Aisaia 22:21 - Godigo dwagi yai po buku

²¹ Tama eno te nago te tuni bidigo ofisa bidigo gudubo wiegi yai ugwa me kibu wali selama, te Eliakim gudulaibao. Tama agai nago megi ebo sę saibao. Tama agai te Jerusalem we bidi, me te Juda we bidi, tigidali tonaluaibao. Tama aga augwaligo aya tiwai bidaibao.

Aisaia 22:21 Referans Kwoze

Tigidali Nai Gagalama Nigali Side 45:8

Tama dagego digi enade mone siyu, tama ena tagala palobaso, te ena e buluba soabeo. Menio! Godigo digi ena tagala palobaso, tama ena soali. Tama agai ena te Ferogo aya tiwai ilali. Eno agai bede me bulubadu hani tigidali tonalu, tama ena te Isip tigidali pedai badu tolalubo tobolu bidi bidibo dao,” Josepgo te po wai.

Esta 8:15

Tama augwaligo te tuni bidigo tedela ugwa me te sisi ugwa te Mordekaigo tigiba munama, tama aga te mama bobobage ugwa me deligo aga banulai. Tama nosali augwaligo te genuai gol madi te wiegi yai au elalubo te aga toboluba muai. Aga te au ela selama, tama te tuni bidigo be tagalama, buluba teda soalio. Tama Susa moni hanude bidalubo we bidi augwaligo sulama, tama augwali wiegi yai homu pemene eyu, tama genuai po dągą olama, i wai.

Esta 8:2

Tuni bidigo te Hamango nogode munaluali nogode holobo ring aga ma selama, tama aga nogode munaluali te ma dilama, te Mordekaibolo mani. Te ringde te tuni bidigo dąį nigilali elaluai. Tama Estago Mordekai sa munama, te Hamango tonaluali doado bage tigidali te Mordekaigo tonalu te tonalumainu nigilalio.

1 Samuel 18:4

Tama Jonatan aga bobage holobo ugwa te pedelama, tama aga hwįbo doado bage me te sali. Tama agai te doado bage dali, te bainat me, sesemone me, kukulu me selama, te Devitba mawai.

Jopgo Po Asęani Elalubo Buku 29:16

Tama ena te nai meni yai bidi dabego aya tiwai bidama, tama eno augwali tau sai dao. Tama eno te gasa buludu asai bidi dabego po tau sai dao, te gasa bidi dabego po tų elama, augwali aiyaba elaluainu ebaso tau sai dao.

Esekiel 23:15

Te piksa dabe da, te gegunai bidi dabego te kukulu gudama, te augwaligo wiegi yai au yai ugwa dabe selama, te augwa tobolude bagulali. Oholibago te Babilon ami polalubo ofisa dabe piksa suali, te gasa sawi yai mu ebaso,