Aisaia 24:11 - Godigo dwagi yai po buku

¹¹ Tama te we bidi dabego te tuabo wain wę menia salio. Tama augwali te hanu sunumi dabede dolalua peyu, augwaligo te wain gogono bilibao. Te we bidi dabego wiegi yai homu elama, gana pali dabe mu sia sali. Tama homu sese elama, hobede ela pabo sę naga te tigidali tǫde ebao.

Aisaia 24:11 Referans Kwoze

Hosea 7:14

Augwaligo tibo gedu haluasa po enaba wabo dao. Tama augwali te tǫba degasa dulama, tama te dwai gela te Genuai Bidigo po odisąbo bidi haiden dabego wabo tiwai ebo dao. Te augwaligo nai me wain ąį sainu gedu haluasa po wabo sogo, te augwa digi augwa tigi dabe ge hwągo togobo, te haiden eno po wali pisąbo bidi dabego ebo tiwai ebo dao. Augwaligo ena dali hagoma mu ebo dao.

Dwagi Yai Gesi Po Lukgo Asęani 16:25

“Tiali goli, Abrahamgo te po wei ponani, ‘Woo. Eno ogwa, polobadu bidali te kone palao. Nage tǫde bidali sogode naga te dwagi yai nai dabe tigidali siyu, e bidi Lasarus aga te dwai nai dabe naga sali. Tiali goli, megi aga ede bugagia bidibao. Nage tede dene mu siyu bidibao.

Joel 1:15

Magi baso meni, te Genuai Bidi asabo side bodolu te pąba yagasalio, tama te bodolu side te Tigidali Bomo Elalubo Godigo te dolabo genuai sę daba tagala palaibao. Hobede da, te side te dwai mu dao.

Jeremaia 48:33

Te Moapgo tǫde wiegi yai nai hauwa pedalubaso, te bidi dabego te nai siyu, wiegi yai pemene yai. Tiali goli, te wiegi yai pemene elama, gisugu wabo kolesaga te silaibao. Eno te tama tilama, te wain du agabo masigi poude te wain augwaligo munu ma nigigobeo. Augwa te i olama, pemene eyu, te wain agabo sę yali me egobeo. Mu tama, te augwa i weyu da yaibao, tiali goli, te augwa pemene elama, i me wagobeo.”

Aisaia 32:13

Tama dagego eno we bidigo tǫ hagede dage hobedai gela waiagameo. Magi baso meni. Te dwai sesane bono me dwai nosai dabe te bulu tǫde koliaibao. Awe, dagego duga te gana peyu ebo te be dabe homu kone elama, tama dage hobedai gela waiąo. Tama me, dage te duga te gawelama bidibo te hanu dabede me hobeda gela waiąo.

Aisaia 16:10

Te wain gi dabe augwaligo wain du dabe hauwa mu walai dao. Tama te we bidi dabe augwaligo sabo sogo da, augwali wiegi yai homu elama gana pai dao. Tiali goli, megi te wiegi yai homu elama, hai wabo kolesaga sia sali dao. Tama te we bidi dabego te wiegi yai homu ebo tęąbi me wabeo. Tama me te bidi dabego te wain nigibo madide te wain du te sągągo me agagobeo. Genuai Bidigo tama augwaligo penane paninama, tama augwaligo hai wabo silalio.

Aisaia 9:19

Genuai Bidi Tigidali Bomo Elalubo Bidigo sębę genuai mu elama, tama agai tǫde we bidi tigidali dene mani. Tama augwali silali, te isigo mone busi delama, tigidali nai dabe dela silibo tiwai yali. Te deli deli we bidigo homu kolesagago da, gasa we bidi aiyaba elaluabo homu elalubo.

Aisaia 8:22

tǫba tonoyu yaibao. Tiali goli, augwaligo dwagi yai nai dabe me sugobeo. Menio. Te augwaligo te dwai sęgę, me dwai sęgęgo augwali tigidali bulude bilibo digi te hulia saigo augwali mesegasa bilibo tiwai yaibao. Tama augwali wi pelama, te dwai sęgę gedelabo sunumi mu meni yaibao.

Bugagia Bidibo Kolesagade Po Asęai Buku 31:6

Te bomai ąį me wain ąį te isabo homu ebo bidigo dabego tubo ąį, ma te genuai sęgę elalubo bidigo tubo ąį dabe dao.

Godigo Nogi Ugwaba Sabo Tęąbi Po Wabo Buku Dabe 144:14

Tama te bulmakau dabego me te wai dabe hauwa umabo ame nenama, tama te wai dwai me pedalisiąma, tama te me deli isiyu, me eyu egobeo. Dago homugo te dena hanu tomode bidibo bidi me deligo, ma we me deligo me, te sęgę me dene te hanu tomode pedelamuo.

Jeremaia 14:2

“Juda kantri tǫde te genuai sęgę elalu gela udali. Te aga hanu dabe dwai mu elalubao. Te aga we bidi dabe tǫ bulu pila munana peyu, te dwai gela mu udubao. Tama te Jerusalem dabe umagia gela u waibao.

Jeremaia 46:12

Te nago ami dabe wi tedela peyu, te augwa tigide digi hudula palama, te augwa deliba tula muaibao. Nage te boi hwįani tulalubaso, te nage hale mu elama, te gasa tǫ kantri dabego nage hale yali po odaibao. Te nago gela wali te tigidali tǫ pedai usu naibao,” te po wai.

Joel 1:12

Te ni wain dabe dali, te ni kaya fik dabe me, sasia palio. Tama te gasa tobage du walobo ni dabe tigidali, augwali mu sasia pali. Tialima, te we bidi dabego wiegi yai homu pemene ebo tigidali te sia salio.

Aisaia 32:10

Te usu, megi dage homu tegaluama bidiagameo. Tiali goli, dage tonaluiąo. Te 13 o 14 polua bolo pomainao. Teda dage wi elama, noma saibao. Magi baso meni. Dagego te wain gi dabe te du me walogobeo.