Aisaia 24:15 - Godigo dwagi yai po buku

¹⁵ Tama tialima, dage tigidali tǫ habu badu bidalubo we bidi dabe, te giliga asobo badu, me te tamu ąį sesegede elalua pabo bulude bidalubo bage, dage tigidaligo te Genuai Bidigo nogi ugwanu sao, te Israel dabego Godiba genuai nogi maiąo.

Aisaia 24:15 Referans Kwoze

Malakai 1:11

“Te tigidali bulu tǫ kantri we bidi dabego enaba genuai nogi mawaibao. Te tigidali bulude bidi dabego te wiegi yai denami ofa hano iliyu, te tobage wiegi yai ofa dabe enaba mawaibao. Te tigidali we bidigo ena nogi ugwaba saibao.

Aisaia 60:9

Te digibulu buludu asobo sip dabe dao. Mu tama, te digibulu bulu we bidi dabego te eno augwali tau sabo tonaluai. Augwaligo te genuai sip dabe tagala palali, te nago ogwa dabe nageba ma sesalio. Te we bidi dabego te hauwa silva me gol te sip dabego sela somainu tolali. Augwa tama tiali, magi baso meni, augwaligo te eno nageba wiegi yai sę bugagia eyu, genuai nogi elalubo sulama yali, te augwaligo Israelgo Genuai Bidi, te ena Godiba genuai nogi mayu yali, ena te Wiegi Yai Doloba Pai Kolesaga Mu Ebo God dao,” te po wai.

Aisaia 51:5

Te eno augwali tau siyu, ma sabo sogo, te pąba pedelalio. Te ena bomogo digi eno te tigidali tǫ kantri tonalueibao. Te digibulu bulu pesage we bidigo te eno bomoba homu dąų weyu, te eno augwali tau sabo tonalueibao.

Aisaia 49:1

Dage te bulu tǫ kantri pąde, me digibulu bidalubo we bidi dabe, dagego eno po odiąo. Te idago ena ame nisąbadi, te Genuai Bidigo ena sa muyu, dąį ilama, enaba te nogi mawai dao.

Aisaia 42:10

Dage tǫde we bidi tigidali, dagego gesi balia po weyu, te Genuai Bidi nogi ugwaba sinao. Dage te sipidu bilibo bidi dabe, me te tamu ąįde bidibo hasa dabe, dagego agai nogi ugwaba siyąo. Dage te digibulu tǫ kantride bidibo we bidi dabe, dagego te gesi balia po waiyąo.

Aisaia 42:4

Te aga haliga sęgę me isiąyu, te sęgęgo aga aiyaba elalumainu me iligobeo. Agai sę bomo elama eyu, agai doloba pai kolesaga ebogo te dwai kolesaga ebo kolesaga aiyaba elaluaibao, te tigidali tǫ habu usu nama bomo elalumainu ilaibao. Te digibulu bulu we bidi dabe te aga tonaluaibao, te agai augwali bugagia dugulalu bidabo kolesaga ola momainu yaibao.”

1 Pita 3:15

Te meni. Dage duga homugo “Krais aga da, dago Genuai Bidi mu dao” homu eyu, aga dologode mu bidao. Tama teyu, dagego duga homu hasia bugagia dodolama, tama me sogo bidi mego dagego Kraisde konealubo po page hanalu obaso da, dagego agabolo te konealubo po page bugagia ola mao.

1 Pita 1:7

Tama te haniani dene mabo sę augwaligo page elalubao. Dage duga homu tigidali Godiba muani sę, te sę usu somainogo te dene mabo sę dageba pedalobo dao. Eno megi te wiegi yai kapa nogi gol te naide po digi po begelama obao. Augwaligo te kapa gol te tǫde diganama, tama te dwai nai sela sąwainogo augwaligo te gol siade ulubo dao. Siago uludama, tama nosali te wiegi yai kapa gol naga pedalama, augwaligo saibao. Tama te gol te osogo wiegi yai nai dao, te tǫde elalubo nai dao, tama nosali te nai mu dolaibao. Tiali goli dagego duga homu tigidali Godiba mubo sę te wiegi yai mu dao, tebogo te kapa gol aiyaba elalubo dao. Tialigo da, dagego konealubo po dąų wabo kolesaga usu selama, tama usu baso, te Jisas Krais aga ma asobo hanilabo sogode te Godigo dagego nogi ugwaba mu siyu, dagebolo dwagi yai genuai nogi mawaibao.

Godigo Sęba Tagala Palai Bidigo Po 16:25

Te huli tomode mu Pol dali Sailas dali sigo Godibolo po weyu, aga nogi ugwaba sabo balia dabe weyu bidali. Tama te kalabus bede bidali bidi dabe me badu augwaligo te balia po wabo odali.

Sefanaia 2:11

Genuai Bidigo augwali wi dwai mu emainu ilaibao. Te agai te tigidali kantri dabego tibo god dabe olo nai pedelemainu ilaibao. Tama tigidali tǫ we bidi augwali augwa kantride bidiyu, Genuai Bidiba naga lotu po weyu yaibao.

Aisaia 66:19

Te eno augwali tomode te dąį me deli pedalumainu ilaibao.” “Tialima, eno te hani meba, te dolisąwani hani bage, te digibulu tǫ kantri we bidiba tagala palama, te eno genuai nogi me bomo te eno genuai bomo ebo po odisąwani we bidi dabeba pusugi pomainu yaibao. Te augwali eno te hani dabe Tarsis, me Pul dabe, me Lidia, te haniba tagala palaibao, te Lidia bage augwali enesigigo ene enebo mu konea pai bidi dabe mu, te Tubal me Gris dabeba, te digibulu bidalubo gasa we bidiba me tagala palaibao.

Aisaia 41:5

“Te tigidali tǫ kantri we bidi dabego te eno yali sę dabe sulama, te augwali wi elama, noma sali. Te augwali deliba sisinagaselama,

Aisaia 25:3

Te bomai bulu we bidi dabego nagebolo genuai nogi mawaibao. Te tǫ pedai kantri meba we bidi dabego gasa we bidi dali homu dene isąwai goli, te tobage kantrigo moni hanude bidibo we bidi dabego nage wi eyu, nage dologode bidaibao

2 Tesalonaika 1:12

Tama dagego te dwagi yai kolesaga ebode dago Genuai Bidi Jisasgo nogi dagego ugwaba saibao. Tama dago God dali Genuai Bidi Jisas Krais dali augwali sigo dwagi yai homu da dali eyu, da olo mu tau mabo homu kolesaga dwagi yai mu eyu, tama Jisasgo dagego nogi me ugwaba saibao.

Esta 10:1

Tuni bidi Serksisgo te aga tonalubo tǫ pedai tigidalide bidali we bidibolo te takis mone mao po weyu, te po mu dąų walali. Te nambis provins dabe dali, te agai tonalubo tǫ tomode mu elaluali provins dabe dali, te tigidali tǫ pedai badu tede te takis mone sabo sę yai dao.

Aisaia 12:4

Tama te sogo dagego balia weyu e tama waibao, “Genuai Bidigo nogi wao. Tama agaba i weyu, tama agabolo buba hwi wao. Te tigidali we bidi hani dabebolo pusao, te genuai sę dabe agai yalide. Tama augwalibolo pusao, aga genuai nogi elalubao.

Aisaia 26:8

Awe, Genuai Bidi, da nago bomai po wali peyu, bilibo dao. Tama dago nage deli naga tonaluyu, tonalubo dao. Dago nago genuai nogi godolo mu ebo dao.

Aisaia 42:12

Tama dage te pąde bidibo we bidi dabe, me digibulu bidibo we bidi dabe, dage tigidaligo te Genuai Bidi nogi ugwaba selama, te agaba genuai nogi maiąo.