Aisaia 21:4 - Godigo dwagi yai po buku

⁴ Eno tobolu gęǫ elama, tama wigo eno tigi didibili yali. Eno te pio giliga iba dega siyu, hulia sagasabode, eno godolo mu ebo dao. Tiali goli, te sogo hulide te naigo ena wi mu ilalio.

Aisaia 21:4 Referans Kwoze

Nahum 1:10

Dage te bomai wę tuyu gęo page mu yali bage tiwai dao, dage dwai madi bidibao. Agai dage tigidali silaibao wali, te siago te sesani yai nosai me kala wa pai te isi tula palobo tiwai yaibao.

Daniel 5:5

Tialima, polo tama bidi me deligo nogo te be habu togwa sali pai tede pedelama, tama te nogogo nogo ge me deligo te pai ugwadu tede po asębo sę yali. Te badu te lam sole ula genuai ebadi, tama kingo te nogo gego asębo te hania mu sualio.

Daniel 5:1

Te Belsasar Babilonde king bidali sogo, agai genuai nai da me deli tuali. Agai te aga gegunai bidi dabe te nai tuboba asomainu i olama, tama augwali aga dali te wain ąį tuali, te kingo wiegi yai genuai be tomode. Te sisinani gegunai bidi dabe nedali namba, te tiwai, te 1,000 bidi dabe dao.

Jeremaia 51:57

Te king, agai nogi da Tigidali Bomo Elalubo Genuai Bidi dao, agai te tama po wali, “Eno te Babilon genuai bidi dabe gęǫ page ilaibao, te ofisa bidi dabe, me kolesaga koneai bidi dabe, me gavman bidi dabe, me tobolu bidi dabe, me ami bidi dabe, te kolesaga umuna palobo sę ilaibao. Te augwali mu godege pilama, te munu ma hodalogobeo.

Jeremaia 51:39

Tialima, ena Genuai Bidi, eno po dolo obao, te augwaligo dwai kolesaga yabo haliga hogodobo sogo da, te eno genuai nai tuabo daa me deli pedelama, te augwa ąį hauwa tulama, gęǫ eyu, pemene eyu, i hae weyu yaibao. Te nosali augwali mu godege pilama, te augwali munu ma hodalugobeo.

Esta 5:12

Tama Hamango po ma weyu, te po wai, “Te kwin we Estago te genuai nai daa te tuni bidi de ena dali, da si naga te nai daa tuboba asao wai. Agai gasa bidi me asao olama i me wabeo, mu menio. Tama agai te po wai, te da si aga dali do ma nai tugi paibao po wali.

Bomai Po 28:67

Te tigidali nai dabe dagego subo da, dage wi dwai mu ilaibao. Tama tibaso, dagego be posobo si polo pomainogo yaibao. Tama tigidali sogo kigamu dagego te po waibao, ‘Te be polo pio eyu da, wiegi yai yaibao,’ te po waibao. Tama pio da, dagego te po waibao, ‘Te be kigamu polo eyu da, wiegi yai dao,’ po waibao.

Daniel 5:30

Tialima, te sogo hulide naga tama, te Midia dabe aselama, te Belsasar ela muagasali, te Babilon king dao.

Bomai Po 32:11

Godigo Israel dabe bugagia tau selama, tama te Israel dabe augwali me dolobeo, te ba kemodagego aga wai bola pomainu ola mabo tiwai yali. Tama te ba gǫų tulaluainu ebode, te kimi ba aga dologo badu polo pelama, tama aga bogogo sabua sabo dao, tama te ba gǫų dolobo menio.

Godigo Nogi Ugwaba Sabo Tęąbi Po Wabo Buku Dabe 55:5

Awe, ena wi mu elama, tama eno tigi te didibili dwai mu ebao. Te wigo ena aiyaba mu elaluai.

Te Israel me Juda Hani Sigo Tuni Bidigo Po Elalubo Buku Deli 1:49

Te Adoniya dali dugulaluyu nai tudali bidi dabego te Jonatango te po wabo odama, tama augwali wi dwai mu yai. Tama augwali hogodama, tama te Adoniya taga peyu, tama augwali tedela palio.

Godigo Nogi Ugwaba Sabo Tęąbi Po Wabo Buku Dabe 55:6

Tialima, eno te tama po wali, “Hobede ya, te eno homugo te ba dabego bogo tiwai sigi da homu yai. Tama ena bola pelama, te toma nabo pesage me deli gegelama, tama ena tede dugulalu dabo homu ebao,” wali.

Jeremaia 4:19

Eno haliga dwai mu ebao. Eno te genuai dene tologobeo. Agai ena aiyaba mu elalubao, te eno homu kolesaga tigidali me dologobeo. Eno pedauwali me pania sogobeo, magi baso meni, eno odali, te ami bidi dabego te bu wabo biugel bu weyu, te i bomonama wabo odobao.