Aisaia 22:11 - Godigo dwagi yai po buku

¹¹ Tama dagego genuai dedage deli te hanu bobegelali obo si tomode nigai dao, te tigidali uludu asobo wę ge bo dąį elalumainogo. Dagego te tama sę dabe yai dao. Tiali goli, dagego God me kone me ebeo. Agai deligo naga te nai dabe dageba pedalabo po polobadu digi bodolu muai dao.

Aisaia 22:11 Referans Kwoze

Maika 7:7

Tialima, ena da, ena digi dwagi yai homu eyu, eno konealubo homu Genuai Bidiba dąų walio. Te Godigo eno gedu haluasa po wabo odama, tama eno te eno God agai ena tau sagasobo tonalubo dao.

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo

Aisaia 17:7

Tama te sogo te we bidi dabe homu begelama, tama Israel dabego Godiba lotu po waibao, te aga te augwali nigali God dao. Tama aga da te Israel dabego Dwagi Yai Doloba Pai Kolesaga Naga Ebo God dao.

Te Israel me Juda Hani Sigo Tuni Bidigo Po Elalubo Buku Si 25:4

Tama te sogo te Babilon hanigo te masigigo nigai genuai obo banis te me badu pedai badu deli auluama, te Jerusalem taun tomoba augwali pai. Tialima, te king Sedekaia dali, te Jerusalemde bidibo ami soldia bidi dabe dali, augwaligo homugo wi painu, tama be hulide augwali te kingo giba pabo tųdu peyu, tama te augwaligo te taun tagalama, te obo banis si unulali nogo habu badu te elalubo tųdu augwali pai. Te umabo Babilon hani bidi dabe augwaligo te Jerusalem taun bulu bologobea sabo sę me elalubo suali, tiali goli te Jerusalem taun ami soldia bidi dabe augwali tama te Jerusalem taun tagalama, tama augwali te wę Jordan wę elalubo odogoba pabo tųdu wali pali.

Jeremaia 39:4

King Sedekaia dali te tigidali ami dabego te Babilon dabe asobo sulama, te augwali wi pai. Te hulide augwali te kingo gi badu pelama, tama augwa te moni obo si ununani te sunumidu te wi pai. Tama augwa te Jordan wę odogo pesagedu pabo sunumi wali pali.

Aisaia 37:26

“‘Senakerip, nago konebeo, te polobadu digi eno te sę ebode homu kone palama, tama nage te sę emainogo sa muyu dąį ilali. Eno nageba bomo menama, nago te bomai obo elalubo taun dolomainu yai. Te nage peyu, nago te taun dabe alubaso, te augwali degasa pelama, te masigi pesage genuai holama, tama te pobele bage hogomu genuai pesage igulali.

Aisaia 8:17

Megi da, eno te Genuai Bidi agai yaibao wali te sę ebo deli naga tonaluaibao. Agai Israel we bidiba polo tudi ola mawai dao. Tama agai augwaliba te begela ma tonogobeo. Tiali goli, eno agai bomo deli naga konealuaibao.

Nehemia 3:16

Tama Nehemia, te Asbukgo ogwa, aga te distrik Betsur hanude tobolu bidi dao. Tama aga dali aga hani dabe augwaligo te Salumgo hanigo yali obo dagedu wadolama yali. Augwaligo te obo sę ela pelama, te tuni bidi Devit gų pageba saboligi pali. Tama te wę ge te bidi dabego te bomai ami bidi dabego be mesalo pąba tagaligi pali.

Te Israel me Juda Hani Sigo Tuni Bidigo Po Elalubo Buku Si 20:20

Te king Hesekiago te tigidali haniani sę yali po da, te po gasa bukude elalubo, augwaligo e tama nogi wabo da, Te Juda Hanigo King Bidi Dabego Yali Sę Po Buku dao. Te bukugo te tigidali bomai sę agai yali po, tama te tǫ dulude te bobobage wę asabo wę gamia tų agai nigilama, te Jerusalem taun buluba wę kegasa asai dao. Tama te e bukugo me te po wabo da, te agai ulu wę nigai da wabo dao.

Aisaia 7:3

Tama Genuai Bidigo Aisaiabolo te po walali, “Naga ogwa Searjasup oda selama, tuni bidi Ahas sugi pao. Dage te wę sabo wę gamia Jerusalem ugwa badu piąo. Tama dage sigo te tuni bidi te name ugwa wę telabo pesageba pabo genuai sunumide te tuni bidi tiąba pao.