Aisaia 22:12 - Godigo dwagi yai po buku

¹² Tama te sogo God, Tigidali Bomo Elalubo Bidigo homugo dage homu dene elama, gela omaina homu ebao. Tama dage duga tobolu nisi gudama, tama hobede ebo ugwa gudumainu homu ebao.

Aisaia 22:12 Referans Kwoze

Joel 2:17

Te pris dabego Genuai Bidigo sę eyu, te aga be sunumi me alta tomode yali, augwa te gela weyu, te gedu haluasa po te tiwai waiąo wali, “Genuai Bidi, nago naga we bidi dabe da homu dene yao,” wao. “Te nago da homu dene isąbaso da, teda te gasa hani we bidi dabego da tudiba muyu, tama daba posobo po te tiwai waibao, ‘Te dagego God mena bidibawe?’ te po waibao.” Te pris dabego te po waiąo.

Joel 1:13

Dage te altaba ofa ebo pris dabe, dagego te homu dene ebo side gudubo ugwa gudama, tama dage gela waiąo. Te hulide dagego te homu dene ebode gudubo ugwa gudama, te Godigo be tomoba pelama, tama gela udubadi, te be posoboba usu nao. Magi baso meni, te dena Godiba ofa yabo nai me wain meni yai dao.

Maika 1:16

Te boi bidi dabego te dagego homu godolo mu ebo wai dabe selama, te selasa paibao. Tialima, te duga wai dabede homu dene ebo gela weyu, tama te tobolu nisi tigidali poala sąnama, te tobolu wane kikili ilao.

Jems 5:1

Megi eno te dage walu hauwa munalubo bidi dabe dali te po obao. Dage dwai homu eyu, te hwa weyu, gela weyu yao. Dagebolo moni dwai sęgę dali, dene dali si tamadi pedalaibao.

Amos 8:10

Te genuai lotu wabo bodolu side, eno te isai bidide homu dene ebo sę pedalubo tiwai ilaibao. Te dagego wiegi yai pemene ebo balia te eno hasegelama, te augwaligo haliga sęgę elalu wabo balia pedalubo tiwai ilaibao. Te dage haliga sęgę elama, gela waibao, te aya ida aga ogwa deli elaluai, te isaide homu sęgę elalu, gela wabo tiwai yaibao. Te augwa we de bidi si te homu dene ola mabo ugwa gudama, te augwa si tobolu nisi tigidali poala sąwani, te augwali sigo homu dene ebo ola momainu yali. Tama eno dage te tobage kolesaga tiwai naga wali pomainu ilaibao. Te dwai sę ebo sogo, te dageba genuai sęgę mu pedalu, te dwai sę ebo silibo sogoba usu naibao,” wali.

Jona 3:6

Te Ninive tuni bidigo te Jonago pusagasali po odama, tama aga te dualaluali gasagi yai wiegi yai duabo sai tagalali. Agai te wiegi yai au yali ugwa sela sąnama, tama homu dene ebo gudubo ugwa munama, tama aga te sia keli daide bidalio.

Aisaia 15:2

Tama tibaso, te genuai hanu Dibon we bidi augwali te augwa tibo god dabeba lotu wabo pesageba dabe pelama, tama gela wagi pali. Te Moap dabego te hanu Nebo, me hanu Medeba polo dolai yaibaso, gela wali. Augwali hobede mu elama, tama augwa tobolu nisi me penane nisi poala sąyanio.

Kolesaga Koneai Bidigo Pusali Po Elalubo Buku 3:11

Godigo digi te tigidali nai pedelabo sogo bodolu muani, tama augwali te wiegi yai sogo bodolu muanide mu pedelaibao. Tama me agai dago homu hodolama, tama dago te polobadu pedelali nai dabe konemai da homu eyu, tama te nosali pedelabo nai me konemainu homu eyu tama tiali. Tiali goli, Godigo aga polobadu digi ela pali sę tigidali te nosaliba mu usu nama, te dago mu konemainu ebo sę ebeo.

Kolesaga Koneai Bidigo Pusali Po Elalubo Buku 3:4

Agai te gela wabo sogo muyu, te gisugu wabo sogo bodolu muyu yali. Agai te hobede yabo sogo muyu, te tęąbi po wabo sogo muyu yalio.

Jopgo Po Asęani Elalubo Buku 1:20

Jopgo te po odama, moni homu sęgę elama, aga ugwa pįsilama, tama aga tobolu nisi tologali, te aga homu dene ola mayu tiali. Tama aga bogoli si tǫba bulama, Godiba gedu haluasa po wali.

Nehemia 9:9

“Tama nosali te dago wąį nǫų dabe te Isipde bidali sogo, te Isip dabego augwaliba genuai sęgę mabo nago suali. Tama nosali augwaligo te Isip tagalama, te tamu ąį Retsi teba sabalu, te augwali tau sao olama, te nageba gela wabo nago odalio.

Esra 9:3

Eno te po odolama, tama ena haliga sęgę dwai mu yai. Tama te ena ugwa pisilama, tama ena tobolu nisi meba me, te penane nisi badi, te gudalio. Tama eno homu te mu umuna selama, tama ena te olo dugulalualio.

Tuni Bidi Dabego Po Elalubo Buku Si 35:25

Tama profet Jeremaiago Josaiade hobede tęąbi po me deli asęani. Tialima megi me te tęąbi po wabo we bidigo te hobede tęąbi po me wabo dao, te king Josaia kone paliyu yabo. Tama te hobede ebo sogo tigidali sogo te Israel dabe augwaligo te hobedai tęąbi po wabo dao. Te hobedai tęąbi po te hobedai tęąbi dabe elalubo bukude te elalubao.

Aisaia 3:24

Tama te sogo te Jerusalem we dabego polobadu auwali tiai me egobeo. Te augwaligo sanda wel meniama, tama augwaligo tigi kugumini dwai mu yaibao. Te augwaligo sawi yai ugwa me, ugwa name me augwaligo kukulu gudabo ugwa name menia saibao. Tama tibaso, augwali dwai ugwa dabe gudama, tama dwai bonogo augwaligo ugwa dąų walaibao, te bono te kukulu gudubo ąǫ yaibao. Te augwaligo augwa tobolu au me iligobeo. Magi baso meni. Te boi bidi dabego augwaligo tobolu nisi sese poala sąnama, tama augwaligo tobolu wane yaibao. Tama me augwaligo sawi gesabidide da, te boi bidi dabego kalabus bagego magi augwaligo gesabidide togaibao.

Aisaia 26:10

Tiali goli, nago dwai we bidi hobede igi sogo da, teda augwaligo te nago doloba pai kolesaga konea sigi menio. Augwali doloba pai we bidigo te tǫde bidibo me tagala, augwaligo te dwai kolesaga me ebo sę yaibao. Tama augwaligo nago genuai nogi koneyu, me augwaligo nago bomo me koneyu, me augwali nage dologode me elalugi menio.

Aisaia 29:1

Genuai Bidigo e tama po wali. “Jerusalem, megi da, nage eno alta tiwai bidibao. Tiali goli, nage dolaibao. Nage te genuai hanu polobadu tuni bidi Devit bidali madi, nage dolaibao. Kibu be deli o si bolo pomainu yao, te tigidali lotu po wabo genuai sogo me.

Aisaia 32:11

Megi da, dage wiegi yai te bidibao, tama dagego homugo dage wiegi yai te bidiba homu ebao. Tiali goli, dage noma selama, wi elama, tama duga wiegi yai ugwa dabe peda sąnama, tama hobedai ugwa dabe gudiagameo.

Aisaia 58:3

Augwaligo enaba te tiwai po wali, ‘Genuai Bidi, dago te nai habu selama, te dena digi aiyaba elalubo nago suali, tiali goli magi baso nago te da tau sabo sę isąbawe?’” “Tiali goli, ena Genuai Bidi, eno augwaliba te tiwai po wei ponani, ‘Te tigidali side dagego te nai habu selebo sogo dąį ilali, dagego te duga naide digi naga homu kone palama, te dagego duga sę ebo bidi dabeba dwai sę ebo dao.

Jeremaia 4:8

Tama tialima, dage te homu dene ebo sogo gudubo ugwa dabe munama, te gela weyu, hobede ebo tęąbi po waiyąo. Magi baso meni, Genuai Bidigo dade haliga sębę umabo eyu, tama agai te haliga sębę ebo me tagalobeo.

Jeremaia 7:29

Jerusalem, nago naga tobolu nisi togola sąyu, te nago hobede ebo ola mao. Te nage bulu duba holama, te hobede ebo tęąbi wao, magi baso meni, te nago we bidi dabego te Genuai Bidi haliga sębę dwai mu ilibao. Tama tialima, Genuai Bidigo te hani we bidi dabe homu godolo munu me isiąma, te augwali tudiba muai dao.

Jeremaia 16:6

Te kantri tǫde bidali tigidali genuai bidi me, olo bidi me, te isaibao. Te augwali pubulabo bidi menia saibao. Te augwalide homu dene eyu, gela wabo bidi meniama, te aga digi aga tigi wali tologoyu, te aga tobolu nisi poawaibao, te aga homu dene ebo ola mayu, te tama tegobeo.

Jeremaia 16:8

“Tama nage te genuai nai daa tubo beba pelama, te augwali dali deliba kisalu, te nai tuyu, ąį tuyu me tigio.

Esekiel 27:31

Tama augwa tobulu nisi poala sąnama, te wane ilaibao. Tama augwa te homu dene ebo side mubo ugwa gudama, te augwali dwai haliga mu eyu, te gela oladu bidaibao.

Daniel 5:1

Te Belsasar Babilonde king bidali sogo, agai genuai nai da me deli tuali. Agai te aga gegunai bidi dabe te nai tuboba asomainu i olama, tama augwali aga dali te wain ąį tuali, te kingo wiegi yai genuai be tomode. Te sisinani gegunai bidi dabe nedali namba, te tiwai, te 1,000 bidi dabe dao.

Hosea 9:1

Israel dabe, dagego te wiegi yai kolesaga wali pisąbo te haiden bidi dabego ebo kolesaga te dagego te genuai nai daa tuyu, te lotu wabo sogo ebo kolesaga tagaliąo. Magi baso meni, te dagego duga God tudiba munama, te dagego aga wali me pabeo. Te tigidali badu, dagego te Balba lotu weyu, te sunumide penani ela bilibo wego ebo kolesaga tiwai ebao. Tama te penani ebogo te mone sabo sę tiwai ebo dao.

Joel 1:8

Dage we bidi dabe, dage gela waiąo, te gesi wegi aga sainu yali bidi isibaso, te aga gela wabo tiwai iyąo.

Aisaia 37:1

Hesekiago te Asiria dabego po odobo si da, teda aga haliga sęgę mu elama, te aga ugwa pįsawalio. Te agai homu dene ebo ugwa gudama, te Genuai Bidigo tempel be tomoba palio.

Aisaia 37:2

Tama Hesekiago te Eliakim i wai, te kingo be tonalubo bidi dali, Sepna, te kingo kuskus bidi, te polalubo pris bidi dabe me i wai. Tama agai augwali tagala paliyu, te profet Aisaia sugi pomainu yali, te Amosgo ogwa dao. Te bidi dabego me te homu dene ebo ugwa gudasa pali.

Joel 2:12

Tialima, Genuai Bidigo te po wai, “Mu dao, te tigidali sę pedelaibao, tiali goli megi dage haliga begelama, enaba ma asiąo,” wai. “Tama duga te nai habu selama, tama haliga hobede elama, gela weyu, enaba ma asiąo.