Aisaia 22:4 - Godigo dwagi yai po buku

⁴ Tama tibaso, eno dagebolo te walobao. Dagego eno haliga nagame elama bidimainu igimio. Dagego enaduba deli naga bidimainu tagalao. Magi baso meni. Eno we bidi mu dolai baso, ena homu sęgę elama, ena gela weyu ebao.

Aisaia 22:4 Referans Kwoze

Jeremaia 9:1

Idao! Te eno tobolu te ulu wę me deli tiwai elaluyu, tama te eno gedu sidu te ąį hauwa geligi da, teda eno homu dene dwai mu eyu, gela wabo usu igi da. Te eno giligade me hulide gela udigi da, magi baso meni, te boi bidi dabego te eno hanigo we bidi dabe ela muai dao.

Matyu 2:18

“Augwaligo po me deli te Rama hanude odali. Augwaligo te genuai gela wabo me te hobede yabo i wabo me odali. Te we Resel aga wai dabe hagede gela obao, tama te we bidi augwaligo aga homu wiegi yai me ilibo usu ebe. Magi baso meni. Aga wai dabe augwali tigidali isalio.”

Maika 1:8

Tialima, Maikago te po wali, “Te sę dabe pedelaibao, tama tiyu, ena te haliga hobede eyu, gela waibao. Te eno sągą nadoba su me musiąma, te eno dwai pisila pai nami ugwa naga gudaibao,” wai. “Te eno homu dene eyu gela wabo, te yowigo goo wabo tiwai weyu, te haliga homu dene elama, te i wabo te ebigo dwai hwa wabo gilama yaibao,” po wai.

Jeremaia 31:15

Genuai Bidigo te tiwai po wali, “Genuai gela wabo me, te hobede ebo po me, te Rama taunde pedelaibao. Te we Reselgo aga wai dabe isaide te hobedai gela waibao. Te aga te we bidi dabego wiegi yai haliga penebo aga hagela homu yali, magi baso meni, aga wai dabe tigidali te munu me bidibeo.

Jeremaia 13:17

Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.

Godigo Nogi Ugwaba Sabo Tęąbi Po Wabo Buku Dabe 77:2

Te sęgę ebo sogo, eno te Genuai Bidiba gedu haluasa po agaba weyu yali, tiali goli, eno te nagame pai homu ebo me sabeo.

Dwagi Yai Gesi Po Lukgo Asęani 19:41

Te Jisas te Jerusalem moni be nani pąba asiyu, te be nani suyu, agai te be nanide bidibo we bidide homu dene eyu, gela wali.

Dwagi Yai Gesi Po Lukgo Asęani 1:2

Augwaligo te sę gagalobo te gedugo suali bidi dabego po siyu wali pai dao. Te gedugo suali bidi dabe augwaligo te po pupusu bilai dao.

Matyu 26:75

Tama megi da Pitago Jisasgo aga dali wali po homugo ma koneanio, “Te ba kakaruk po wasiąbadi, tama nago po sela sogo olama, te nago ena konebeo waibao.” Tama Pita aga te bedu buluba solama, gela geninama mu wai dao.

Jeremaia 8:18

Eno hobede elama, tama haliga sęgę dwai mu elama, tama eno homu kolesaga tigidali dolalio.

Jeremaia 6:26

Tialima, Genuai Bidigo te po wai, “Dage eno we bidi dabe, dagego te homu dene ebo ugwa dabe gudulama, te sia kelide pila mudu bebegeliduao. Dagego genuai gela weyu, hobede ebo tęąbi wao, te aya ida wai deli naga elaluali, augwa te wai isibo sogo homu dene ebo tiwai yao. Magi baso meni, te polo mu tama te boi bidi dabe dageba pedeliyu, te dage dolaibao,” wali.

Jeremaia 4:19

Eno haliga dwai mu ebao. Eno te genuai dene tologobeo. Agai ena aiyaba mu elalubao, te eno homu kolesaga tigidali me dologobeo. Eno pedauwali me pania sogobeo, magi baso meni, eno odali, te ami bidi dabego te bu wabo biugel bu weyu, te i bomonama wabo odobao.

Aisaia 33:7

Suama, te Jerusalemde genuai bidi dabe te sunumi dabede bidiyu, gela dabe obao. Tama te bidi dabego te boi pibo sogo pedalomai ebadi, augwali gela bomonama me oduali.

Aisaia 15:3

Tama augwaligo hobede yai ugwa dabe gudama, tama te hanu sunumi dabede bilaluali. Tagala, augwali augwa be pedude bidibo me, o deliba sisinibo pesagede bidibo me. Tigidali gela genuai mu wali. Tama gela ųga hauwa mu augwaligo gedudu tulalualio.

Jeremaia 9:18

Tialima, te we bidi dabego te tiwai po wali, “Awe, te augwali polo asesą aselama, te daba hobede ebo tęąbi wagasomainao, te da gela umagia weyu, te dago gedude gela guai tulaluyu, te dago gesabidiba dulumainu yaibao,” te po wali.

Te We Bidi Dabego Jerusalem Hagede Gela Wali 2:11

Eno te Jerusalemde pedelali nai dabe homu kone palama, tama ena gela waligo eno gedu dene mu ebao. Eno te hobedai we bidi dolama elalubo sulama, ena gasa homu dwai mu ebo dao. Eno homu dene dwai mu yalio. Magi baso meni, eno suali, te nai tusiąwai wai puluba dali, wai bǫų dabe dali suali. Augwaligo bomo kimi meniama, tama didibili elama, te Jerusalem sunumi dabede tuloluama, munalua pabo sualio.

Esekiel 27:31

Tama augwa tobulu nisi poala sąnama, te wane ilaibao. Tama augwa te homu dene ebo side mubo ugwa gudama, te augwali dwai haliga mu eyu, te gela oladu bidaibao.

Esta 4:1

Mordekaigo te pasde elalubo po odali sogo, te aga dwai wi mu yali. Te aga homu sęgę mu ebaso, tama aga ugwa pisąwali. Tama agai te pipisila pai badi ugwa munama, tama te sia keli te aga tobolude muani. Agai muna silama, tama aga te hanu tomoba pali, tama gela genuai weyu, tama homu dene ebo balia wabo sę yai.

Esekiel 21:11

Megi tama augwaligo te bainat hwą meda holobao, te agai bidi elabo sisi elalueibao. Augwaligo te elego dulama, meda hola silai elalubao, tialima augwaligo te we bidi dabe elabo bidi nogoba muaiba.