Aisaia 22:7 - Godigo dwagi yai po buku

⁷ Te hwįbo nai o awa da dagego sawi yai odogo bulu pągąwaibao. Tama te hos kibude duabo ami bidi dabe augwali te hanu sunumide doligi pelama, tama hwįabo no munaluaibao.

Aisaia 22:7 Referans Kwoze

Aisaia 37:34

Ena Genuai Bidi, eno te Asiria king te aga asali sunumidu te begasa ma pomainu ilaibao. Tama tibaso, aga te Jerusalem tomoba me asogobeo.

Aisaia 22:6

Te bulu Elam ami bidi dabego enesigi dali, ene dali si tolasa asaibao. Tama augwali te hwįbo kibu hos, me te hwįbo awa dali tama asaibao. Tama te hanu Kir ami bidi dabe da, augwali te hwįbo sabili dabe dali asaibao.

Aisaia 22:8

Te boi bidi dabego te sę dabe yaibao. Magi baso meni, Genuai Bidigo te bulu Juda me tonalusiąma ebaso. Tama te sogo dagego koneama, te boi bidi dabego dageba hwįagasaibao homu ebaso da, teda dagego te hwįbo nai dabe te Moni Ni Sili Lebanon Be nogi ebo tede munalubao homu eyu da, teda dage agai bugagia bidibo tau saibao.

Jeremaia 1:15

“Magi baso meni, ena Genuai Bidi, megi da, eno te not badu tigidali king i olama, augwali te augwa ami bidi dabe dali asaibao. Te king dabe aselama, te augwa king dugabo sia sai te Jerusalem taun tomoba pabo sunumi pąba muagasaibao, tama augwaligo bomogo te taun bagua saibao. Tama augwaligo te tobage deli kolesaga naga te Juda dabego gasa taun dabeba me te tama tiwai yaibao.

Esekiel 4:2

“Tama te brik pąde, nago te amigo te taun me deli bagua selama, te we bidi augwali dali boi hwįnama, te taun sainu eyu, te tigidali sę yabo nai piksa nigibo tiwai yao. Te tǫ te taun obo pąde te tǫ du tiwai me nigao, te ami bidi dabe augwa te daiba bugagia dolugulama, boi hwįabo pesage tiwai piksa nigao. Te ami dabego bidabo pesage te taun pąde nigibadi, te taun aluabo masin dabe piksa me nigao,” wali.

Esekiel 4:3

“Nigila silama da, teda te aingo nigai nai ulubo pou me deli selama, te nage dali te brik dali tomode ugaba dodolama, te obo dodolao. Tama nago te taunba tonaluao. Te Israel we bidi augwaligo nago te tebo sę sulama, te augwaligo konemainao, nosali te ami bidi dabe asama, te Jerusalem aiyaba elalueibao,” wali.