaligo augwa sę bugagia ebo menio. Tama me, te pris bidi dabe augwaligo te we bidi dabego sęgę bugagia dodolobo menio.

Te We Bidi Dabego Jerusalem Hagede Gela Wali 4:6

Te Jerusalem dabe, eno we bidi, augwaligo dwai sę yalide sali sęgęgo te Sodom we bidigo sęgę edelalio. Tama tibaso, Genuai Bidigo Jerusalem dabebolo dene genuai mu te mani dao. Tiali goli, Genuai Bidigo te Sodom dabe dolali sogo da, te taun agai deli sogo mu tama te taun dolai dao. Tama te boi bidi dabego megi te Jerusalem dabe dali ebo tiwai te Sodom dabe dali yai menio.

Te We Bidi Dabego Jerusalem Hagede Gela Wali 4:16

Genuai Bidi aga digi augwali subigila pomainu sela sąwani, tama agai augwali homu kone me ebeo, te pris dabe, me tobolu bidi dabe, augwali te we bidigo gedude genuai nogi me elalubeo.