Aisaia 23:1 - Godigo dwagi yai po buku

¹ Genuai Bidigo te hanu Tairde pedalabo sę dabe po mani. Te genuai sip dabe, dage tamu węde bilibo sip dabe, dage hobede elama, gela waiąo. Magi baso meni. Dagego bulu Tair sese tigidali polo dolai dao. Tama tede be me dolalubeo, te bulude. Me, te sip dabe tubo pesage tede dolai dao. Nago te sę te ailan Saiprus tagalama, ma asobode dagego koneaibao.

Aisaia 23:1 Referans Kwoze

Tigidali Nai Gagalama Nigali Side 10:4

Te Javango ogwa dabe da, e dao, Elisa, Tarsis, te Saiprus bidi hani me Rodan hani bidi dabe dao.

Jeremaia 47:4

“Magi baso meni, te Filistia tigidali dolabo sogo, te pedelalio. Eno augwali sunumi paliama, te augwaligo Tair me Saidon dabe tau me sogobeo. Polobadu mu te Filistia dabe augwa wąį nǫų dabego te ailan Krit tagalama, te genuai buluba bidagasali. Tialima, megi da, Genuai Bidi eno te dwasianu bidalubo Filistia hani dabe dolainogo homu ebo dao.

Jeremaia 25:22

tamame te tigidali Tair kingba, te Saidon king, me te tamuąį u badu pedai badu bidibo hani dabebolo mawaibao, wali.

Aisaia 2:16

Te agai te genuai dwagi yai sawi sip dabe me dolaibao.

Jeremaia 2:10

Edao. Dage sip sela pelama, te ailan Saiprus te giliga dega sabo badu pelama, te Saiprus dabego kolesaga suao. Tama te bidi dabe dagego te bulu Arebia dabego tǫba te giliga pedalubo badu tagala palama, te augwaligo kolesaga bugagia osola suao. Te dagego subadi, te hani me deligo te duga ebo tobage dwai kolesaga tiwai ebo suaibawe? Mu menio.

Aisaia 23:12

Agai e tama po wali, “Sawi yai hanu Saidon, nage wiegi yai homu me ma elama, bidigobeo. Magi baso meni. Nage dolama, mu dolama elaluaibao. Tama tibaso, dage hanu Saidon we bidi, dage hogodama, te ailan Saiprusba piąo. Tama tiali goli, tede me dage bugagia me bidigobeo,” wali.

Te Israel me Juda Hani Sigo Tuni Bidigo Po Elalubo Buku Deli 22:48

King Jehosafatgo po obaso, te sę bidi dabego genuai sip te tǫ kantri Ofirba gol sigi pabo sip dabe nigali. Tiali goli, augwali pabeo, magi baso meni, te sip dabe te saut badu tamu ąį nambisde elaluali taun Esiongeberde dolali.

Te Israel me Juda Hani Sigo Tuni Bidigo Po Elalubo Buku Deli 10:22

Solomongo te genuai sip hauwa elaluali, tama te sip dabe te buluba pabo te Hiramgo sip dabe dali bilali. Te sip dabe te kibu be selade biliyu, te gol, me silva, me te elefan kele, me te haniani hasa monki dabe selama, tama augwaligo te Israelba selasa asali.

Daniel 11:30

Tama te giliga degasa dulubo badu bidi dabe te Isipba gebadu aselama, tama aga dali hwįbaso, tama aga wi yaibao. Tama agai te wado po dwai mu olama, ma begasa peyu, tama agai te Godiba lotu wabo we bidi dabe dolaibao. Agai te God tudiba mubo bidi dabe dali dwagi yai sę yaibao.

Esekiel 26:1

Te da Babilon tǫde kalabuside bidibadi te kibu be 11 wabode, tama te poluade deli wabo side, Genuai Bidigo enabolo te tiwai po pusalio,

Jeremaia 25:15

Genuai Bidi, Israelgo God, agai enabolo te tamapo wali, “Jeremaia, te eno tolalubo kap waingo, te enohaliga sębę usu sai elalubao. Te kap selama, te nageeno te tigidali tǫde bidibo we bidi hani hauwaba tagalapalama, nago augwali te kapde ąį tumainogo ilagameo.

Aisaia 60:9

Te digibulu buludu asobo sip dabe dao. Mu tama, te digibulu bulu we bidi dabego te eno augwali tau sabo tonaluai. Augwaligo te genuai sip dabe tagala palali, te nago ogwa dabe nageba ma sesalio. Te we bidi dabego te hauwa silva me gol te sip dabego sela somainu tolali. Augwa tama tiali, magi baso meni, augwaligo te eno nageba wiegi yai sę bugagia eyu, genuai nogi elalubo sulama yali, te augwaligo Israelgo Genuai Bidi, te ena Godiba genuai nogi mayu yali, ena te Wiegi Yai Doloba Pai Kolesaga Mu Ebo God dao,” te po wai.

Aisaia 24:10

Te genuai hanude nai dabe sese mu dola silalio. Tama tigidali be sunumi dabe palialua pali. Te bidi me tomoba me pabo usu ebeo.

Aisaia 15:8

Te hanu Eklaimde bidibo we bidi, me te hanu Bedelimde bidibo we bidi, me te bulu Moap tomode bidibo we bidi, augwali gela obao. Tama augwaligo gela genuai pedalali.

Godigo Nogi Ugwaba Sabo Tęąbi Po Wabo Buku Dabe 48:7

Godigo te genuai wali te giliga asobo badu asomainu elama, tama te Tasis hanu bidi dabego genuai sip dabe dolali.

Tuni Bidi Dabego Po Elalubo Buku Si 9:21

Te king Hiramgo boskru dabego Solomongo genuai sip te kantri Tarsisba sela peyu ebo dao. Te Solomongo te sip dabe tagala palobo sogo da, augwali kibu be sela mu biliyu ebo dao. Tama augwaligo gol dabe, me silva dabe, me elefan kibugo kele dabe, me haniani hasa monki dabe sela asiyu ebo dao. Tama nosali augwali ma biligi peyu ebo dao.

Te Israel me Juda Hani Sigo Tuni Bidigo Po Elalubo Buku Deli 5:1

Polobadu Hiram te Tair hanu king bidigo te Devit dali wiegi yai abagi olama bidai. Tama Hiramgo odali, te Solomongo te Devit hasegelama, tama te king pedelali po odobaso, agai te tobolu bidi mebago te Solomon sugi pomainogo tagala palai dao.

Josua 19:29

Tama te dąį begelama, te Rama teba pelama, tama te Tairba pedelali, te hanude te dila pai obo masigigo bagulai elaluali. Tama te dąį begelalima, te Hosaba pelama, tama pali, te Mediterenian Tamu Ąį te badu sabolali. Te tǫ pedaigo te Mahalap, me Aksip sobadi,

Israel Hanigo Namba 24:24

Te Saiprus dabego te sip geba sela aselama, tama te Asiria de Eber dali hwįnama, augwali aiyaba elaluaibao. Tiali goli, Saiprus dabe me mu tama hagawaibao.”

Dwagi Yai Gesi Po Lukgo Asęani 10:13

Te Jisasgo po ma wadolama weyu, te po wali, “Dage te hanu Korasin we bidi dabe, hobede mu yaibao. Betsaida bage, dage me hobede mu ebao. Magi baso menio. Te bidi me deli te hanu si Tair me Saidonba pelama, te eno dage tomode yali bidi noma sabo bomai sę tiwai me igi pigi sogo da, teda te polo tama te Tair me Saidon, te hanu side bidali we bidi dabe homu begeligi dao. Tama augwa homu hasegeliyu, augwa dwai dwai sę yalide moni homu eyu, dwai homu dene elama, te homu dene ebaso gudubo ugwa dabe gudulama, te augwa tobolude keli pilama dugulalugi dao. Te augwa yali dwai sęde homu kone palama tama tigi dao.

Aisaia 23:6

Dage te tamu wę sesegede bidibo we bidi dabe, dage hobede elama, gela olama, te Tarsis buluba poloba tama wi pao.

Esekiel 26:2

“Tǫde bidio, eno te tamu ąį tomode elalubo tǫde elalubo taun Tair we bidide po elalubao, te tǫ te tamu ąį sesege pąde elalubao. Te Tair taunde bidibo we bidigo homu pemene eyu, e tiwai i hae obao, ‘Jerusalem dolobaso, te gasa tǫ kantri bidi dabe teba pelama, te mone sabo bisnis sę yali te ma igi pabo usu me egobeo. Megi da, te augwali aselama, da dali naga te nai dabe dobu si ebo bisnis sę yagasaibao, tama tiyu dago doado bage hauwa saibao,’ po wabo dao, te Tair we bidi.”

Esekiel 27:6

Tama augwaligo te ni kali te bulu Basande selama, te ąį togobo habesege dabe nigai. Tama augwaligo te sip aiyaba mubo soiyame ni te tobage wiegi yai ni me deli te bulu Saiprusde selama, nigali. Tama augwaligo te genuai kibu nogi elefango genuai kele dabe selama, te sip aiyaba sabo soiyame saidu au ilali.

Esekiel 27:30

Te tigidaligo nagede haliga hobede eyu, dwai gela nagede waibao. Tama augwa te homu dene ebo kolesaga wali peyu, te augwa tobolude pu pilama, tama kelide pila muyu, tama te kelide ugwa begelu, eda begeleyu iduaibao.

Jona 1:3

Tiali goli, Jonago te Genuai Bidi tagalama, tama te hanu me deli nogi Tarsis teba wi painogo yai. Tialima, aga hogodama, te nambisde elalubo dwasianu hanu Jopa teba pelama, tama agai te hanu Tarsisba painu ebo te sip me deli gegali. Agai te sip abelama, teba holali. Agai te Genuai Bidi tagalama painu wi palio.