Aisaia 22:17 - Godigo dwagi yai po buku

^17-18 Nago homugo nage bomai bidi dao homu ebawe? Mu menio. Genuai Bidigo nage tola selama, gosegelama, miminama, tama dwasianu kiki tiwai yaibao. Tama agai nage tǫ me genuai digibulu me elalubo madi digibulu mu sąwaibao. Tama nage te bulude isaibao. Tama nago te tagalobo sawi yai karis tagalaibao. Nage da, te tuni bidigo sę ebo bidi dao, tiali goli nago tuni bidigo haniba nago hale sela asobo bidi dao.

Aisaia 22:17 Referans Kwoze

Jeremaia 14:3

Te genuai bidi dabe augwa sę ebo bidi dabe tagala palama, te ąį tugi pao wali. Augwali te ulu wę dabeba pali, tiali goli ąį me elalubeo. Tama augwa te sospen sene olo ma sela pai. Te we bidi dabe augwa homu kone palali dwai mu ebaso, te augwa hale ebaso, augwa gesabidi halua siyu yai dao.

Jopgo Po Asęani Elalubo Buku 9:24

Godigo dwai dwai kolesaga ebo bidigo e tǫ tonalumainu sula tagalai dao. Tama agai te po tų odobo bidigo kolesaga begelama, tama te po tų bugagia odobo meni. Ma, Godigo te sę dabe igi menigi sogo da, teda dego mu igi dawe?” Jopgo te po wali.

Esta 7:8

Tialima, tuni bidi te gide bidali tagalama, te nai tubo be habuba ma aselama, tama agai suali, Haman te Esta dulalu nai tubo bet sai te badu degasa dulai elalubo suai. Hamango Estabolo te aga olo tau somainu ebo po hanalu wai hagede tama tiali. Tiali goli, tuni bidi agai te tama telalubo sulama, i wali, “Ei, te bidigo ena gedude digi te tuni we kwin te eno bede penani yainu homu yalio,” te po wai. King bidigo po ola silibode, tama polo mu te sę bidi dabe asu, te Haman tobolu te ugwago haluama, te tuni bidigo elainu ebo bidi te tiwai sę augwaligo yai dao.

Aisaia 22:16

“Sepna, nago naga hani me nago tǫ ede menio. Te nago homugo nage de dao homu eyu, nago te bidi dabebolo te bulu du dologode dilai masigi dedage dogwao po waliwe? Tama te masigi dedage nago dwagi yai gų page tiwai elaluaibawe?

Jeremaia 10:18

Magi baso meni. Genuai Bidigo te tiwai po wali, “Te sogo eno dage Juda tǫ we bidi gasaba sela sąwaibao, bidigo te masigi du te kukulu tede belama, te hogolama, tama sąbo tiwai yaibao. Te eno genuai sęgę dageba menama, te dage dene mu ebaso, gę mu naibao.”