Aisaia 24:1 - Godigo dwagi yai po buku

¹ Genuai Bidigo tǫ mu dolama, tama tǫ olo mu elaluaibao. Agai te tǫ agalama, tama tǫ bebegelama, tama te tǫ gasagi yai mu pedalaibao. Tama agai te we bidi dabe subigila wi tedela pomainu yaibao.

Aisaia 24:1 Referans Kwoze

Nahum 2:10

Te taun Ninive mu dolalio, te bidi dabego tagalama wi tedela pali. Tama taun te pobele bage yai olo tǫ mu elaluai. Te we bidi dabe wi dwai mu elama, te augwali nogo sągą didibili ebao. Augwa bomo kimi te isalio, tama augwa gedu te tedela dwai mu yai dao.

Aisaia 2:19

Tama te sogo Genuai Bidigo te tǫ mali iliyu, tama e tǫde nai dabe wi mu ilaibao. Tama te we bidi dabe me wi mu elama, tama masigi dudulaweba me, tǫ dudulaweba me, wi duala sigi paibao. Te augwaligo Genuai Bidi aga bomo dali, genuai ula dali, asobo augwaligo suidali weyu.

Aisaia 42:15

Te eno bulu du dabe dolama, te nosai dabe me ni dabe sasia pomainu ilaibao. Tama eno te genuai soabo wę dabe dali, te sigi ąį me, sula somainu ilaibao.

Aisaia 24:20

Aga te polobo bidi ugwaba edaba ebo tiwai eyu, me te dwasianu be te bomai wali ebo sogo uba edaba ebo tiwai yaibao. Te tǫde we bidi dabe augwa dwai sęgęgo yaligo te tǫgo tolobo usu egobeo. Tama tibaso, te tǫ tulaluama, tama te tǫ ma hodalobo usu me egobeo,” eno te po wali.

Esekiel 35:14

Tialima, ena God Genuai Bidi eno te po e obao, eno dage sese tama mu dolama, tama gasa meba kantri we bidigo sulama, tama augwali wiegi yai homu pemene yaibao.

Esekiel 12:20

Tama augwaligo te taun dabe mu dolama, te tǫ kantri olo pesage tiwai pedelaibao. Te tebo sogo te Israel dabego te tiwai koneama, ena digi ena Genuai Bidi da, augwa te po waibao,” wali.

Dwagi Yai Gesi Po Lukgo Asęani 21:24

Tama te boi bidi dabego te Juda dabe me badu moni hwągo ela muaibao, me badu nogo si dųlama, kalabus ilama, odasa pelama, tama tigidali gasa tǫba mugi paibao, tede mu bidimainu yaibao. Tama te boi bidi dabe, te Juda bidi hani isąwai dabe, augwaligo te Jerusalem hanu mu dola silaibao, te aiyaba elaluaibao. Tama nosali te Juda hani isąwai dabego Juda dabe aiyaba elaluabo si silaibao,” Jisasgo te po augwalibolo wai.

Esekiel 6:6

Agai po ma weyu, te po wai, “Te boi bidi dabe augwaligo te Israel tǫ kantri taun tigidali dolobadi, te tibo godiba lotu wabo pesage tigidali me dolaibao. Augwaligo te dagego alta tigidali dolama, te duga gedude meda yai mu elalueibao. Te augwaligo te dagego tibo godigo piksa noma dabe mu dola silama, te wiegi yai denami ebo pauda ulubo pesage dabe aluama, besela sąwaibao. Tama te Israel dabego yali dwai kolesaga tigidali te sia saibao,” po wali.

Esekiel 5:14

Dage dolobo si da, teda te dage pąde elalubo tǫ kantri pedai we bidi augwaligo dage te tama tebo sę sulama, te augwaligo te tama po waibao, “Suao. Augwali dwagila mu dolalio. Genuai Bidigo te augwaligo dwai kolesaga ebo sulama, te agai augwali dolali dao,” augwaligo te po waibao.’ Eno te po obao,” Genuai Bidigo te po walio.

Esekiel 5:2

“Eno nage te pila muao wali sogo tigidali silibaso da, teda nage hodolaluao. Te tama tebo sę ebogo te we bidi augwaliba te tiwai ola mawaibao, te boi bidi dabego te Jerusalem sagasali tiwai ebao. Nage hodalubo si da, teda nago te tobolu nisi me penane nisi hasia me badu te Jerusalem dąį ilali brik daide munama, nago te nisi dabe isi ulao. Te nago si wali pedai tobolu nisi selama, tama te brik baguasa bilama, nago te bainat hwągo te penane nisi me tobolu nisi togwa sąsą pao. Tama te sela wali tobolu me penane nisi selama, te sąsąyao, tama waligo sela paibao. Tama eno te bainat hwą selama, te sąwani tobolu me penane nisi pobeasa paibao.

Jeremaia 9:16

Te eno augwali ela gudulama, te augwa gasa tǫ kantriba tedela pelama, bidimainu elama, te augwa wąį nǫų dabe me, augwali me, te polobadu pisąwai bulu tǫba paibao. Te eno digi te bidi dabego augwaliba boi bidi eyu, te augwali ela mumainu yaibao, te tama tede pidubadi, te tigidali isila siliboba usu naibao,” te po wali.

Aisaia 33:9

Te tǫ hobedai gela weyu, tama aga bomo sia sali. Tama te Lebanon genuai busi hale yali. Magi baso meni. Agai ni dabe sasiyu, ela pobaso. Te Sarongo odogo malu bulu wiegi yai te tǫ wa pelama, tama wę meni yai kemi nai elalubo bulu tiwai yaibao. Tama me, te ni yabe dabe te Basan distrikde holali, me te bulu du Karmelde holali dabe, augwali bogwa pelama, telega peyu yali.

Aisaia 29:16

Augwaligo te tigidali nai dabe hasegelama, tigidali nai dabe dolobo dao. Te augwaligo wali po tiwai tama, “Te tǫ sene nigibo bidi te sene nigibo tǫ tiwai dao.” Mena tama tialiwe? Te olo nai mego te aga nigali bidibolo te tama po waibawe, “Nago ena nigai menia?” Ma, te tǫ senego te aga nigali bidibolo te tama po waibawe, “Nago mage nai me konebeo,” te po waibawe?

Aisaia 27:10

Te hanu da, polobadu bomai obo elaluai dao. Tama megi da, sese mu tama dolama, elalubao. Megi da, olo kala sili bulu te we bidi te bulude me bidisąwai bulu ąǫ ebao. Te bulude we bidi me bidibeo. Tama te kau kibu dabe naga te buluba sisinagaselama, tama me te dwasianu ni yabe dabe tuyu, tede bidibao. Tama augwali tede toma tuyu bidibao.

Aisaia 5:6

Te eno te tǫ dolama, tama busi holama, nosai holiyu, tama te sesane ni dabe holama, te gi halua somainu yaibao. Tama eno te wain ni ma tonalubo sę ma egobeo. Te me eno te gi tǫba tulubage me tulamo olama, habu selaibao,” eno abagigo te po wali.

Godigo Nogi Ugwaba Sabo Tęąbi Po Wabo Buku Dabe 146:9

Agai te dago tǫde bidibo te gasa bulu bidi dabe tau sabo dao. Tama agai te wilawe we dabe tau siyu, tama te tiana wai puluba me tau sabo dao. Tiali goli, agai te dwai sę ebo bidi dabego yainogo ebo sę dabe te augwali homu kone tųą palobo dao.

Nehemia 1:8

“Tiali, goli nago te Mosesba mani e tiwai pode te nago homu kone ebo me gegeda paligio, ‘Te dagego ena tudiba mubaso da, teda eno dage e tǫdu sela sąnama, tama dage te gasa tǫ pedaiba tedela palama, bidigi paibao,’ wali.

Te Israel me Juda Hani Sigo Tuni Bidigo Po Elalubo Buku Si 21:13

Tama te eno te Jerusalem taun dolabo kolesaga e tiwai dao, eno te Samaria bulu doloyu, te king Ahap aga hani dali doloyu yali deli kolesaga tiwai naga yaibao,” wali. “Tama eno te Jerusalem bulu taun dolama, tama te tigidali we bidi dabe mu dola silaibao, tama tilama, te Jerusalem taun te e tama tiwai elaluaibao, te plet pou wę telawai tiwai gilama, te magi nai mu me te dwasianu pobele bage me meni yai olo mu elaluaibao,” wali.

Bomai Po 32:26

Hasia da, eno augwali sese mu tama silabo homu yai goli dao, te tama tilama, te bidi mego augwali kone me igi meni dao.

Bomai Po 28:64

“Te Genuai Bidigo dage subigila teba teba dobola palaibao, te tigidali e tǫba tedela palaibao. Tama te bulude dabe dage augwaligo masigigo me nigo nigai tibo god dabeba lotu po waibao. Polobadu dage me duga wąį dagego te tibo godiba lotu po me wai menio.

Bomai Po 4:27

Teda Genuai Bidigo dage sese tama gasa buluba dabe subigila sela sąwaibao. Tama we bidi hauwa mu isila paibao, tama dage dwasianu we bidi naga te gasa haniani bidi hani tomode bidaibao.

Esekiel 24:11

Tialima, te bras sene te iside ulalumainu elama, te posolo hobulu mu yai pedalumainao. Te sene meda mu yali, te eno homugo te isigo te dila pai pobele bage hogomu silimainu elama, te sene wiegi yai meda meni yai ma pedalumainu yao.

Jeremaia 40:15

Tama te Johanan dali Gedalia augwa si bidudali sogo, Johanango Gedaliabolo te tiwai po walio, “Te nago enabolo te Ismael eligi pao po obaso, te usu egowe, ma meniwe? Te sę ebo te mena bidigo me konegobeo. Tiyu, nago aga gogolobaso, te agai nage ela muabuo, te megi nage dali sisinagasali Juda dabe, te augwali tedela palama, tama dago dwasianu hani te mu dolaibao,” wali.

Jems 1:1

Ena Jems dao. Ena God dali, Genuai Bidi Jisas Krais dali sigo sę ebo bidi dao. Dage te Israel bidi hani nogo si olama, sągą badu si wali bidi hani bage, dagede eno homu kone paluyu, eno te pas asęna tolobao. Dagego duga page bulu tagalama, tedela pelama, gasa haniani buluba polobadu bidigi pai. Tama eno dage dali dwagi yai homu eyu, e pas toloyu, dage tao obao.

Godigo Sęba Tagala Palai Bidigo Po 17:6

Tiali goli, augwaligo tega si gegali munu me sube. Tama tibaso, augwaligo Jeson badi, me badu Jisasgo po wali pabo bidi dabe badi, augwaligo te bidi dabe nogo tulama, te bulu page bidi kaunsil bidi pageba odasa pali. Augwaligo moni dagą bomai mu weyu, te po wali, “E bidi dabe augwaligo gasa kolesaga eyu, tigidali bulude bidibo we bidi dolobo dao,” wali.

Jeremaia 50:17

Genuai Bidigo e tiwai po wai, “Israel te sipsip me deli tiwai, te gasa tǫ kantri dabe te laion tiwai elama, aga dolainogo elama, te augwaligo aga pobeali. Hasia te Asiria kingo aga pageabi elama, tuali. Te nosali, te Babilon king Nebukatnesargo te agai nogo sągą dili dabe halua tuai dao.

Jeremaia 4:7

Te boi bidi dabe augwa bulu tagalama asali, te laiongo aga geme dualaluali pesage taga soabo tiwai yali. Augwali te tǫ kantri hauwa dolobo bidi dabe da, te augwali asiyu, dagego tǫ kantri dolagasaibao. Te dagego taun dabe mu dolaibao, tama te taun dabede te bidi me bidigobeo. Ena Genuai Bidigo eno te po wai dao.”

Aisaia 13:5

Augwali te digibulu bulu dabe te asalio, tama augwali te Genuai Bidigo enesigi de ene si tiwai dao. Genuai Bidi aga sębę mu elama, tama augwali sabolama, te tǫde bulu dabe sese dolama, silimainu yaibao.

Aisaia 13:13

Tama te sogo ena Tigidali Bomo Elalubo Genuai Bidi, ena te eno genuai posolai sębę dali mu asaibao. Tama eno dagalu dali, tǫ dali si mali ilaibao. Tama tǫ iba kila selama, tama aga pesage taga paibao.”

Aisaia 24:19

Te tǫ mali genuai mu elama, tama te tǫ tomode peda pelama, tama te tǫ dedage olo dala pai elaluaibao.

Aisaia 30:32

Tama te Genuai Bidigo te Asiria dabe elebo sogo da, te Genuai Bidigo we bidigo wiegi yai homu gana pelama, tama augwaligo haniani hąbidi me gita dabe te Genuai Bidigo nogo toulama, te Asiria dabe eliyu, poge wabo te wali pelama, augwaligo te nai elaibao.

Aisaia 34:2

Genuai Bidigo te tigidali bulu tǫ kantri dali haliga sębę eyu, te augwa ami bidi dabe dali me sębę yali. Tama agai te po weyu, te augwali tigidali isaibao po wai dao. Awe, agai augwali sese mu dola silaibao.

Aisaia 34:10

Te sia dabo munu me sia sogobeo. Menio. Te tigidali sogo ulade me hulide bomo elama, dedu, te hano sesemane sogo pedaliduaibao wai. Te Idom dabego tǫ olo sesemane sogo elalu, te bidi teba munu ma biligi pogobeo.

Jeremaia 51:34

Taun Jerusalemgo te tiwai po wali, “Babilon king Nebukatnesargo ena tulama, te ena mu silalio. Aga te bulu gula mane me deli tiwaigo ena mu dalali. Te agai haliga eno wiegi yai naigo pągąnai. Agai te nai tula silama, te ena te moni pou disde te nai habu deli me munalu sąbo tiwai ilali. Nosali agai ena mu peą sąwanio. Te Babilon dabego eno tigi mu dolama, te eno kaneme gelali. Te augwa dwai sę yali dao, te eno homugo te Genuai Bidigo augwa te dwai sę yali wei ponao,” po wai dao.

Nahum 1:5

Tigidali bulu du te Genuai Bidigo gesabidide mumunu elama, te olo wę tiwai me pedelali. Te Genuai Bidi sabalubo sogo tǫ te mumunu yai, te tigidali we bidi me mumunu elama gęo page ebo dao, wali.

Aisaia 29:2

Tiali goli, ena Genuai Bidi, eno te sęgę nageba sela asaibao. Nage eno alta tiwai bidali. Tiali goli, nage gela olama, hwą dwai mu waibao. Tama kaneme nagede pągąna paibao, te bidi dabego te alta saide te hasa dabe elama, te kaneme alta saide pągąbo tiwai yaibao.

Aisaia 32:12

Dagego duga hagawiade nogo sawaligo elama, tama dage hobedai gela duga wiegi wiegi yai gi dabe, me duga wiegi yai sawi yai wain gi hagede dage hobedai gela waiagameo.

Esekiel 6:14

Awe, te eno augwaligo tǫ kantri pedai mu dolaibao. Te eno augwaligo tǫ pedai tigidali te olo bulu pesage tiwai pedalubo yaibao, te tǫ wa pai bulu Diplatde gagalaibao. Eno te Israel dabe bidibo bulu pesage deli me sula tagalogobeo. Menio. Te eno tigidali dolama, te tigidali olo bulu pesage naga elalueibao. Tialima, te we bidi tigidaligo bugagia koneama, ena digi ena Genuai Bidi mu bidibo yabo po omainu yai dao,” te po wai.

Esekiel 7:12

“Te dolabo sogo pąde yagasalio. Te sogo te nai doado bage abelebo bidi dabe augwaligo homu pemene me egio, te nai doado bage maketde mubo bidi dabego me haliga sęgę me elamuo, magi baso menio, eno te sęgę mabo sę te tigidali bageba yaibao.

Esekiel 7:14

Augwaligo te hwįabo sisi ebo biugel bu obaso, te tigidali ami bidi dabe sisi ebo da. Tiali goli, te bidi me deli hwįgi pogobeo, magi baso meni, eno te hani tigidaliba haliga sębę elama, te augwali eno wi dwai mu ilai dao,” te po walio.