Aisaia 22:1 - Godigo dwagi yai po buku

^1-2 Genuai Bidigo te Na Yabo Odogo Bulu tede na dabe pedalabo po mani. Te genuai hanu Jerusalem we bidi dabe, dagego mena homu mu eyu, dagego hai olama, wiegi yai homu ebawe? Tama dage duga be peduba hola pelama, tama hai bomona mu olama, tama te kulukulu tigidali te hanu usu nubao. Naga te bidi dabe isali da. Augwali te bomai ami bidi dabe tiwai e hwįnama, isai menio. Te boi bidi dabego augwali moni hwągo elebeo. Menio.

Aisaia 22:1 Referans Kwoze

Jeremaia 21:13

“Jerusalem, ena Genuai Bidi, eno po dolo nageba obao, eno nageba boi bidi ebao. Nage ugwadu bidu, nago te bulu odogoba aiyaba tononobo dao. Nage te daide ugwadu mu elalubo genuai masigi tiwai elalubao. Te dage Jerusalem we bidi, dagego te po obao, ‘Dego daba hwįagasaibawe?’, tama ‘De te dago taun tomoba asaibawe?’

Godigo Nogi Ugwaba Sabo Tęąbi Po Wabo Buku Dabe 125:2

Te Jerusalem bagualu elalubo bulu du dabe, te tiwai naga megi, me nosali tigidali sogo telaluaibao, te Genuai Bidigo aga we bidi bagualubo dao.

Joel 3:14

Te hauwa umabo we bidi te odogo malu buluba sisinama, po tų yaibao. Te dwasianu sogo te Genuai Bidi te buluba pedelabo bodolude te pedelaibao.

Joel 3:12

Godigo te po wai, “Te we bidi hani dabe te sisi elama, te odogo malu tǫba dulao,” wali, “augwaligo te God Te Po Tų Odobo Jas Dao nogi poali tǫba dulao. Ena Genuai Bidi, ena te pesagede dugulalu, te Israel pąde bidibo tigidali gasa hani we bidi te po tų ilaibao,” wai dao.

Aisaia 15:3

Tama augwaligo hobede yai ugwa dabe gudama, tama te hanu sunumi dabede bilaluali. Tagala, augwali augwa be pedude bidibo me, o deliba sisinibo pesagede bidibo me. Tigidali gela genuai mu wali. Tama gela ųga hauwa mu augwaligo gedudu tulalualio.

Polgo Po Pas Rom Dabeba Asęani 3:2

Tegoba! Te wiegi yai haniani sęde te Juda dabe augwaligo te gasa hani bage aiyaba elalubo dao. Te hasia nai e dao: Godigo agai wiegi yai po te Juda dabe augwaligo bugagia tonalumainogo mawai dao.

Maika 3:6

“Dagego eno we bidi dabe tibo po ola mobaso, tialima megi da, dagego te profetgo te nade sabo po tiwai munu me ma sogobeo,” wali, “tama te nosali pedelaibao wabo nai po te dagego me wagobeo. Te dagego bodolu sogo megi silainu ebao. Te giliga iba dega sigulama, te be hulia sabogo dage mesega sabo tiwai gilama ebao,” walio.

Jeremaia 48:38

Ena Genuai Bidi, eno te kantri Moap dolaibao, te bidigo te sę meni yai te tǫgo nigai sospen dabe alubo tiwai yaibao. Te Moap habu tigidali badu, te genuai gela u wabo pedelaibao. Te augwa bede ugwadu bidali me, bidi sisinibo pesagede bidali me, tagalao, tigidali te gela wabo umabo mu yaibao.

Aisaia 13:1

Godigo Babilon bulu dolabo homu yali, tama te po te nade ebo tiwai agai te po Aisaiabolo walalio, te Amosgo ogwabolo.

Bugagia Bidibo Kolesagade Po Asęai Buku 29:18

Te Genuai Bidigo po te we bidibolo masiąwai menigi sogo da, teda augwaligo te haniani dwai kolesaga igi da. Tiali goli, te bidigo Godigo bomai po wali pali da, teda aga wiegi yai homu pemene eyu, bugagia bidaibao.

Godigo Nogi Ugwaba Sabo Tęąbi Po Wabo Buku Dabe 114:5

Tamu ąį, magi nai pedalubaso, nage wi paliwe? Jordan wę, magi baso tama nage ma soabewe?

Te Israel me Juda Hani Sigo Tuni Bidigo Po Elalubo Buku Si 6:28

Awe, tama kingo aga hanalu wali, “Nago homugo eno mena tama nage tau somainu obawe?” Tama te wego te po wei ponoyu, e tama wali, “Ena dali, te e wego aga dali, dadi sigo e tama po olama dąų wai, tama dadi sigo te po wai, hasia eno ogwa bolo elama tuaibao wai, tama nosali dadi sigo te agai wai elama, tuaibao wai.

2 Samuel 14:5

Tama kingo agaba hanalu wali, “Nago magi sęgę elalubawe?” Tama wego te tama po wali, “King o, ena bidi isai dao.

1 Samuel 11:5

Te sogo Sol te gide sę iduai. Tama aga te gi taga soabo sogo, tama te sę ebo bulmakau odasa asobadi, agai te we bidi dabego gela wabo odali. Aga te bidibo pesageba sabolama, tiali te agai augwaliba hanalu wali, “Magi baso dage tigidali gela waliwe?” Tialima, augwaligo te Jabes dabego augwaliba ola tolali po wai.

1 Samuel 3:1

Te gesi ogwa bidi Samuelgo te Genuai Bidigo sę ebadi, te Eligo aga tonaluali. Te kibu be hauwa bidai madi, tama Genuai Bidigo te Israel dabebolo po hauwa sogo me wasiąwai. Te deli deli sogo naga te aga augwaliba te nade pedalubo tiwai elama, te augwaliba po magasali.

Te Israel Tobolu Bidi Dabe 18:23

Tama Maikago hanigo te Dango haniba i olama, hae wai. Tialima, te Dango hani dabe begelama, te Maikabolo wali, “Magi sę yaliwe? Magi baso nage te genuai hani bidi dali asaliwe?”

Bomai Po 22:8

“Te dagego gesi be me sę ebo sogo, dagego te be nigilama, te sawale yai pedu sesegede dagego dwasianu obo yao, te bidi me tula muidali weyu. Tama tiyu da, te obo elaluali goli, te bidi me tulaluyu, isilibaso da, teda dagego sęgę sogobeo, te page aga digi dao,” Mosesgo te po wali.

Tigidali Nai Gagalama Nigali Side 21:17

Godigo te ogwa gela wabo odali. Tama Godigo mobo bidi ensel te dagalude bidiyu, tama i olama, Hagarbolo te po wai, “Magi yaliwe, Hagar? Nage wi me elamuo. Godigo te ogwa aga bidibo madide gela wabo odalio.

Matyu 10:27

Tama te hulide eno dagebolo ola mabo po, te po dagego te giligade we bidibolo pusao. Tama dagego te olode duadigi odali po, te dagego te be daiba holama, te po augwalibolo pusao.

Aisaia 22:5

Magi baso meni. God, Tigidali Bomo Elalubo Genuai Bidi, agai te haniani sęgę dabe dage te Na Yabo Odogo Bulu pedalabo sogo me polo bodolu muai dao. Te boi bidi dabe hauwa mu aselama, tama augwaligo hae dali iba, oba bomona ela bilaibao, te udula biliyu. Tama dage noma selama, gegede bilaibao. Augwaligo te hanu obo dabe hųgiyu yaibao. Tama dage wi yaibao. Tama dagego i wabo da, digibulu mu paibao, te tigidali bulu du usu naibao.

Jeremaia 32:29

te augwaligo isi nogolama, te taun siago tigidali ulaibao. Tama te isigo te we bidi ugwaba holama, augwa be pedude te wiegi yai denami ilibo ofa te tibo god Balba iduali alta isigo daibao, te gasa god dabeba te wain ofa geludali. Tama te kolesaga idualigo te we bidi augwaligo ena haliga sębę dwai mu iliduai dao,” wali.

Jeremaia 32:32

Te tigidali Israel me Juda we bidigo ena dwai haliga sębę umagia mu ilama, te augwaligo dwai kolesaga haniani yali. Tigidali olo we bidigo me, te king dabego me, tobolu bidi dabe me, pris dabe me, profet dabego me, tigidali Juda we bidi me, Jerusalemgo me, te dwai kolesaga ebo dao.

Sefanaia 1:5

Te eno te we bidi augwali augwa wiegi yai dolaba pai be peduba pelama, tama augwaligo te polua, me giliga, me hǫ dabeba lotu wabo we bidi me dolaibao. Mu tama, we bidi hauwa augwaligo enaba lotu po weyu, e tama po wabo, ‘Mu tamao, dago Genuai Bidi wali pobao,’ po wabo dao. Tiali goli, augwaligo tibo god Molekba lotu wagi peyu, me augwaligo te po ‘Te mu tama,’ po wabo dao, ‘dago god Molek wali pobao,’ po wabo dao. Tialima, eno augwali dolaibao.