Aisaia 21:2 - Godigo dwagi yai po buku

² Eno te sę te God ena mani na me deli dwaide suali. Eno Godigo te po wabo odali, “Te Babilon dabe te ili po olama, geagano bilibo sę eyu, tama gasa we bidi hani dali dwai sę ebo bage dao. Tama augwaligo te kolesaga genuai mu pedalomainu ebo. Tama tibaso, te Elam ami bidi dabe, dagego te Babilon buluba hwįagasao. Tama Midia ami bidi dabe, dagego te hanu bobegela sagasiąo. Eno te Babilon dabego gasa we bidi dabebolo mani sęgę silaibao,” wali.

Aisaia 21:2 Referans Kwoze

Jeremaia 49:34

Genuai Bidigo te tǫ kantri Elamde po elalubaso, tama agai te po te profet Jeremaiabolo mawai, te Sedekaia te Juda king bidali sogo dao.

Aisaia 33:1

Dage te gasa bulu dabe dolobo hani, dage dolaibao. Te mu tama, dage me dolobe dao. Tiali goli, dagego gasa bulu dabe dolobo bodolu sia saibao. Tama duga digi duga dolaibao. Dagego te gasa hani dabe ili po walama, tama dagego te po mia selama, tama dagego augwali te boi bidi dabego nogoba mubo dao. Te mu tama, te gasa hanigo da dage me ili po me ola masiąbadi goli. Tiali goli, dagego te gasa bidi dabe ili po wabo sogo te sia saibao. Tama te gasa bidi dabego dage ili po olama, tama dage te boi bidi dabego nogoba muaibao.

Aisaia 24:16

Te we bidi te tǫ sesegede digibulu bidibo bage augwali wiegi yai homu elama, tama augwaligo wiegi yai homu ebo tęąbi po wabo. Tama augwaligo te tęąbi po da e tama dao, “Genuai Bidigo nogi ugwaba sao. Agai tigidali sogo wiegi yai kolesaga mu ebo dao.” Tiali goli, eno e tama po wali, “Hobede mu dao. Ena wiegi yai homu mu egobeo. Eno haligade moni sęgę mu elama, eno olo dali mu sia sabo homu ebo. Magi baso meni. Te eno suali, te dwai sę eyu, ili po weyu tama ebo bidi dabego gasa bidi dabe ili po ola mani, augwali dali dwai sę yali, eno te po wali.

Godigo Nogi Ugwaba Sabo Tęąbi Po Wabo Buku Dabe 60:3

Nago te sęgę hauwa te naga we bidi dabolo mawai. Tama nago dabolo te wain ąį menama, tumainu ebo tiwai yai. Dago tulama, tama da te umuna pai mu pedelali.

Kraisgo Geme Dualali Sę Pedelabo Po Jonbolo Ola Mani 13:10

Niwai bidi me deli te boi bidigo aga nogo dunama tama aga kalabusiba muabo sa muani bidi, te aga te kalabusiba pomainao. Niwai bidi me deli aga te poa pai gaia gego elabo sa muani bidi, te bidi augwaligo te ge hwągo mu ela mueibao. Te tiwai kolesaga augwalibolo pedalobaso da, teda te Godigo we bidi augwaligo Godide augwa homu bugagia kęą pai we bidi bidiyu, tama augwaligo te sęgę bugagia tolao.

Daniel 5:28

Tama te ‘Pedao’ wali po page, te tiwai, Godigo te nago tonaluali tǫ kantri pedelama, tama me badu te Midia dabeba doba yali, te me badu Persiaba doba yalio,” Danielgo te po wali.

Daniel 8:20

“Nago te omai sipsip me deligo te gąų kom si elalubo suali. Te bulu tǫ kantri si, Midia me Persia sigo king bidi side po wai dao.

Te We Bidi Dabego Jerusalem Hagede Gela Wali 1:22

Nago eno yali dwai sę kone palama, tama nago ena dene manio. Tama tialima, nago megi da, te boi bidi dabego dwai kolesaga koneama, tama nago ena dali yali te kolesaga tiwai elama, tama nago te boi bidi dabe dene mao. Magi baso meni. Ena gela dwai odubao, tama eno bomo tamunaluyu, didibili elama, tulolueibao.”

Jeremaia 51:53

“Babilon te dagaluba ugwanu dąį mu igulama, te boi hwįbo bomai pesage nigali da, tagalao, eno te nai dabe dolabo bidi augwali tagala palama, te augwaligo aga doligi dao. Ena Genuai Bidi, eno te po wai dao,” wali.

Jeremaia 51:44

Eno te Babilongo tibo god, te Belba dwai dene mabo sę eyu, te eno agai te dalali nai dabe bugulabo sę ilaibao. Tama te tǫ kantri we bidi augwali agaba me asogobeo. Tama te Babilon bagulali genuai obo te tigidali pepeda paibao,” te po wai dao.

Jeremaia 51:11

Dage Babilongo boi bidi dabe, duga ene dabe dulama, te hwįabo sabele dabe sao. Genuai Bidigo te Babilon dabego agai be dolaliba homu kone palama, te agai dwai dene augwaliba wei ponainogo ebao. Agai te Babilon mu dolainogo, tama agai te bulu kantri Midia homu hodolama, te Babilonba hwįagasomainogo yai dao.

Jeremaia 50:34

Tialima, te augwali ma sabo bidigo, agai bomo elaluai, agai nogi e tiwai dao, Tigidali Bomo Elalubo Genuai Bidi dao. Agai bomonama eyu, augwali tau selama, te augwa boi bidi dabe aiyaba elaluaibao. Te agai tigidali bulu tǫ kantri we bidi augwaliba te bugagia homu tegaluama bidabo sogo mawaibao, tiali goli, te Babilon dabe me tegobeo. Menio. Agai augwali te dwai mu tama bididumainogo yaibao.

Jeremaia 50:14

Genuai Bidigo te Babilongo boi bidi dabeba e tiwai po wali, “Dage te enesigigo ene enebo mu konea pai hani dabe, dagego te genuai taun Babilon bagulama, te lain wasilama, boi hwįao. Dagego enesigi umagia kekelama, te ene hauwa agaba enao. Dagego te taunba umabo sę mu yao, magi baso meni, te Babilon dabego ena Genuai Bidiba dwai sę ebo dao.

Jeremaia 31:25

Te bidi me deligo tigi bomo silibaso da, teda eno aga dąų walaibao. Tama te bidi aga haliga sęgę elalubaso, te eno agai haliga usu naibao,” wali.

Jeremaia 31:20

Ena Genuai Bidi, eno te po obao, eno Efraim te godolo mu yali, aga eno ogwa dao. Tigidali sogo eno aga nogi wedu, eno agade homu kone yai. Eno haliga agaba mu mudubadi ebao. Tialima, eno olo tau sabo wiegi yai kolesaga agaba yai dao.”

Aisaia 47:6

Eno wado po dwai mu te ena we bidi dabeba wali, te eno augwali te ena we bidi da te tiwai homu kone munu ma ebeo. Te eno nage aselama, augwaliba dwai sę yagasomainu ilali, te nago augwaliba homu dene dwasianu me ebeo. Menio. Nago augwaliba dwai dene mu ilama, te augwaliba genuai sęgę mawai. Te nago monu dabeba me te augwali genuai sęgę mu tolomainu ilalio.

Aisaia 35:10

Te Genuai Bidigo ma dobola sali we bidi dabe, te augwali wiegi yai pemene dali te Jerusalemba ma asaibao. Te augwa genuai po dagą weyu, balia weyu, te sunumidu aselawaibao. Te augwa wiegi yai bugagia mu dugulalu, te augwa pemene umabo mu yaibao. Augwa te wiegi yai pemene ebo munu me sia sogobeo. Te dene, me haliga sęgę, te augwalide munu ma me elalugobeo.

Aisaia 22:6

Te bulu Elam ami bidi dabego enesigi dali, ene dali si tolasa asaibao. Tama augwali te hwįbo kibu hos, me te hwįbo awa dali tama asaibao. Tama te hanu Kir ami bidi dabe da, augwali te hwįbo sabili dabe dali asaibao.

Bugagia Bidibo Kolesagade Po Asęai Buku 13:15

Te bidigo homu wiegi yai elalubaso da, teda te bidi dabe aga wei homu yaibao. Tiali goli, te tibo po wabo bidigo te dąų walali po bolama, aga te dwai sunumidu bilibo dao.

Godigo Nogi Ugwaba Sabo Tęąbi Po Wabo Buku Dabe 79:11

Nago te kalabuside bidibo bidi dabego gela wabo odao. Tama te nago genuai bomogo, nago te bidi dabe te boi bidi dabego po weyu, te isimainao po wali bidi dabe, augwali ma sao.

Godigo Nogi Ugwaba Sabo Tęąbi Po Wabo Buku Dabe 12:5

Tiali goli, Genuai Bidigo te tama po wai, “Te megi da, ena asaibao, magi baso meni, te magi doado bage meni yai bidi dabe te bidi dabego aiyaba elaluai. Tama te dene me sęgę tolali bidi dabe, te augwaligo gela udali. Te eno augwali te bugagia bidabo te augwa sainu tonaluali madi, teba muaibao,” wali.

1 Samuel 24:13

Te polobadu digi te wali po nago koneani, ‘Te bidi dwaigo naga te dwai kolesaga yaibao.’ Tiali goli, ena te bidi dwai meni tiyu, te eno dwai kolesaga nageba me egobeo. Mu menio.

Te Israel me Juda Hani Sigo Tuni Bidigo Po Elalubo Buku Si 17:6

Tama te Israel hanigo king bidi Hosia te Israel hani dabe dali king bidi nigilama bidibadi, te agai kibu be te 9 kibu be silama, tama te sogo te Asiria king bidigo te boi hwįnama, te Samaria hani me aiyaba elaluama, tama te taun sali. Tama agai te Israel hani te Asiria buluba selasa pai, tama te me badu bidi dabe te agai te Hala taun bulude bidao wali, tama te me badu bidi dabe agai te Habor wę pąde te distrik Gosan bulude bidao wali, tama me badu bidi dabe te Midia taun bulu tǫde bidao wali.

Godigo Nogi Ugwaba Sabo Tęąbi Po Wabo Buku Dabe 25:3

Awe, nageba te konealubo homu ąų wabo bidi dabe, te augwaligo konealubo odolali dąų omainu elama, tama me tagaliyu me egobeo. Menio. Te nageba hagoma polo ebo bidi dabe, augwali naga te dwai dene somainu elama, tama augwa yali kolesagade hale yaibao.

Godigo Nogi Ugwaba Sabo Tęąbi Po Wabo Buku Dabe 119:158

Te bidi dabego konealubo homu dąų wali te eno suali sela sąbaso, te eno augwaliba wado po wabo dao, magi baso meni, augwaligo nago po wali pisąbaso tebo dao.

Daniel 5:9

Tialima, king Belsasar te wi dwai mu elama, tama aga gesabidi te tedela mu hasegeligi palio. Tama te gegunai bidi dabe te moni homu mu yai, magi baso meni, te augwaligo magi sę deli me yabo usu me isąwanio.

Tigidali Nai Gagalama Nigali Side 10:22

Te e da te Siemgo ogwa dabe nogi da, Elam, Asur, Arpaksat, Lut, me Aram da.

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Aisaia 14:4

Tama Genuai Bidigo te tama tibo si da, dagego te Babilon tuni bidide elalubo po page hanilama waibao. Te hanilabo po da, e tama dao. “Suao. Bomai tuni bidi polo tulalualio. Mena tama tibaso te tobage bomai sę ebo bidi dolaliwe? Genuai Bidigo tama te we bidi dabe dwai sę ilali bagego bomo silalio. Tama te augwali wi mu ilali bidi dolalio.

Aisaia 14:7

Tiali goli, megi da, tigidali bulu tǫ dabe bugagia ma bidaibao. Tama tigidali we bidi wiegi yai homugo i weyu, balia po obao.”

Jeremaia 25:25

te tigidali Simri king dabeba, me te tǫkantri Elam, me kantri Midia dabeba mobadi,

Jeremaia 49:35

Tigidali Bomo Elalubo Genuai Bidi, agai e tama po wali, “Enesigi da, te Elam dabego boma pai nai dao, te augwaligo boi bidi dabe aiyaba elalubo bomo mu yai. Tiali goli, te eno augwaligo enesigi togwaibao.

Daniel 8:2

Te nade polo tama ena pelama, te bulu tǫ pedai provins Elamba sabolama, tama ena te genuai taun Susa tomode dolaluali. Te taun te masigigo nigai genuai boma pai obo elaluali. Ena te moni ąį gamia nogi Ulai pąde dolaluai.