Aisaia 22:14 - Godigo dwagi yai po buku

¹⁴ Tigidali Bomo Elalubo Genuai Bidi aga digi ena pageba mu aselama, eno olode te po mu tama walio, “Eno dagego te dwai sęgę gegeda sągobeo, te dage isiboba usu nigi paibao,” wali. Te da, te Godigo po dao, Tigidali Bomo Elalubo Genuai Bidigo po.

Aisaia 22:14 Referans Kwoze

Esekiel 24:13

Dage Jerusalem, te yaba yali po wali page te dagego dwai meda yai kolesagade dąį elasa walio. Eno dagego dwai kolesaga sela sąbo usu sali, tiali goli dagego hagela yali. Dage meda dali bidabo homu naga yali. Tialima, te ena haliga sębę ebaso, te eno dageba dwai dene mabo sę ebaso, te eno dageba dwai dene mabo sę mu yaibao. Tama dage te meda dali me tama bidaludubadi, te eno haliga sębę yali silibo sogoba usu naibao,” wai dao.

Aisaia 5:9

Eno odali, Genuai Bidi Tigidali Bomo Elalubo Bidigo te po wabo eno odali, “Mu tama, te genuai dwagi yai be dabe dolama, te olo elaluaibao. Awe, bidi dabe te wiegi yai be dabe me bidigobeo.

1 Samuel 3:14

Tama teyu, eno te Eligo hani sibibolo te tiwai bomai po wai dao, te kibu elebo ofa ma te gasagi yai ofa ebo sę me deligo te augwaligo dwai sę yali, te munu me sela sągobeo. Mu menio,” wali.

Amos 3:7

Mu tamao, tigidali sę God Genuai Bidigo yabo homu ebo sę, agai aga sę bidi dabebolo hasia po pusaibao, te profet dabeba waibao, tama nosali agai wali po gilama te sę ebo dao.

Aisaia 30:13

Tama tibaso, dagego dwai kolesaga polo yalio. Tama te dwai kolesagago dage mu tama dolaibao. Te da te dwasianu dedage te obo ugwadu tobolude elaluamo, te genuai elasa pabo tiwai dao. Tama deli sogo tama, te obo togwa pelama, degasa pali.

Aisaia 26:21

Suao, Genuai Bidi aga bulu dagalu tagalama, e tǫba te asobao, te e tǫde we bidi dene mawainu, tama augwa yali dwai sę wei ponainu. Tama tǫgo te bidi dabego kaneme me geme dualogobeo, te gasa bidi dabego augwali ela wialali dabe. Menio. Agai te bidi dabego yali dwai kolesaga dabe sese tama haninaibao.

Aisaia 13:11

Genuai Bidigo te po wali, “E tǫ te we bidigo dwai sęgęgo pągąna pali. Tama tibaso, eno augwali dene mawaibao, te augwaligo dwai sę yali wei ponoyu yaibao. Te bidi dabe augwa digi augwa nogi ugwaba sabo bidi dabego nogieno aiyaba elaluaibao. Me, homu dene isiąyu, te augwaligo gasa bidi dabe aiyaba elalubo bidi dabe me.

1 Samuel 9:15

Te polobadu side kigamu te Genuai Bidigo Samuelbolo te tiwai po wai,

Aisaia 31:2

Tiali goli, agai me wiegi yai homu kolesaga elalubao. Tama agai dwai dene te dwai we bidibolo me dene ilaibao. Tigidali sogo Genuai Bidigo aga wali po wali naga pabo dao, hasegelegobeo. Agai te dwai bidi dabe dali, me te bidi dabe te dwai kolesaga ebo bidi dabe wali bilibo dabe dali, hwįaibao.

Aisaia 65:7

Te eno duga yali sęgo sęgę dali, te duga bulai wąį nǫų dabego yali sęgę dali tolomainu yaibao. Te duga bulai wąį nǫų dabe te lotu wabo pesage te bulu du bageba holama, tama augwa te wiegi yai hano denami ilibo ofa eyu, tama augwa te haniani dwai kolesaga ena gedude yali. Tama eno augwa yali dwai sę tigidali usu nama, dolo mu te wei ponaibao,” wali.

Aisaia 65:20

Te dwasianu ogomani dabe me te ogomani bidi elalubo sogo me isigobeo. Menio. Tigidali we bidi te bobobage sogo sesabi elama, mu bidama, te monu dabe mu pedelaibao. Te augwa kibu be bidi sese a naga 100 yia bidali, te tagalao, augwali te gesi tigi elalubo we bidi bidaibao, tiyu augwali me deli te kibu be bidi sese a naga 100 yia bidisiąbadi isibaso, te gasa bagego homugo te Genuai Bidi eno aga isimainu yai da, te homu yaibao,” te po wai dao.

2 Samuel 6:23

Tama Mikal, Solgo wegi, te aga wai me ame nisąbadi, te aga isibo sogoba usu nani.

Amos 8:7

E po odao. Genuai Bidi, te Israelgo aga nogi ugwaba sabo God, agai nogo guni sisu muyu, te tiwai bomai po dąų wai, “Eno dage Israel dabego dwai kolesaga ebode homu kone me gegeda palogobeo.