Aisaia 23:18 - Godigo dwagi yai po buku

¹⁸ Tiali goli, te mone dabe agai sabo da, aga sabo sabogobeo. Menio. Te nai dabe te God Genuai Bidigo nai dabe tiwai pedalaibao. Tama te Genuai Bidigo we bidigo te hanu Tairgo sisinani nai dabe saibao. Tama augwaligo tuabo nai hauwa mu elaluaibao. Tama wiegi, wiegi yai gudubo ugwa me elaluaibao.

Aisaia 23:18 Referans Kwoze

Godigo Nogi Ugwaba Sabo Tęąbi Po Wabo Buku Dabe 72:10

Te Spen king, me te tamu ąį tomo bulu ailan king dabego, teda augwaligo agaba te wiegi yai nai presen dabe mawaibao. Tama te Arebia king me, Itiopia kingo me, teda augwaligo agaba takis mawaibao.

Galesia 6:6

Te Godigo po odali bidi agai aga wiegi yai nai tigidali togolama, tama te Godigo po ola mabo bidibolo dobayao.

Ma Dobola Sali 28:36

“Tama dagego te wiegi yai gol me deli selama, te ula ilibo nai medal me deli nigilama, tama e tiwai po te naide asęao, ‘Te Genuai Bidigo Tedali Gasagi Yai Nai da,’ te po asęao.

Godigo Sęba Tagala Palai Bidigo Po 9:39

Tama te po obaso, Pita sisi elama, aga tega si dali pali. Tama Jopa buluba sabolama, augwaligo aga te ugwa badu be habuba odasa pali. Tede te bidi isai we dabe sibi augwaligo gela wabo suali. Tama Dorkas agai bidibo sogo te bulubuo ugwa dabe me, te kedau baso bulubuo ugwa dabe me nigilama, te bidi isai we dabebolo mawai. Augwaligo te ugwa dabe selama, Pitabolo ola mawai.

Dwagi Yai Gesi Po Lukgo Asęani 12:33

Duga munalubo nai dabe tigidali gasa bidibolo menama, mone ge selama, nai meni yai we bidibolo maiąo. Dagego tama tiyu da, ta duga wiegi yai nai dabe dagalude muiąo. Tama tede te nai me dologobeo, bidi mego wi sogobeo, mano dabego me tugobeo.

Dwagi Yai Gesi Po Lukgo Asęani 8:3

We me nogi Joana, Herotgo bede sę ebo genuai bidi Kusago we dao. We me nogi Susana. Me badu we dabe hauwago augwa monego Jisas me, Jisas aga dali bilibo bidi dabe me tau sali.

Dwagi Yai Gesi Po Makgo Asęani 3:8

te Jerusalem moni hanu me, te Idumea tǫ we bidi dabe me, te Jordan pabo ąį pedai u badu bidibo we bidi me, te moni hanu si Tair dali Saidon side bidibo we bidi, te genuai hani we bidi dabe augwaligo te Jisasgo ebo sę po odama, tama augwali agaba asali.

Malakai 3:10

Dagego duga doado bage tigidali dobolama, te nogo si pedai elaluyu, te me deli te eno beba sesao wali. Tama eno sę bidi dabego nai hauwa elaluaibao. Dagego tama tibaso da, te eno wiegi yai doado bage hauwa umabo dageba mayu, te dage me sǫą pogobeo, te nai mubo madi te usu egobeo. Te sunumi wali pobaso da, te dagego koneyu, te eno po tigidali mu po dao waibao.

Maika 4:13

Genuai Bidigo te po wali, “Dage Jerusalem we bidi dabe, dage pelama, te duga boi bidi dabeba dwai dene magi piąo. Te eno dage te bulmakau me deligo te gąų ain, me sągą bras te bomo elalubo tiwai pedalumainu ilaibao,” wali. “Tialima, dagego te we bidi hani hauwa agamainu yaibao. Te boi bidi dabego te hwįyu sali tigidali nai doado bage, te dagego selama, enaba mawaibao, te tigidali tǫde Genuai Bidi dao,” te po wai.

Kolesaga Koneai Bidigo Pusali Po Elalubo Buku 2:26

Te we bidi mebago te Godigo homu wali pobaso, tama agai augwali dali dwagi yai homu ebo dao. Agai augwaliba te wiegi yai homu kolesaga menama, te augwali pemene ilibo dao. Tiali goli, te tobage kolesaga isąwai bage, te dwai sę ebo bage yaibaso da, teda agai augwaliba te sę dene menama, te sali nai hauwa te sisinama, te Godigo dwagi yai homu ilibo we bidi augwaliba momainu ebo dao. Te sę dene eyu, doado bage hauwa sabo kolesaga me te page meni yai elalubao, te bidi udayu, te wali nogogo tola sainu ebo tiwai ebo dao.

Bugagia Bidibo Kolesagade Po Asęai Buku 28:8

Te bidigo te bidi dabego agaba te nai negeli somainu elama, tama agai te augwalide gasa ugwadu daganobo profet mone genuai dali sobaso da, teda agai te mone tolalubaso, usu me egobeo. Menio. Te mone te magi nai meni yai bidi dabe tau sabo bidigo nogoba pelama, tama te magi nai meni yai bidi dabe tau somainu ebo dao.

Bugagia Bidibo Kolesagade Po Asęai Buku 13:22

Te wiegi yai bidi isibo sogo, te aga hani ogwa dabego te agai doado bage hauwa saibao. Tiali goli, te dwai bidigo sisinibo sę yali mone yai baso da, teda nosali te doloba pai bidi dabego te agai sisinani nai dabe sabo dao.

Godigo Nogi Ugwaba Sabo Tęąbi Po Wabo Buku Dabe 45:12

Te Tair bulu we bidi augwaligo te nageba wiegi yai homu ilibo nai dabe sesaibao, tama te mone hauwa elalubo bidi dabego me te nageba wiegi yai homu ebo nai dabe mawaibao.

Godigo Nogi Ugwaba Sabo Tęąbi Po Wabo Buku Dabe 72:11

Tigidali kingo agaba kidu sugunaibao. Tama tigidali hani we bidigo te agai sę yaibao.

Esekiel 26:12

Te boi bidi dabe augwaligo te dagego mone dabe me doado bage tigidali sobadi, tama dagego mone sabo bisnis sę ebo nai dabe tigidali saibao. Tama augwaligo te taun bagulali obo dabe aluama, te dagego wiegi wiegi yai be dabe mu dolaibao. Tama augwaligo te masigi dabe me, ni dabe me, tǫ dabe me, tigidali selama, te tamu ąįba sąwaibao.

Sekaraia 14:14

Tama te Juda bidi hani dabego te Jerusalem tau selama, te boi hwįaibao, te Jerusalem we bidi dabe dolidali weyu tama tiaibao. Tama augwaligo te bulu tǫ kantri bidi dabego doado bage hauwa mu saibao, te gol me silva me ugwa dabe, tama nai dabe saibao.

Matyu 25:16

Aga pai madi, tama polo te 5,000 kina sali bidigo te monede bisnis sę elama, tama gasa mone te 5,000 kina sali, te moneba ugwadu daganani mone te profit mone dao.