Aisaia 23:8 - Godigo dwagi yai po buku

⁸ Dego pode mu te hanu Tair dolaliwe? Te hanugo te gasa hanu dabe tonalumainu sa muai hanu dao. Tama agai bisnis bidi dabe te genuai bidi mu tiwai bidama, tama te tǫde we bidi dabego augwali nogi ugwaba siyu, genuai nogi mu mabo dao.

Aisaia 23:8 Referans Kwoze

Kraisgo Geme Dualali Sę Pedelabo Po Jonbolo Ola Mani 18:8

Agai te homu ebaso, polo te haniani dwai sę mu agabolo te deli sogo naga pedalaibao. Te genuai gasi pedaliyu, tama bidi hauwa augwaligo dwai gela weyu, tama genuai nasi yaibao. Tama siago te Babilon tigidali daibao. Magi baso meni, te genuai bomo mu elalubo Genuai Bidi God aga digi dagalama tama Babilon hanuba te dwai dene wei ponobo dao,” te po wabo te dagaludu asobo eno odali.

Aisaia 36:9

Nago homugo te Isip ami bidi dabe te hosidu ma karisdu aselama, te nage boi hwįbo tau sagasaibao homu ebao. Tiali goli, mu menio, augwali me asogobeo. Tama tialima, nago bomogo te dago dwasianu ami hani aiyaba elalueiba homu ebaso da, te usu me egobeo.

Aisaia 10:8

Agai dwai homu tali eyu, te po wali, ‘Eno bulu hauwa me elaluama, tama augwaligo genuai hanu dabe eno polo sai dao,’ po wali. ‘Tama me, te tuni bidi dabe eno augwali aiyaba elaluali, te bidi dabe augwali eno ami bidi tomode ofisa bidi bidimainu, eno augwali te sę mani. Te eno te hanu dabe aiyaba elaluali hanu dabe te Karkemis, me hanu Kalno, me Arpat, me Hamat, me Damaskus, me Samaria, tama dao.

Kraisgo Geme Dualali Sę Pedelabo Po Jonbolo Ola Mani 18:23

Te lam sole ula ebo te ula nagebolo ma iligobeo. Tama te we sainogo ebo bidi me, te bidi dali painogo homu ebo we me, augwali si dwagi yai homu eyu po wabo te nage tomode ma wagobeo. Polobadu nago bisnis bidi dabe augwaligo te masigi sabo sę elama, tama augwali te tǫde genuai nogi yai bidi dabe bidai. Tama nago tigidali bidi hani dali te nago tibo pode haniani pobi po wabo sę elama, tama augwali dwai tųba kegasa pali.”

Esekiel 26:12

Te boi bidi dabe augwaligo te dagego mone dabe me doado bage tigidali sobadi, tama dagego mone sabo bisnis sę ebo nai dabe tigidali saibao. Tama augwaligo te taun bagulali obo dabe aluama, te dagego wiegi wiegi yai be dabe mu dolaibao. Tama augwaligo te masigi dabe me, ni dabe me, tǫ dabe me, tigidali selama, te tamu ąįba sąwaibao.

Nahum 3:16

Te bisnis bidi dagego hauwa mu elaluama, te dagalude hǫ dabego namba aiyaba elaluali. Tiali goli megi te tigidali pela silalio, te kuli mano dabego bogo diniga palama, bola pabo tiwai yai dao.

Sekaraia 9:3

Tair te bomai taun pedelali te augwaligo dila pai masigi banisgo te taun bagulali. Tama augwaligo te hauwa silva me gol sisinani, tama te silva me gol te augwaligo gedude olo nai tiwai elaluali.